‘ஒரே நாடு, ஒரே ரேஷன் கார்டு’ திட்டம்: மாநிலங்களவையில், மத்திய மந்திரி தகவல்

**ayyasamy ram** · **ayyasamy ram** Sat Jun 29, 2019 6:35 am

-
புதுடெல்லி,

‘ஒரே நாடு, ஒரே ரேஷன் கார்டு’ திட்டத்தை விரைவில் அமல்படுத்த மத்திய அரசு திட்டமிட்டுள்ளதாக, மத்திய உணவுத்துறை மந்திரி ராம் விலாஸ் பஸ்வான் மாநிலங்கள் அவையில் தெரிவித்தார்.

இது தொடர்பாக அவர் கூறியதாவது:-

மத்திய அரசு ரேஷனில் உணவுப்பொருள் வழங்குவதற்காக சுமார் ரூ.1 லட்சத்து 45 ஆயிரம் கோடியை மானியமாக வழங்குகிறது. ஒரு கிலோ கோதுமை ரூ.2-க்கும், அரிசி கிலோ ரூ.3-க்கும் வழங்கப்பட்டு வருகிறது.

உணவு பொருட்களை கொள்முதல் செய்வதற்கு அதிக செலவு இருந்தபோதிலும் கடந்த ஐந்து ஆண்டுகளில் இந்த திட்டத்தில் எந்த மாற்றங்களும் செய்யப்படவில்லை. மாநில அரசுடன் ஒருங்கிணைந்து வினியோகிக்கப்படுவதால் ரேஷன் பொருட்கள் முழுமையாக ஏழைகளை சென்றடைகிறது.

ரேஷன் கடைகளில் கோதுமை, அரிசி மற்றும் பிற உணவுப் பொருட்கள் ஏழை மக்களுக்கு ரேஷன் கார்டுகள் மூலம் மானிய விலையில் வழங்கப்படுகின்றன.

இந்தநிலையில் ‘ஒரே நாடு, ஒரே ரேஷன் கார்டு’ திட்டத்தை அமல்படுத்த மத்திய அரசு முடிவு செய்துள்ளது. இந்த திட்டத்தின் மூலம் ஏழைகள் நாட்டின் எந்த மூலையிலும் ரேஷன் கடைகளில் மானிய விலையில் பொருட்களை பெற முடியும். இதனால் ஒரு குடும்பத்தினர் பல ரேஷன் கார்டுகளை பயன்படுத்துவதை தடுக்க முடியும். இவ்வாறு அவர் கூறினார்.

திடத்தந்தி

சிவனாசான் · சிவனாசான் Sat Jun 29, 2019 9:52 pm

நல்ல திட்டம்தான் .இதுக்கும் எதிரி கட்சியினர் போராட்டம் நடத்தினாலும் நடத்துவர். கண்மூடி தனமாக எதிர்ப்பதே அவர்களின் தொழில். ஏன்னா மக்களை ஏமாற்றி பொய்வார்த்தைகளை கூறி பணம் கொடுத்து வெற்றியை வாங்கிக்கொண்டனர்.
வீராப்பு பேசுகின்றனர். ஒருநாளும் உண்மை தோற்றதில்லை. வாழ்க பாரதம் வளர்க பாஜக. நல்லவர்கள் நீடு வாழனும் ஆன்மீகம் தழைக்கனும் .நாடு செழிப்படையனும்.
ஊழல் அரசியல் வாதிகள் கோடானகோடி சொத்து சேர்த்துள்ள அரசியல் கயவர்கள் வீழனும்.

**M.Jagadeesan** · **M.Jagadeesan** Sun Jun 30, 2019 2:41 pm

" ஒரே நாடு ; ஒரே ரேஷன் கார்டு "

நடைமுறையில் பல சிக்கல்களை ஏற்படுத்தும் . தமிழ்நாட்டிலிருந்து பஞ்சாப் செல்லும் ஒருவனுக்கு , அரிசி கிடைக்காது ; கோதுமைதான் கிடைக்கும் . ஒவ்வொரு மாநிலமும் , உணவுப் பழக்கத்தால் மாறுபட்டவை . இதை கருத்தில் கொள்ளவேண்டும் .

Guest · Guest Sun Jun 30, 2019 3:15 pm

பாஜக விலும் ஊழல்வாதிகள் இருக்கின்றனர். ஊழல் குற்றங்களில் இருந்து தப்ப பாஜக வில் சேர்ந்தவர்களும் உண்டு. எந்த அரசியல்வாதியும் இன்று நல்லவர்கள் கிடையாது.
ஒரே நாடு,ஒரே ரேஷன்.
ஒரே நாடு ஒரே மொழி,
ஒரே நாடு ஒரே தேர்தல்.
ஒரே நாடு ஒரே தலைவன்.
திட்டங்கள் சரியான முறையில் ஆராய்ந்து சட்டமாக்கப்படா விட்டால்,
பணமதிப்பிழப்பு , ஜிஎஸ்டி போன்ற சில போல் ஆகிவிடலாம்.
நாடு சர்வாதிகாரத்திற்கு போய் ஜனநாயகம் செத்துவிடும்.

**T.N.Balasubramanian** · **T.N.Balasubramanian** Sun Jun 30, 2019 4:23 pm

M.Jagadeesan wrote: " ஒரே நாடு ; ஒரே ரேஷன் கார்டு "

நடைமுறையில் பல சிக்கல்களை ஏற்படுத்தும் . தமிழ்நாட்டிலிருந்து பஞ்சாப் செல்லும் ஒருவனுக்கு , அரிசி கிடைக்காது ; கோதுமைதான் கிடைக்கும் . ஒவ்வொரு மாநிலமும் , உணவுப் பழக்கத்தால் மாறுபட்டவை . இதை கருத்தில் கொள்ளவேண்டும் .

மேற்கோள் செய்த பதிவு: 1299885

நிச்சயமாக இதை மனதில் கொண்டு சட்டம் இயற்றபட வேண்டும்.

ரமணியன்