கள்ள நோட்டு அச்சடித்து

கள்ள நோட்டு அச்சடித்து தமிழகம், கர்நாடகம், ஆந்திர மாநிலங்களில் புழக்கத்தில் விட்ட 6 பேர் கைது!
சித்தூரில் கள்ள நோட்டு அச்சடித்து தமிழகம், கர்நாடகம், ஆந்திரா மாநிலத்தில் புழக்கத்தில் விட்ட கிருஷ்ணகிரியை சேர்ந்த 3 பேர் உள்பட 6 பேரை போலீசார் கைது செய்தனர்.
ஆந்திர மாநிலம் சித்தூர் மாவட்டம் குப்பம் மண்டலம் சாமகுட்டபள்ளியில், கள்ள நோட்டு அடிப்பதாக போலீசாருக்கு ரகசிய தகவல் கிடைத்தது. இதையடுத்து இன்ஸ்பெக்டர் கிருஷ்ணமூர்த்தி தலைமையில் எஸ்ஐ பிரசாத் ராவ் மற்றும் போலீசார் இன்று காலை அந்த பகுதியில் சோதனை மேற்கொண்டனர்.

அப்போது ஒரு வீட்டில் வீட்டில் பிரிண்டர், ஸ்கேனர், கம்ப்யூட்டர்களை கொண்டு கள்ளநோட் அச்சடித்து வந்த 6 பேர் கும்பலை போலீசார் கைது செய்தனர். இது குறித்து சித்தூர் எஸ்பி வெங்கட அப்பல் நாயுடு செய்தியாளர்களுக்கு அளித்த பேட்டியில் கூறுகையில், போலீசாருக்கு கிடைத்த ரகசிய தகவலின் அடிப்படையில், இன்று குப்பம் பகுதியில் கள்ள நோட்டுகளை அச்சடித்து புழக்கத்தில் விட்ட ஆறு பேர் கொண்ட கும்பலை போலீசார் கைது செய்தனர்.

இதில் கிருஷ்ணகிரி மாவட்டம் பர்கூர் தாலுக்கா மருதேப்பள்ளி கிராமத்தை சேர்ந்த மணிகண்டன், சுரேஷ்குமார், எலித்திகிரி கிராமத்தை சேர்ந்த குபேந்திரன், ஆந்திர மாநிலம் சித்தூர் மாவட்டம் குப்பம் மண்டலம் சாமகுட்டபள்ளியை சேர்ந்த அனந்தகுமார், திருப்பதியை சேர்ந்த சுரேஷ் ரெட்டி, ஹேமந்த் ஆகியோர் இணைந்து இந்த கள்ள நோட்டுகளை அச்சடித்து கர்நாடகம், தமிழகம், ஆந்திரா உள்ளிட்ட மாநிலங்களில் சிறிய பெட்டிக் கடைகளில் புழக்கத்தில் விட்டு வந்துள்ளனர்.

அனந்தகுமார் வீட்டில் இந்த ரூபாய் நோட்டுகளை அச்சடித்து புழக்கத்தில் விட்டு வந்த நிலையில், போலீசார் இன்று இந்த ஆறு பேரையும் கைது செய்து அவர்களிடமிருந்து 2000 ரூபாய் நோட்டுகள் 92 லட்சத்து 90 ஆயிரம் ரூபாய், 500 ரூபாய் நோட்டுக்கள் 13 லட்சத்து 35 ஆயிரம், 200 ரூபாய் நோட்டுகள் 87 ஆயிரம், 100 ரூபாய் பத்தாயிரம், பழைய 500, 1000 ரூபாய் நோட்டுகள் 1 கோடியே 69 லட்சம் ரூபாய் என மொத்தம் 2 கோடியே 76 லட்சத்து 22 ஆயிரம் கள்ள நோட்டுகளை போலீசார் பறிமுதல் செய்தனர். இவர்களிடம் தொடர்ந்து விசாரணை மேற்கொண்டு வருவதாகவும் இவர்கள் பின்னணியில் வேறு யார் யார் உள்ளார்கள் என்பது குறித்து விசாரித்து அவர்களும் கைது செய்யப்படுவார்கள் என எஸ்.பி. வெங்கட அப்பல் நாயுடு தெரிவித்தார்.

நன்றி சமயம்

ரமணியன்

கைது  வழக்கு  வாய்தா  என்று இல்லாமல் காலம் கடத்தாமல்  பிடித்தாயா  ஒப்பு கொண்டானா உடனே கை துண்டிக்கப்பட்டு  சிறை சாலையில் அரை வயிறு கஞ்சி வார்த்து சாகடிக்கனும். அப்போதான்  இக் குற்ற செயல்கள்  அடங்கும் கட்டுப்படும் .பயிரில் மட்டும்  களை எடுக்கும் நாம்  ஜனநாயகம் தழைக்க செழிக்க மக்களில் இதுபோன்ற களைகள்  உற்பத்தியாகாமல் அழித்தால்  நாடு  நலம்பெறுமே.