Latest topics

கடவுள் நம்மை கவனிக்கிறார்

ஈகரை தமிழ் களஞ்சியம் :: தகவல் களஞ்சியம் :: கட்டுரைகள் - பொது

Page 1 of 1

கடவுள் நம்மை கவனிக்கிறார்

Post by ayyasamy ram Mon Jul 01, 2019 7:57 am

கடல் பெரிதாக இருந்தாலும் தாகத்தைத் தணிப்பதில்லை.
ஊற்று நீர் சிறிதாக இருந்தாலும் அது நம் தாகத்தைத்
தணிக்க போதுமானது.
அதுபோல, பலவிதமான சாதுர்யங்களைப் பேசும்
சாமான்யனின் வீண்பேச்சு பயனற்றதாகும். ஆனால்,
அனுபவ ஞானியின் ஓரிரு வார்த்தைகள் மன ஆறுதலையும்,
சாந்தியையும் தரும்.
------------------
-
கருவி எப்போதும் இயங்கிக் கொண்டிருந்தாலும் அதை
இயக்கம் தானாக நடைபெறுவதில்லை. உலகம் இயற்கையாக
இயங்குவது போல் தோன்றினாலும் அதன் பின்னால் இயக்கும்
சக்தியாக இறைவன் இருக்கிறான்.
-
-------------------------------------
-
உலகில் நம் ஒவ்வொருவரையும் கடவுள் கவனித்துக்
கொண்டிருக்கிறார். நம் பிரார்த்தனைகளை அவர் செவிகள்
உன்னிப்பாகக் கேட்டுக் கொண்டிருக்கின்றன. அதனால்,
கடவுளிடம் மனப்பூர்வமாக உங்கள் பிரார்த்தனைகளை
முன்வையுங்கள்.
-
-------------------------------------------
-
வெப்பம்-குளிர், சுகம்-துக்கம், மானம்-அவமானம்,
வெற்றி-தோல்வி, லாபம்-நஷ்டம் என்று இரு எதிரெதிர்
குணங்கள் உலகில் இருக்கின்றன. இவ்விரு அனுபவங்களும்
கடவுளை உணர்ந்த பின் நம்மை பாதிப்பதில்லை.
-
-----------------------------------------
-
இறைவன் சத்தியத்தையே தன் இருப்பிடமாக
கொண்டிருக்கிறான். சத்தியமும் இறைவனும் வேறுவேறல்ல.
சத்தியத்தைக் கடைபிடிப்பவன் தெய் வத்தையே
சரணடைந்தவனாகிறான்.
-
-------------------------------------------------
-கிருஷ்ணப்ரேமி சுவாமிகள்

ayyasamy ram: வழிநடத்துனர்; பதிவுகள் : 82813
இணைந்தது : 30/09/2013