RSS ற்கு வந்த சில செய்தித் தலைப்புகள்.

by Guest Tue Jul 16, 2019 2:06 pm

நாடு முழுவதும் அதிர்ச்சியை ஏற்படுத்திய கும்பகோணம் பள்ளித் தீ விபத்தின் 15-ம் ஆண்டு நினைவுதினம் இன்று அனுசரிக்கப்படுகிறது.
காசிராமன் தெருவில் இயங்கிவந்த ஸ்ரீ கிருஷ்ணா தனியார் பள்ளியில் கடந்த 2004-ம் ஆண்டு ஜூலை 16-ம் தேதி தீவிபத்து ஏற்பட்டது. இதில் தீயில் சிக்கி 94 குழந்தைகள் உடல்கருகி பரிதாபமாக உயிரிழந்தனர். உயிரிழந்த குழந்தைகளின் நினைவாக பாலக்கரை காவிரி ஆற்றுப்பாலம் அருகே பூங்காவில் நினைவுச்சின்னம் அமைக்கப்பட்டது.(புதிய தலைமுறை) … அனுதாபங்கள்.
***********************
தேனி மாவட்டம் உத்தமபாளையம் அருகே 4 வயது சிறுவன் அடித்துக் கொலை செய்யப்பட்ட சம்பவம் தொடர்பாக போலீசார் விசாரணை மேற்கொண்டு வருகின்றனர். (புதிய தலைமுறை)…………………..முன்னேறுகிறது தமிழகம்.
******************
சென்னை வானிலை ஆய்வு மைய இயக்குநர் பாலச்சந்தர் இன்று செய்தியாளர்களுக்கு பேட்டியளித்தார். அப்போது பேசிய அவர், வளிமண்டலத்தின் கீழ் அடுக்கில் வட தமிழகம் முதல் தென் தமிழகம் வரை உள் மாவட்டங்கள் வழியாக குறைந்த காற்றழுத்த தாழ்வு நிலை நிலவுகிறது. இதன் காரணமாகவும், வெப்பச் சலனம் காரணமாகவும் அடுத்த 3 நாட்களுக்கு தமிழகம், புதுவையில்
லேசானது முதல் மிதமான மழை பெய்யக் கூடும். மீனவர்களுக்கு எந்தவொரு எச்சரிக்கையும் விடப்படவில்லை.(சமயம்)
சென்னையில்.........???
***************

இன்று நள்ளிரவில் நடக்க இருக்கும் சந்திரகிரகணத்தை வெறும் கண்களால் பார்க்கலாம் என விஞ்ஞானிகள் கூறியுள்ளனர்.

சூரியனுக்கும், நிலவுக்கு இடையே பூமி நேர்கோட்டில் வரும்போது சந்திரகிரகணம் ஏற்படுகிறது. இந்த முறை நிகழும் சந்திரகிரகணத்தை நாட்டில் பல பகுதிகளிலிருந்தும் வெறும் கண்களால் காண முடியும். இந்த சந்திர கிரகணம் பகுதியளவு சந்திர கிரகணம் (Partial Lunar Eclipse) எனப்படுகிறது. அதாவது பூமியின் நிழல் சந்திரனை முழுவதும் மறைக்காமல் குறிப்பிட்ட அளவு மட்டுமே மறைக்கும். நள்ளிரவு 1.30 மணியளவில் கிரகணம் தொடங்கும். அதிகாலை 4.30 வரை சந்திர கிரகணம் நடைபெறும்.

இந்த சந்திர கிரகணத்தை ஆப்பிரிக்கா, ஐரோப்பா, ஆசியா கண்டங்களில் உள்ள பெருவாரியான மத்திய கிழக்கு நாடுகளில் இருந்து காணமுடியும்.
(வெப்துனியா)
**********************
கர்நாடக அரசியலில் திடீர் திருப்பம்; சபாநாயகருக்கு உத்தரவிட முடியாது- உச்சநீதிமன்ற தலைமை நீதிபதி!
அதிருப்தி எம்.எல்.ஏக்கள் ராஜினாமா விவகாரத்தில், சபாநாயகர் முடிவெடுக்கும் அதிகாரத்தில் நாங்கள் எதுவும் உத்தரவிட முடியாது என்று தலைமை நீதிபதி ரஞ்சன் கோகாய் கருத்து தெரிவித்துள்ளார்.
(தமிழ்-சமயம்)

********************
சுய அறிமுகம். (ஈகரை)
பெயர் தமிழில் எழுதப்பட வேண்டும். (Site Advisor)
***********************
கருத்து தெரிவிக்கச் சொல்வதே வன்முறையா ….? விளைவுகள் தெரிந்தும் தைரியமாகப் பேசிய சூர்யாவிற்கு நமது வாழ்த்துகள்… (விமர்சனம்)
*****************************

சந்திராயனுக்கு உதவிய சேலம்.
நாமக்கல் அருகே சித்தம்பூண்டி கிராமத்தில் நிலவு மண் கிடைப்பதாக கடந்த சில ஆண்டுகளாக நடத்திய ஆய்வில் தெரிய வந்துள்ளது. இந்த மண் சந்திராயன்-2 விண்கலத்தில் பயன்படுத்தப்படும் ரோவர் வாகனத்தை பரிசோதிக்கப் பயன்படுத்தப்பட்டது. அமெரிக்காவில் இருந்து கொண்டுவர அதிக செலவாகும் என்பதால் சேலம் மண் பாவிக்கப்பட்டது.
சேலம் உருக்கு ஆலையில் உருவான உருக்கு-steel- சந்திராயனுக்கு பயன்படுத்தப்பட்டது.(இந்து/புதியதலைமுறை-இணையம்)

(தொழில் நுட்ப காரணங்களுக்காக Mark III (GSLV Mk III) -பாகுபலி, நிறுத்தப்பட்டது -இஸ்ரோ)
**********************
ஐயாசாமி ராம் சாரைக் காணவில்லை. RSS தந்த செய்திகள் சில.