சபாநாயகருக்கு உத்தரவிட முடியாது: சுப்ரீம் கோர்ட்

**ayyasamy ram** · **ayyasamy ram** Wed Jul 17, 2019 4:26 pm

புதுடில்லி :
அதிருப்தி எம்எல்ஏ.,க்களின் ராஜினாமா குறித்து முடிவு எடுக்க
கர்நாடக சபாநாயகருக்கு உத்தரவிட முடியாது என சுப்ரீம்
கோர்ட் தீர்ப்பு வழங்கி உள்ளது.

ராஜினாமா கடிதம் அளித்த அதிருப்தி எம்எல்ஏ.,க்கள்
15 பேர், தங்களின் ராஜினாமா மீது உடனடியாக முடிவெடுக்க
சபாநாயகருக்கு உத்தரவிட வேண்டும் என சுப்ரீம் கோர்ட்டில்
வழக்கு தொடர்ந்திருந்தனர்.

இந்த வழக்கில் இன்று (ஜூலை 17) தீர்ப்பு வழங்கிய சுப்ரீம் கோர்ட்,
எம்எல்ஏ.,க்களை விட சபாநாயகர் தான் முக்கியம். ராஜினாமா
குறித்து முடிவு செய்ய சபாநாயகருக்கு உத்தரவிட முடியாது.

அதிருப்தி எம்எல்ஏ.,க்களின் ராஜினாமா மீது சபாநாயகரே முடிவு
எடுக்கலாம். ராஜினாமா குறித்து முடிவு செய்ய சபாநாயகருக்கு
அவகாசம் அளிக்க வேண்டும். நாளை (ஜூலை 18) நடக்கும்
நம்பிக்கை ஓட்டெடுப்பில் பங்கேற்க எம்எல்ஏ.,க்களுக்கு உத்தரவிட
முடியாது. விருப்பப்பட்டால் அதிருப்தி எம்எல்ஏ.,க்கள் நம்பிக்கை
ஓட்டெடுப்பில் பங்கேற்கலாம். இவ்வாறு தெரிவிக்கப்பட்டுள்ளது.

இரு தரப்பு வாதங்களும் நிறைவடைந்த நிலையில் 30 நொடிகளில்
தீர்ப்பு வாசிக்கப்பட்டுள்ளது. கர்நாடக சட்டசபையில் நாளை
காலை 11 மணிக்கு முதல்வர் குமாரசாமி தலைமையிலான அரசு
மீது நம்பிக்கை ஓட்டெடுப்பு நடத்தப்பட உள்ள நிலையில் சுப்ரீம்
கோர்ட்டின் இந்த தீர்ப்பால், கர்நாடக அரசியலில் பரபரப்பு
ஏற்பட்டுள்ளது. நாளை என்ன நடக்கும் என்ற எதிர்பார்ப்பு
அதிகரித்துள்ளது.
-
தினமலர்

**ayyasamy ram** · **ayyasamy ram** Wed Jul 17, 2019 4:29 pm

பா.ஜ., எடியூரப்பா :
சுப்ரீம் கோர்ட்டின் தீர்ப்பை வரவேற்கிறேன்.
இது அரசியலமைப்பு மற்றும் ஜனநாயகத்திற்கு கிடைத்த வெற்றி.
அதிருப்தி எம்எல்ஏ.,க்களுக்கு கிடைத்துள்ள நியாயமான வெற்றி.

இது இடைக்கால உத்தரவு மட்டுமே. சபாநாயகரின் அதிகாரங்கள்
குறித்து எதிர்காலத்தில் சுப்ரீம் கோர்ட் முடிவு செய்யும். கர்நாடக
முதல்வர் தன் மீதான நம்பிக்கையை இழந்து விட்டார்.

நாளை நம்பிக்கை கிடைக்காவிட்டால் அவர் ராஜினாமா செய்ய
வேண்டும் என்றார்.
--

சபாநாயகருக்கு உத்தரவிட முடியாது: சுப்ரீம் கோர்ட்

சபாநாயகருக்கு உத்தரவிட முடியாது: சுப்ரீம் கோர்ட்

Re: சபாநாயகருக்கு உத்தரவிட முடியாது: சுப்ரீம் கோர்ட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக