திருப்தியை விடச் சிறந்த இன்பம் இல்லை

**ayyasamy ram** · **ayyasamy ram** Fri Jun 28, 2019 7:38 am

-
* இறைவன் ஒருவனே என்றாலும், எண்ணற்ற தோற்றங்களில்
அவன் காட்சி தருகிறான். அனைத்து உயிர்களையும் படைத்து
காத்து அருள்புரிபவன் அவனே.

* ஒவ்வொருவரும் இறைவனின் திருநாமத்தை உச்சரிக்கின்றனர்.
ஆனால், உள்ளத்தில் அன்பு இல்லாமல் வெறும் உச்சரிப்பால்
மட்டுமே அவனை அடைய முடியாது.

* செல்வச்சீமான் என்றாலும், நாடாளும் மன்னன் ஆனாலும்
எல்லா உயிர்களும் இறைவன் முன் சமமே. சிறு எறும்பும்
இறைவனின் அன்புப்படைப்பே.

* சகதி நிறைந்த சேற்றில் பிறக்கும் தாமரை, அதிலிருந்து எப்படி
விலகி இருக்கிறதோ, அதுபோல வாழ்வில் பட்டும் படாமலும்
இருக்கப் பழகுங்கள்.

* நன்மை செய்தவர்க்குத் திருப்பி நன்மை செய்வது உலக இயல்பு.
ஆனால், தீமை செய்தவர்க்கும் நன்மை செய்வது உத்தமருக்குரிய
உயர்ந்த குணம்.

* பொறுமையை விடச் சிறந்த தவம் வேறொன்றும் உலகில் இல்லை.
திருப்தியை விடச் சிறந்த இன்பம் இல்லை. மன்னிப்பதை விட
மகத்தான ஆயுதம் வேறில்லை. இவற்றை வாழ்வில் கடைபிடியுங்கள்.
=
===============================
- குருநானக்

**ayyasamy ram** · **ayyasamy ram** Fri Jun 28, 2019 7:39 am

ஒருமுறை கயிலாயம், மானசரோவர் வழியாக
கர்தார்பூர் நகருக்கு வந்தார் குருநானக்.
அங்கே ஒரு போலிச் சாமியார் ஒரு மேசைமுன்
கண்மூடி தியானத்தில் அமர்ந்திருப்பதுபோல
நடித்து வந்தார்.

அடிக்கடி கண்திறந்து மேசைமேல் விழும்
நாணயங்களை மட்டும் ஜாக்கிரதையாக எடுத்து
வைத்துக் கொள்வார்!

காசைப் பார்க்கும்போது மட்டுமே அவருக்குக்
கண்தெரிந்து வந்தது! காசின்மேல் பற்றுள்ளவன்
எப்படித் துறவியாக இருக்கமுடியும்?

குருநானக் ஒருநாள் மேசையில் காசு சேர்க்கும்
போலிச்சாமியார் உள்ள இடத்திற்குப் போனார்.
அவர் கண்மூடி இருந்த நேரத்தில் மேசையையே
அப்புறப்படுத்தி விட்டார்.

கண்திறந்த போலிச்சாமியார் என் மேசை எங்கே
என் காசு எங்கே என்று அலறலானான். புண்ணியம்
செய்த மேசை அல்லவா அது! தன்மேல் விழும் காசை
உன்னைப்போல் அது லட்சியம் செய்ததே கிடையாது
எனவே நீ மேலுலகம் போவதற்குள் காசில்
ஆசையில்லாத அந்த மேசை மேலுலகம் போய் விட்டது
என்றார் குருநானக்.

அவன் வெட்கித் தலைகுனிந்தான்.

ஆன்மிகம் பணம் சம்பாதிப்பதற்கான வழி அல்ல.
அது ஆண்டவனின் அருள் பெறுவதற்கான மார்க்கம்
என அவனுக்கு அறிவுறுத்தினார் அவர்.
-
———————————–

**பழ.முத்துராமலிங்கம்** · 27/09/2015

Code:: ஆன்மிகம் பணம் சம்பாதிப்பதற்கான வழி அல்ல. அது ஆண்டவனின் அருள் பெறுவதற்கான மார்க்கம் என அவனுக்கு அறிவுறுத்தினார் அவர்.

நல்லதொரு கருத்து..

Sponsored content · Sponsored content

திருப்தியை விடச் சிறந்த இன்பம் இல்லை

திருப்தியை விடச் சிறந்த இன்பம் இல்லை

Re: திருப்தியை விடச் சிறந்த இன்பம் இல்லை

Re: திருப்தியை விடச் சிறந்த இன்பம் இல்லை

Re: திருப்தியை விடச் சிறந்த இன்பம் இல்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக