கட்டுப்படுத்தும் தலைமை

**ayyasamy ram** · **ayyasamy ram** Sun Jun 30, 2019 7:08 am

புதுடில்லி:
லோக்சபா தேர்தலில், தமிழகத்தில், தி.மு.க., கூட்டணி அமோக வெற்றி பெற்று, வட மாநிலங்களிலிருந்து கிளம்பிய மோடி 'சுனாமி'க்கு, இங்கே அணை போட்டது.

போட்டியிட்ட, 38 இடங்களில், தி.மு.க., கூட்டணி, 37 இடங்களை கைப்பற்றியது. வாக்காளர்களுக்கு பணப் பட்டுவாடா செய்த குற்றச்சாட்டில், வேலூர் தொகுதியில், தேர்தல் ரத்து செய்யப்பட்டது.

கட்டுப்படுத்தும் தலைமை

இப்போது, தி.மு.க.,வின், 20 எம்.பி.,க்கள், லோக்சபா நடவடிக்கைகளில் மகிழ்ச்சியாக பங்கேற்று வருகின்றனர். ஆனாலும், அவர்களில் பெ ரும்பாலானோர், சபையில் பேச முடியவில்லையே என, நொந்து போயுள்ளனர். பலருக்கு பேச திறமையிருந்தும், 'ஒரு ஆண்டு வெறுமனே சபையில் என்ன நடக்கிறது என கவனியுங்கள்; பிறகு பேசலாம்' என, தி.மு.க., தலைமை , அவர்களுக்கு உத்தரவிட்டுள்ளதாம்.

சீனியர், எம்.பி.,க்கள் நான்கு பேர் மட்டுமே , சபையில் பிரச்னைகளை பற்றி பேசுகின்றனர். தி.மு.க., - எம்.பி.,க்கள், மத்திய அமைச்சர்களை சந்தித்து, தொகுதி சம்பந்தப்பட்ட பிரச்னைகளுக்கு மனு கொடுக்கலாம் என்றால், அதற்கும் தடை உத்தரவு போடப்பட்டு இருக்கிறது. கட்சித்தலைமைக்கு சொல்லாமல், யாரையும் சந்திக்கக் கூடாது என, மேலிடத்து கட்டளையாம்.

பிரமாண்ட வெற்றி பெற்றும், லோக்சபாவில் சுதந்திரமாகச் செயல்பட முடியவில்லையே என புலம்புகின்றனர், தி.மு.க., - எம்.பி.,க்கள் சிலர். டில்லியில் பெண் நிருபர்கள் சங்கம் உள்ளது. இவர்களுடைய சங்க நிகழ்ச்சிக்கு, தி.மு.க.,வின் இரண்டு பெண், எம்.பி.,க்களுக்கும் அழைப்பு வந்தது.

ஆனால், இந்த நிகழ்ச்சியில் கலந்து கொள்ள வேண்டாம் என, பார்லிமென்ட், தி.மு.க., தலைவர் சொன்னதால், இந்த இரண்டு,எம்.பி.,க்களும் பங்கேற்கவில்லை.

தினமலர்

கட்டுப்படுத்தும் தலைமை

கட்டுப்படுத்தும் தலைமை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக