திருப்பதியில் வாடகை அறை எடுத்துத் தங்குபவர்களுக்கு ஒரு முக்கிய அறிவிப்பு!

by **ayyasamy ram** Sun Jun 30, 2019 11:01 am

-
திருப்பதியில் ஜூலை 1-ம் தேதி முதல் வாடகை அறை
வழங்கும் நடைமுறைகளில் சிறிய மாற்றத்தை
தேவஸ்தானம் கொண்டு வர உள்ளதாக அதிகாரிகள்
தெரிவித்தனர்.

ஏழுமலையானைத் தரிசிக்க வரும் பக்தர்கள், திருப்பதியில்
உள்ள தேவஸ்தானத்திற்கு சொந்தமான வாடகை
வளாகங்களில் அறை எடுத்துத் தங்கி வருகின்றனர். இந்த
வளாகங்களில், தர்ம தரிசன நேர ஒதுக்கீடு டோக்கன்
கவுன்ட்டர்களும் செயல்பட்டு வருகின்றன.

இந்த வாடகை அறைகளை 90 நாள்களுக்கு முன் இணைய
தளம் வழியாக முன்பதிவு செய்து கொள்ளும் வசதியை
தேவஸ்தானம் அளித்து வந்தது.

ஆனால், நேரடியாக வரும் பக்தர்களுக்கு வாடகை அறை
வழங்குவதில் சிக்கல் ஏற்படுவதால், தேவஸ்தானம் இந்த
நடைமுறையில் சிறிய மாற்றத்தைச் செய்துள்ளது.

திருப்பதி ரயில் நிலையம் அருகில் உள்ள விஷ்ணு நிவாசம்
வளாகத்தில் உள்ள வாடகை அறைகள், நேரடி முன்பதிவில்
மட்டுமே வழங்கப்பட உள்ளன.

பக்தர்கள் அறை ஒதுக்கீட்டைப் பெற்ற பின், 24 மணி
நேரத்திற்குள் அறையைக் காலி செய்ய வேண்டும். மேலும்
பேருந்து நிலையம் எதிரில் உள்ள சீனிவாசம் மற்றும் மாதவம்
உள்ளிட்ட வளாகங்களில் உள்ள வாடகை அறைகள் இணைய

தள முன்பதிவு மூலம் மட்டுமே வழங்கப்பட உள்ளன.
இணையதளம் வாயிலாக வாடகை அறை முன்பதிவு
செய்பவர்கள் முன்பதிவு செய்யப்பட்ட நேரத்திற்கு வரத்
தவறினாலும், முன்பதிவில் குறிப்பிட்டுள்ள 24 மணி
நேரத்திற்குள் அறையைக் காலி செய்ய வேண்டும்.

அவர்களுக்கு நேர நீட்டிப்பு வழங்கப்பட மாட்டாது. இந்த
மாற்றம் வரும் ஜூலை 1-ஆம் தேதி முதல் அமலுக்கு வர
உள்ளதாக அதிகாரிகள் தெரிவித்தனர்.
-
----------------------------------

தினமணி

by Guest Sun Jun 30, 2019 11:35 am

திருப்பதியில் வாடகை அறை எடுத்துத் தங்குபவர்களுக்கு ஒரு முக்கிய அறிவிப்பு! 1571444738

ஒரு லட்டுக்காக கோடி கோடியாய் உண்டியலில் கொட்டுகிறதே!
ஆமா அந்த லட்டில் என்னதான் இருக்கிறது?

by **ayyasamy ram** Sun Jun 30, 2019 11:56 am

உண்டியலில் பணம் கொட்டுவது லட்டுக்காக அல்ல...!
-
திருப்பதி வெங்கடாஜலபதி குபேரனிடம் பட்ட கடனை
தீர்ப்பதற்காக...!!
-
-------------------------------------------

by Guest Sun Jun 30, 2019 1:53 pm

யார் இந்தக் குபேரன்? திருப்பதி பாலாஜிக்கும் குபேரனுக்கும் என்ன தொடர்பு?
உண்டியலில் தான் பணம் கொட்டுகிறதே .தரிசிக்கவும் லட்டுக்கும் பணம் ஏன்? ஏழைகள் நிலை என்ன? தரிசனம்,அருள் ஏழைக்கு இல்லையா?
(ஆன்மீகத்திலும் அறிவியலிலும் தெரிந்து கொள்ள பல இருக்கிறது.)