நீண்ட நேரம் தண்ணீர் குடிக்காவிட்டால், உடல்வரட்சி காரணமாக இப்படியும் நடக்கலாம்.

நமது உடல் வியர்வை,சிறு நீர் போன்றவற்றால் வெளியேற்றும் நீரை சரி செய்ய நாம் நீரை எடுக்க வேண்டும். நேரடியாக தண்ணீர் மூலமும் உணவில் இருக்கும் நீர் மூலமும் உடல், வெளியேற்றும் நீருக்கு சமமாக ,எடுத்துக் கொள்கிறது. நீர் பற்றாக்குறை ஏற்படும் போது உடல் வரட்சி (dehydration ) ஏற்படுவதுடன் வேறு சில பக்க விளைவுகளையும் ஏற்படுத்துகிறது.

வயதில் கூடிய சிலருக்கு இந்த வரட்சியினால் உடல் நடுக்கம்,பசி ஏற்படலாம். அப்போது உடனே தண்ணீர் அருந்த வேண்டும்.

ஜேர்மன் அதிபர் அஞ்சலா மெர்கல் (64), சமீபத்தில் விசயம் செய்த உக்கரேனிய அதிபர்  Volodymyr Zelenskiy க்கு பேர்லினில் ஜேர்மன் நாட்டின் சார்பில் சிவப்புக் கம்பள வரவேற்புக் கொடுத்தார்.அந்த வரவேற்பில் தேசிய கீதம் இசைக்கும் போது ஜேர்மன் அதிபருக்கு உடல் வரட்சி (Dehydration ) காரணமாக உடல் நடுக்கம் ஏற்பட்டது. வாயை நன்றாக கடித்துக் கொண்டே தேசிய கீதத்தின் போது தன்னை சரிசெய்து கொண்ட அவர் , பின்னர் செய்தியாளர்களிடம் கூறும் போது, உடனடியாக சென்று மூன்று கிளாஸ் தண்ணீர் குடித்ததாகவும் எல்லாம் சரியாகி விட்டதாகவும் சொன்னதுடன், வரவேற்புரையில் நீண்ட நேரமும் பேசினார்.

பலராலும் விரும்பப்படும் அவர் 2005 இல் இருந்து, பதவியில் இருந்து ஓய்வு பெறும் நிலையில்,கடைசி பதவிக் காலமான 2021 வரை பதவியில் இருப்பார்.



(இப்போது ஜேர்மனியில் கோடைகாலம் தொடங்கியதால் அதிக வெப்ப நிலை -30C (86F) - உள்ளது.மருத்துவர்கள் அவருக்கு எதுவித பிரச்சனையும் இல்லை எனவும் உடல்வரட்சி காரணமாக இப்படி ஏற்படுவதாகவும் தெரிவித்துள்ளனர்.)

ஆம் . கோடைகாலங்களில் அதிக வாய்ப்புள்ளது 

நாம் கவனமாக இருக்கவேண்டும்.

பாட்டிலும் கையுமாக வெளியே செல்லவேண்டும்.

ரமணியன்