'திராவிடர் இயக்கமும், திரைப்பட உலகமும்' நுாலிலிருந்து:

கட்டுரை ஆசிரியர், க.திருநாவுக்கரசு எழுதிய,
'திராவிடர் இயக்கமும், திரைப்பட உலகமும்' நுாலிலிருந்து:

'திராவிட நாடு' என்ற சொல்லை திரைப்பட பாடலில் முதன்
முதலில் பயன்படுத்தியவர், புரட்சிக் கவிஞர் பாரதிதாசன்.
படம்: பராசக்தி. 'வாழ்க திராவிட நாடு...' என்ற பாடல் தான்
அது

* தமிழ் படத்தில், முதன் முதலில், 'ப்ளாஷ் பேக்' யுக்தியை
பயன்படுத்திய படம், ஓர் இரவு

* கதை வசனகர்த்தா மற்றும் பிரபல தயாரிப்பாளர்,
ராம அரங்கண்ணல். ஈ.வெ.ரா.,வின், 'விடுதலை' இதழில்,
சில காலம் பணியாற்றிய பின், ஒன்பது ஆண்டுகள்,
அண்ணாதுரையின், 'திராவிட நாடு' இதழில் பணியாற்றினார்.
படங்களுக்கு, தமிழில், கதை, உரையாடல் எழுதியுள்ளார்,
அரங்கண்ணல்

* வாலிப விருந்து, சந்திரோதயம், அவன் பித்தனா,
பணத்தோட்டம், தர்மம் தலை காக்கும், செல்லப்பிள்ளை
இவையெல்லாம் என்ன என கேட்டால், தமிழ் சினிமாக்கள்
என கூறி விடுவர்.

ஆனால், உண்மையில், அண்ணாதுரையால், 'திராவிட நாடு'
இதழில், ஓரங்க நாடகங்களாக எழுதப்பட்டவை. இந்த
தலைப்புகளின் கவர்ச்சி, பின்னாளில் திரைப்படங்களுக்கு
பயன்படுத்திக் கொள்ளப்பட்டது.

அண்ணாதுரை எழுதி, 10 படங்கள் தான் வெளியாகின.
இருந்தும், கதை வசனத்தில், அவருக்கு ஈடு இல்லை என
பேசப்பட்டார். திரைக்கதை, உரையாடல், அண்ணாதுரை
என, விளம்பரம் செய்யப்பட்டு, பிறகு வெளிவராத நான்கு
படங்கள், விஞ்ஞானி, கலிங்கராணி, அவரே என் தெய்வம்
மற்றும் குமரக்கோட்டம்

* எம்.ஆர்.ராதாவின் மூதாதையர், ஆந்திராவை சேர்ந்தோர்.
ஆனால், பல தலைமுறையாக சென்னையிலேயே வாழ்ந்து
வந்தனர். இதனால், எம்.ஆர்.ராதாவிலுள்ள, 'எம்' எழுத்து,
மெட்ராசை குறிக்கும் என, ராதாவே ஒரு பேட்டியில்
கூறியுள்ளார்

* சுய மரியாதை இயக்கம், திராவிடர் இயக்கங்களின்
கொள்கைகள், எம்.ஆர்.ராதாவின் நாடகங்களில் முன்னிலை
வகித்தாலும், அவர் தன்னை எந்த கட்சியிலும், அதிகாரப்
பூர்வமாக இணைத்துக் கொள்ளவில்லை.
-
-----------------------------

நடுத்தெரு நாராயணன்
திண்ணை-வாரமலர்