அம்மாவைத் தேடிய குழந்தை!

**ayyasamy ram** · **ayyasamy ram** Sat May 25, 2019 7:09 pm

நகரங்களில் ஏன், சிறு கிராமங்களில்கூட, தனிமைக்
குடும்பங்கள் என்றாகிவிட்டது. அப்பா, அம்மா மட்டுமல்லாமல்,
தாத்தா, பாட்டி, பெரியம்மா, பெரியப்பா, சித்தப்பா, சித்தி
என்றும், ஓடிவிளையாட சகோதர-சகோதரிகளும்
என்பதெல்லாம் கனவாய், பழங்கதையாய் போய்விட்டது.

வேலைக்குப் போகும் தாய்மார்களின் நிலைமை குறித்து
வேதனைப்படுவதா, இல்லை அவர்கள் ஆயாக்களின்
அரவணைப்பில் விட்டுச் செல்லும் குழந்தைகளுக்காகக்
கவலைப்படுவதா?

அம்மாவையும், அப்பாவையும் எதிர்நோக்கி
அந்தக் குழந்தைகள் பகற்பொழுதை கழிப்பது போன்ற
சோகம் வேறு எதுவும் இருக்க முடியாது.

செல்லிடப்பேசியும், தொலைக்காட்சியும் வந்தபிறகு,
பெற்றோர்கள் குழந்தைகளுக்காகச் செலவிடும் நேரம்
மிகமிகக் குறைந்துவிட்டது.

“ஐஸ்கிரீம்’ வாங்கிக் கொடுத்தும், சாக்லேட்டுகளையும்
கேக்குகளையும் தந்தும் அவர்களை சமாதானப்படுத்த
மேற்கொள்ளும் முயற்சிகள், அந்தக் குழந்தைகளின்
உடல்நலத்தைப் பாதிப்பது குறித்த கவலை அவர்களுக்கு
இல்லை.

எல்லா தனிமைக் குடும்பங்களிலும் இதுதான் நிலைமை.

விமர்சனத்துக்கு வந்திருந்தது கவிஞர் “பா.வெ.’ எழுதிய
“குறும்பகன்’ என்கிற கவிதைத் தொகுப்பு.
அதிலிருந்த ஒரு கவிதை, தனிமைக் குடும்பங்களின்
குழந்தைகள் மனநிலையைப் படம் பிடிக்கிறது.
==========
அலுவலகம் முடிந்து வந்த
அம்மாவின் கைப்பேசியை
அவசரமாக ஒளித்து வைக்கிறது,
அந்திவரை ஆயாவிடம்
அம்மாவைத் தேடிய குழந்தை!
-
-----------------=----------------
கலாரசிகன், தமிழ்மணி

B.VENKATESAN · B.VENKATESAN Thu Jul 18, 2019 7:31 am

அய்யாசாமி ஐயா மற்றும் ஈகரை அன்புள்ளங்கள் அனைவரும் எப்படி இருக்கிறீர்கள்? எனது நான்காவது நூலான "குறும்பகன்" பற்றிய தினமணியில் கலாரசிகன் பகுதியில் வெளிவந்த பதிவு வரிகளை இங்கு பகிர்ந்த அய்யாசாமி ஐயாவின் அன்பிற்கு என் நன்றிகள். எனது எழுத்திற்கு ஆரம்ப காலங்களில் உற்சாகம் அளித்து தூண்டுகோலாக இருந்த உங்கள் அனைவரையும் நான் மறவேன். மனமார்ந்த நன்றிகள்!!!

**ayyasamy ram** · **ayyasamy ram** Thu Jul 18, 2019 11:49 am

குறும்பகன் கவிதைதொகுப்புக்கு முன்னர்
வெளியிட்ட மற்ற மூன்று நூல்கள் என்னென்ன?
-
உங்கள் சிறந்த கவிதைகளை அவ்வப்போது
ஈகரை - சொந்தக் கவிதைகள் பகுதியில்
வெளியிடலாமே....
-
உங்கள் கவிதை நூல்கள் அரசு நூலகங்களில்
சேர்ப்பிக்கப்பட்டுள்ளதா?
-

**ayyasamy ram** · **ayyasamy ram** Thu Jul 18, 2019 11:53 am

இன்றைய சமூகத்தில் புதுக்கவிதைக்கான இடம் எது?
--
பதில்: ஞானக்கூத்தன்
---------------------------
-
கவிதைக்கான இடம் இருக்கிறது.
ஆனால் எங்கே இருக்கிறது என்று கேட்கக்கூடாது.
இன்னும் கவிதை அபாயகரமான இடத்தில்தான்
உள்ளது.

புதுக்கவிதை படிப்பவர்களின் மனதை மாற்றுகிறது.
மௌனி, ந. முத்துசாமி, கோணங்கி, தமிழவன்,
பா. வெங்கடேசன், ஜெயமோகன் போன்றவர்களின்
உரைநடையில் புதுக்கவிதையின் பாதிப்பைப் பார்க்க
இயலும்.

புதிதாகச் சொல்வது, வித்தியாசமாகச் சொல்வது
என்பதைப் புதுக்கவிதைதான் தொடர்ந்து சவாலாக
ஏற்றுக்கொண்டிருக்கிறது.
-
--------------
ஞானக்கூத்தன்

B.VENKATESAN · B.VENKATESAN Thu Jul 18, 2019 12:07 pm

ஐயா,
இதுவரை நான் எழுதிய நூல்கள்...
1. விற்பனைக்கு வராத கற்பனைகள் (கவிதை)(மணிமேகலை பிரசுரம்), 2. இளைப்பாறல்(கவிதை)(கிரி ஐயா பப்ளிகேஷன்ஸ்), 3. பரபரப்பாய் பக்குவமாய்(கட்டுரை)(அன்னம் அகரம்), 4. குறும்பகன்(கவிதை)(கவி ஓவியா வெளியீடு), 5. சிற்றில்(கட்டுரை)(அருணா பப்ளிகேஷன்ஸ்).
நான் கவிதைகள் எழுதுவதை தற்காலிகமாக நிறுத்தி வெகுகாலம் ஆகிறது ஐயா. குறும்பகன் நூல் என்னையும் மீறி எழுந்த ஒன்று.
எனது நூல்கள் அரசு நூலகங்களில் இல்லை.

Sponsored content · Sponsored content

அம்மாவைத் தேடிய குழந்தை!

அம்மாவைத் தேடிய குழந்தை!

Re: அம்மாவைத் தேடிய குழந்தை!

Re: அம்மாவைத் தேடிய குழந்தை!

Re: அம்மாவைத் தேடிய குழந்தை!

Re: அம்மாவைத் தேடிய குழந்தை!

Re: அம்மாவைத் தேடிய குழந்தை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக