91 வயதிலும், சமஸ்கிருத பாடம்!

**ayyasamy ram** · **ayyasamy ram** Sun Jul 07, 2019 7:50 am

-
சென்னை, தாம்பரத்தை அடுத்துள்ள சேலையூரில்
வசிப்பவர், ரெங்கநாத சர்மா, வயது, 91. இவரை,
பார்க்கவும், பாராட்டவும், சென்று கொண்டிருந்தனர்,
மக்கள்.

காரணம், சமஸ்கிருத மொழிக்கு, அவர் ஆற்றி வரும்
பணியை பாராட்டி, சமீபத்தில், தமிழக கவர்னர்
பன்வாரிலால் புரோகித் அளித்த, 'ஆச்சார்ய ரத்னம்'
என்ற மிகப்பெரிய பட்டமும், பாராட்டும் தான்.

சமஸ்கிருத மொழி மீதான ஆர்வம் காரணமாக, சிறு வயது
முதலே சமஸ்கிருதம் படிக்க ஆரம்பித்தார். அதன்பின்,
அந்த மொழியை எதுவரை படிக்க முடியுமோ, அதுவரை
படித்து, அனைத்து பட்டமும் பெற்றுள்ளார்.

நாட்டில் உள்ள பல்வேறு பள்ளி மற்றும் கல்லுாரிகளில்
சமஸ்கிருத ஆசிரியர், பேராசிரியராக இருந்து ஓய்வு பெற்ற
பின், சமஸ்கிருத ஆய்வில் இன்று வரை, சுறுசுறுப்புடன்
ஈடுபட்டுள்ளார்.

அவரே கூறுகிறார்...

'சமஸ்கிருதம் போலவே, தமிழ், ஆங்கிலம், இந்தி மற்றும்
மலையாளம் மொழிகளும் நன்கு தெரியும். இதில், சமஸ்கிருதம்
வேத மொழி மட்டுமல்ல, தேவ மொழியும் கூட.

இதில் எழுதப்படாத, சொல்லப்படாத விஷயங்களே இல்லை.
கற்றுக் கொடுப்பதும், கற்றுக்கொள்வதும் எளிது தான்.

'இந்த மொழியை, குழந்தை இலக்கியமாகவும், நாடகமாகவும்,
கதையாகவும், கவிதையாகவும் மக்களிடம் எடுத்து செல்லும்
விதத்தில், நிறைய புத்தகங்கள் எழுதியுள்ளேன்; இன்னும் எழுதி
வருகிறேன். ஆர்வமுள்ள அனைவருக்கும், வீட்டில் வைத்து
கற்றுக்கொடுத்தும் வருகிறேன்.

'எவ்வித எதிர்பார்ப்பும் இல்லாமல், பெற்ற அறிவை,
மற்றவர்களுக்கு தருவதே சிறந்த கடமை என்ற உணர்வுடன்
செயல்பட்டுக் கொண்டிருக்கும் எனக்கு, கவர்னர் கையால்
கிடைத்த விருது, உற்சாகம் தந்துள்ளது.

இந்த மொழிக்காக, இன்னும் உழைக்க வேண்டும்; நிறைய பேரிடம்
எடுத்து போய் சேர்க்க வேண்டும் என்ற உந்துதலை தந்துள்ளது...'
என்கிறார்.
-
--------------------------
— எல். முருகராஜ்.
வாரமலர்

91 வயதிலும், சமஸ்கிருத பாடம்!

91 வயதிலும், சமஸ்கிருத பாடம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக