காவியும் காசியும்

உலகில் பலருக்கு இந்தியா என்றாலே நினைவுக்கு வருவது
காவி உடையும் சாமியார்களும் காசியும்.

இந்தியாவின் புராதன நகரம் காசி. வாரணாசி என்று
அழைக்கப்படும் ஆன்மிக நகரம். கல்வியிலும் மேம்பட்டிருந்த
இடம். அக்காலத்தில் காசியில் கற்றவர் என்றால் உலகெங்கும்
தனி மதிப்பு.

புனித நதியான கங்கை பிரவாகமாக காசியை அரவணைத்து
ஓடுகிறாள். நதியின் ஓரம் 350 படித்துறைகள் உள்ளன. அவற்றில்
ஒன்று மணிகர்ணிகா படித்துறை... என்றும் அணையாத சுடுகாடு...
எப்போதும் பிணங்கள் வருவதும் எரிவதுமாக அணையா
நெருப்புள்ள இடம் என்பதால் இதனை ‘மகா மயானம்’ என்றும்
கூறுவர்.

‘காசியில் இறக்க முக்தி’ என்றும், ‘இங்கு எரியூட்டும்போது சிவனே
நேரடியாக மோட்சம் அளிக்கிறார்’ என்றும் நம்பப்படுவதால்,
காசி இந்துக்களின் வாழ்க்கையில் முக்கிய இடம் பெறுகிறது.

பிணம் மிதக்கும் கங்கை, சுகாதாரமற்ற காசி என்று வெளியில்
உலவும் தகவல்கள் பலவும் தவறானவை. காசியும் கங்கையும்
அனுபவித்து தெரிந்துகொள்ள வேண்டிய தலங்கள்.

விஸ்வநாதர், அன்னபூரணி, விசாலாட்சியுடன் காசியின்
அதிபதியான காலபைரவரையும் வணங்கி வரலாம்!

எப்பொழுது செல்லலாம்?

ஆண்டு முழுவதும் செல்லலாம். எனினும் குளிர் காலங்களில்
அதிகபட்ச குளிரும் வெயில் காலங்களில் கொளுத்தும்
வெளியிலும் இருப்பதால் ஜனவரி முதல் மார்ச் வரை நன்று.
அமாவாசை தினங்களில் கூட்டம் இருக்கும்.
தை அமாவாசையில் மிக அதிக கூட்டம் இருக்கும்.


எப்படிச் செல்வது?

நாட்டின் அனைத்து முக்கிய நகரங்களில் இருந்தும் காசிக்கு
ரயில் சேவை உண்டு. வாரணாசி சர்வதேச விமான நிலையம்
நகருக்கு 15 கிலோ மீட்டர் தள்ளி இருக்கிறது.

எங்கு தங்குவது?

நகரத்தார் சத்திரம் காசி விஸ்வநாதர் கோயிலுக்கு அருகிலும்,
குமாரசாமி மடம் சிறிது தூரத்திலும் உள்ளது.

முன்கூட்டியே அழைத்து பதிவு செய்து செல்தல் நலம். தவிர,
நிறைய சத்திரங்களும் ஹோட்டல்களும் உண்டு.

பார்க்க வேண்டிய இடங்கள்?[/color]

காசிவிஸ்வநாதர், அன்னபூரணி, விசாலாட்சி, காலபைரவர்,
துர்க்கை கோயில்கள், கங்கையின் படித்துறைகள், மாலையில்
நடக்கும் கங்கா ஆரத்தி, மகா மயானமான மணிகர்ணிகா படித்துறை.

அருகில் உள்ள இடங்கள்?

அலகாபாத், கயா...

உணவு?

ஏராளமான தெருவோர உணவகங்களில் இட்லி, தோசை, உப்புமா கிடைக்கும். நகரத்தார் சத்திரத்தில் தங்கினால் உணவு அங்கேயே உண்டு. பசுக்கள் அதிகம் என்பதால் பால் இனிப்புகள் தாராளம்.

என்ன வாங்கலாம்?

பூஜைப் பொருட்கள், காசிபட்டு, இனிப்புகள்.
-
நன்றி-தினகரன்