ஆஸி.,க்கு தென் ஆப்ரிக்கா 'ஷாக்'

**ayyasamy ram** · **ayyasamy ram** Sun Jul 07, 2019 6:48 am

-
மான்செஸ்டர்:
தென் ஆப்ரிக்காவுக்கு எதிரான உலக கோப்பை கிரிக்கெட் லீக்
போட்டியில் ஆஸ்திரேலிய அணி 10 ரன்கள் வித்தியாசத்தில்
வீழ்ந்தது. வார்னரின் சதம் வீணானது.

இங்கிலாந்து மண்ணில் உலக கோப்பை கிரிக்கெட் தொடர்
நடக்கிறது. மான்செஸ்டரில் நடந்த கடைசி லீக் போட்டியில்
ஆஸ்திரேலியா, தென் ஆப்ரிக்கா அணிகள் மோதின

. 'டாஸ்' வென்ற தென் ஆப்ரிக்க கேப்டன் டுபிளசி பேட்டிங் தேர்வு
செய்தார்.

அபார துவக்கம்

தென் ஆப்ரிக்க அணிக்கு மார்க்ரம், குயின்டன் ஜோடி அபாரமான
அடித்தளம் அமைத்தது. ஸ்டார்க் வீசிய முதல் ஓவரிலேயே
மார்க்ரம் இரண்டு பவுண்டரி விளாசினார். கம்மின்ஸ் பந்து
வீச்சில் குயின்டன் இரண்டு பவுண்டரி அடித்து அசத்தினார்.

இவர்களின் அபார ரன் குவிப்பால், அணி 10 ஓவரில் 73 ரன்கள்
குவித்தது. முதல் விக்கெட்டுக்கு 79 ரன்கள் சேர்த்தபோது, லியான் '
சுழலில்' மார்க்ரம் (34) சிக்கினார். குயின்டன் அரை சதம் எட்டினார்.
மீண்டும் வந்த லியான், இம்முறை குயின்டனை (52) அவுட்டாக்கினார்.

பின், கேப்டன் டுபிளசி, துசன் ஜோடி இணைந்தது. பொறுப்புடன்
விளையாடிய டுபிளசி (100) ஒரு நாள் அரங்கில் 12வது சதம் எட்டினார்
துசன் (95) சத வாய்ப்பை இழந்தார். தென் ஆப்ரிக்கா 50 ஓவரில்
6 விக்கெட்டுக்கு 325 ரன்கள் எடுத்தது.

வார்னர் விளாசல்

பின், களமிறங்கிய ஆஸ்திரேலிய அணிக்கு பின்ச் (3), ஸ்மித் (7)
ஏமாற்றினர். வார்னர், கேரி பொறுப்புடன் விளையாடினர்.
வார்னர் ஒரு நாள் அரங்கில் 17வது சதம் விளாசினார்.

இவர் 122 ரன்களில் அவுட்டானார். அரை சதம் அடித்த கேரி (85)
ஆட்டமிழக்க, சிக்கல் ஏற்பட்டது. இந்த நேரத்தில், ரபாடா
'வேகத்தில்' கவாஜா (18), ஸ்டார்க் (16) போல்டாக, தோல்வி
உறுதியானது. லியான் (3) சொதப்ப, ஆஸ்திரேலிய அணி
49.5 ஓவரில் 315 ரன்களுக்கு ஆல் அவுட்டாகி வீழ்ந்தது.

தென் ஆப்ரிக்கா சார்பில் அதிகபட்சமாக ரபாடா 3 விக்கெட்
வீழ்த்தினார்.
..........

ரிசல்ட் அட்டவணை
--
இந்தியா-நியூசி., மோதல்
-
உலக கோப்பை கிரிக்கெட் லீக் சுற்றின் முடிவில், முதல் நான்கு
இடங்களை பிடித்த அணிகள்
-
அரையிறுதிக்கு தகுதி பெற்றன.
அரையிறுதி அட்டவணை.
-
தேதி அணிகள் இடம்
-
ஜூலை 9 இந்தியா-நியூசி., மான்செஸ்டர்
ஜூலை 11 இங்கிலாந்து-ஆஸி., பர்மிங்காம்

* போட்டிகள் பகல் 3:00 மணிக்கு துவங்கும்.

100
ஒரு நாள் அரங்கில் தென் ஆப்ரிக்கா- ஆஸ்திரேலியா அணிகளுக்கு
இடையேயான 100வது போட்டியாக அமைந்தது.
-
-----------------------------
தினமலர்

**T.N.Balasubramanian** · **T.N.Balasubramanian** Sun Jul 07, 2019 5:52 pm

இந்தியா இறுதி போட்டிக்கு முன்னேறும் வாய்ப்பு உள்ளது

ரமணியன்

ஆஸி.,க்கு தென் ஆப்ரிக்கா 'ஷாக்'

ஆஸி.,க்கு தென் ஆப்ரிக்கா 'ஷாக்'

Re: ஆஸி.,க்கு தென் ஆப்ரிக்கா 'ஷாக்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக