ஆட்டுக்குட்டியை நனைத்த மழை - வாசகர் கவிதை (கவிதைமணி)

**ayyasamy ram** · **ayyasamy ram** Fri Jul 05, 2019 7:26 pm

First topic message reminder :

ஆட்டுக்குட்டியை நனைத்த மழை - வாசகர் கவிதை (கவிதைமணி) - Page 2 Photo-1524024973431-2ad916746881

-

வீட்டில் இருக்கும் குட்டி ஆடு ஒரு
சுட்டி ஆடாகவே இருக்கும் !
மழையில் அது நனைந்தாலும்
சிலிர்த்து குதிக்கும் மகிழ்ச்சியில் !

ஆட்டுக்கு தெரியும் மழை அதை
நனைக்குமே தவிர சிதைக்காது ஒருபோதும்
என்று ...! மழை ஒரு ஓநாயும் அல்ல
ஆட்டுக் குட்டியை தனக்கு இரையாக்க !

ஆனால் எத்தனை எத்தனை ஓநாய்கள்
மனித வடிவில் நம் வீட்டு செல்லக்
குட்டிகளை ,பச்சிளம் பிஞ்சுகளை ,
குறி வைத்துக் குதற !

எத்தனை நாளைக்கு நாம் பொறுத்துக்
கொள்வது இந்த குரூர செயலை ?
நம் வீட்டு ஆட்டுக்குட்டிக்குத் தெரியும்
நாய் எது ஓநாய் எது என்று !

நம்ம வீட்டு செல்லக்குட்டிக்கு மட்டும்
அல்ல ...நமக்கே தெரிவதில்லையே
மனித வடிவில் மிருகம் யார் நம்
அருகில் என்று ?
-
-------------------------

- K .நடராஜன்
கவிதைமணி

**ayyasamy ram** · **ayyasamy ram** Fri Jul 05, 2019 7:31 pm

**

கொடுமையிலும் கொடுமையாகக் கூடிவெயில் வாட்டிடும் !
கடுமையிலும் கடுமையாகக் காய்ந்தெரித்தே சுட்டிடும் !

செடிகொடியும் மரங்களுமே செத்ததுபோல் நின்றிடும் !
அடிவேரும் அற்றதுபோல் அருகம்புல் காய்ந்திடும் !

நீர்நிலைகள் எல்லாமும் நீரின்றிக் நெகிழ்ந்திடும் !
வேர்விட்டத் தாவரங்கள்
விழிக்குருடாய்ப் வீழ்ந்திடும் !

ஆடுமாடு எல்லாமும் அரும்பசியால் அலைந்திடும் !
காடுகழனி எல்லாமும் காணாமல் கருகிடும் !

சோலையிலே பூக்களெல்லாம் சுருங்கிக்கீழ் வீழ்ந்திடும் !
பாலையாகிச் சோலையெலாம் பார்த்துமனம் வாடிடும் !

சிற்றூரில் பேரூரில் திகைக்கின்றார் நீரின்றி !
பற்றுள்ளார் நீர்வாங்கப் பணமிருந்தும் நீரின்றி !

நீரில்லா உலகத்தில் நிலைத்தெந்த உயிர்வாழும் ?
நீரில்லேல் எப்பணிதான் நிலையாக நடந்தேறும் ?

முப்பங்கு நீரிருந்தால் முன்னேற்றம் கிட்டிடுமா ?
உப்பான நீரதனால் உயிர்த்திடுமோ மன்னுயிர்கள் ?

காடழித்து நாடாக்கிக் களித்திருந்தோம் மழையில்லை !
நாடகந்தான் காடாகின் நமக்கேது நல்லநிலை ?

அடடடடா வானந்தான் அழுகிறதே பார்த்தெல்லாம் !
உடனிருந்த ஆட்டுக்குட்டி ஓடிமழை நனைந்தபடி !

மரங்களினை வெட்டிவிட்டோம் மரச்செடிகள் நட்டிடுவோம் !
உரம்நீரும் அதற்கிடுவோம் உயிராக நாம்காப்போம் !

மரம்வளர்ப்போம் மழைபெறுவோம் மண்ணகத்தை மலர்விப்போம் !
மரமாக நாமிருப்போம் மன்னுயிர்த்தே நிலைநிற்போம் !

- படைக்களப் பாவலர் துரை. மூர்த்தி, ஆர்க்காடு.

**

**ayyasamy ram** · **ayyasamy ram** Fri Jul 05, 2019 7:32 pm

**

முப்போகம் விளைய, மும்மாரி பொழிந்த, கைம்மாறு கருதாத மழையே !
முத்து முத்தாகக் கதிர்கள் விளைந் துழவன் மகிழ, அமிழ்தான மழையே !
ஆறு, குளம், ஏரி, கடல் நிறையத், தாயான வான மழையே !
ஆவினமும், புள்ளினமும், கானகமும், மாந்தரும் வாழ வந்த மழையே !

நீ தடம் மாறினாய் ; உன் குணம் ஏன் மாறினாய் ; பொழிதல் குறைத்தாய் !
நீதி பிறழ்ந்து , நீ ஆட்டுக்குட்டியை நனைத்த மழை யாயினாய் !
அள்ளி, அள்ளிக் கொடுத்த கைகள், கிள்ளிக் கொடுத்ததேனோ ?
அருவியாய், ஆகாய ஊற்றாய், பருவத்தேப் பொழியாததேனோ ?

உயிர்களுக்கெல்லாம் வாழ்வு தந்துப் பசியைப் போக்கிடுவாயே ! - ஆனால்,
உயிர் உய்யச், செயும் தவமும், நல்தானமும் தவற வைத்தாயே !
ஆனைக் கட்டிப் போரடித்தக் களத்தில், ஆட்டுக்குட்டிகள் பார்த்தாயோ ? - மழையே,
ஆட்டுக்குட்டியை நனைத்தால் போதுமது அகிலத்துக்குமென நினைத்தாயோ ?

வானமதுப் பொய்த்தால், வாழ்வேப் பொய்க்கும் ; நாடே நலியும் ; அறியாயோ ?
வாராய் மழையே, சினந் தவிர்த்து; ஏரி, குளம் செப்பனிடுவோம், இனி பொழிவாயோ ?
இல்லந்தோறும் நீ தரும் நீரமுதம் சேகரிப்போம் ; பொய்க்காதுப் பொழிவாய் மழையே !
இனி வரும் தலைமுறைக்கும் உன்னருமை
உரைப்போம் ; வா, வா, மழையே வா, வா.

- கவி. அறிவுக்கண்.
கவிதைமணி

**ayyasamy ram** · **ayyasamy ram** Fri Jul 05, 2019 7:32 pm

**
நீண்ட வறட்சிக்குப் பிறகு
கண் திறந்தது வானம் .....
கருமேகங்கள் கனிந்தன!
அக்னிச் சூரியனை
அணைத்து ஆரவாரத்துடன்
பெய்யத் தொடங்கியது மழை !

எப்போதும் போல்
எல்லாவற்றையும் நனைத்த மழை
ஆற்றுப்படுகையோரம்
வழி தவறி வந்த
ஆட்டுக்குட்டி யையும்
நனைத்தது .

முன்னங் கால்களைத்தூக்கி
முதுகை சிலுப்பியது அது .
சின்னத் துளிகள்
சிலிர்த்து சிதறின.
மனதைக் களிப்பூட்டும்
மழை அழகு !

மழையில் நனைந்த ஆட்டுக்குட்டியோ
கொள்ளை அழகு!
அறியா வயதில்
அன்று மழையில் நனைந்து
ஆட்டம் போட்டதும்
அம்மா திட்டிக்கொண்டே
தலையைத் துவட்டி விட்டதும்
ஏனோ நினைவில் வந்து
ஏக்கத்தில் நனையத் தொடங்கியது மனது!

- ஜெயா வெங்கட்

**ayyasamy ram** · **ayyasamy ram** Fri Jul 05, 2019 7:33 pm

இறைவன் கேட்காமலேயே
இரையிடும் "ஆட்டுக்குட்டியை"
பலியிடும் முன் நனைக்கும்
"கிலியான" மழைதான்
"ஆட்டுக்குட்டியை நனைக்கும் மழை!"

இந்த மழையில் இல்லையே
எந்தவித மகிழ்ச்சியும்!
வான வீதியில் உருளும் மேகங்கள்
கானமென்ற இடியுடன்
பூமியை நோக்கி வரும் மழையில்
சாமியின் கருணையை காணலாம்!

இம்மழையில் ஆட்டுக்குட்டி மட்டுமல்ல
எவ்வுயிரையும் நனையச் செய்வதால்
இவ்வுலகமே இன்பக்கடலில்
நீராடுமே..............................
கடவுள் படைத்த உயிரை என்றுமே
அவர் பலியாக கேட்பதில்லையே!

இதில் ஒன்றுமறியா ஆட்டுக்குட்டியை
நனைக்கும் மழையை உங்கள்
நினைவிலிருந்து தூக்கியெறி மானுடனே!
இதில்...... ஓர் உயிர் மட்டுமல்ல
பதில் அறியா கேள்விகளுக்கு
பதிலினை அறியலாம்!

- உஷாமுத்துராமன், திருநகர்

Sponsored content · Sponsored content

ஆட்டுக்குட்டியை நனைத்த மழை - வாசகர் கவிதை (கவிதைமணி)

ஆட்டுக்குட்டியை நனைத்த மழை - வாசகர் கவிதை (கவிதைமணி)

Re: ஆட்டுக்குட்டியை நனைத்த மழை - வாசகர் கவிதை (கவிதைமணி)

Re: ஆட்டுக்குட்டியை நனைத்த மழை - வாசகர் கவிதை (கவிதைமணி)

Re: ஆட்டுக்குட்டியை நனைத்த மழை - வாசகர் கவிதை (கவிதைமணி)

Re: ஆட்டுக்குட்டியை நனைத்த மழை - வாசகர் கவிதை (கவிதைமணி)

Re: ஆட்டுக்குட்டியை நனைத்த மழை - வாசகர் கவிதை (கவிதைமணி)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக