Latest topics

அத்தி வரதர் மீண்டும் 2059-ம் ஆண்டு தான் காட்சி தருவார்

ஈகரை தமிழ் களஞ்சியம் :: ஆன்மீகம் :: இந்து

Page 1 of 1

அத்தி வரதர் மீண்டும் 2059-ம் ஆண்டு தான் காட்சி தருவார்

Post by ayyasamy ram Mon Jul 01, 2019 4:08 pm

-
வசந்த மண்டபத்தில் இருந்து இன்று முதல் காட்சி தரும்
ஆதி அத்தி வரதர் அடுத்த மாதம் (ஆகஸ்டு) 17-ந்தேதி வரை
பக்தர்களுக்கு அருள்பாலிப்பார். அதன்பிறகு, பரிகார
பூஜைகள் செய்யப்பட்டு மீண்டும் அனந்தசரஸ் குளத்திற்குள்
நீருக்கடியில் வைக்கப்படுவார்.

அடுத்து 2059-ம் ஆண்டு தான் மீண்டும் பக்தர்களுக்கு
காட்சி தர வருவார்.

இதற்கு முன்பு 1854-ம் ஆண்டு ஜூன் மாதம் 18-ந்தேதி,
1892-ம் ஆண்டு ஜூன் மாதம் 13-ந்தேதி, 1937-ம் ஆண்டு
ஜூலை மாதம் 2-ந்தேதி ஆகிய நாட்களில்
ஆதி அத்தி வரதர் குளத்தில் இருந்து வெளியே வந்து
பக்தர்களுக்கு காட்சியளித்துள்ளார்.

ஆனால், அப்போதெல்லாம் 40 ஆண்டுகள் இடைவெளி என்பது
சரியாக பின்பற்றப்படவில்லை.

1937-ம் ஆண்டுக்கு பிறகு 1977-ம் ஆண்டு ஆதி அத்தி வரதர்
குளத்தில் இருந்து வெளியே வந்திருக்க வேண்டும். அந்த
நேரத்தில், கோவில் ராஜகோபுரம் கட்டும் பணி நடந்துள்ளது.

எனவே, அந்தப் பணி முடிந்ததும் 1978-ம் ஆண்டு கோவில்
கும்பாபிஷேகம் நடத்தப்பட்டுள்ளது. அதன்பிறகு, 1979-ம்
ஆண்டு ஜூலை 2-ந்தேதி தான் (அதாவது 42 ஆண்டுகள்
கழித்து) ஆதி அத்தி வரதர் அனந்தசரஸ் குளத்தில் இருந்து
வெளியே வந்து பக்தர்களுக்கு அருள்பாலித்துள்ளார்.

தற்போது, சரியாக 40 ஆண்டுகளில் மீண்டும் அவர் வெளியே
வந்திருக்கிறார் என்பது குறிப்பிடத்தக்கது.
-
----------------------------------------
மாலைமலர்

ayyasamy ram: வழிநடத்துனர்; பதிவுகள் : 84876
இணைந்தது : 30/09/2013