அதிக மேக்கப் போட்டால் தண்டனை நிச்சயம்.

சில விசித்திரமான செய்திகள் இவை………..

கோல் குரூவ் ,ஓஹியோவில் திடீரென தண்ணீர் பிங்க் நிறத்தில் வரத் தொடங்கியதை அடுத்து உள்ளூராட்சி அலுவலகம் மன்னிப்புக் கேட்டு அதற்கு விளக்கமும் தந்தது. தண்ணீர் சுத்தப்படுத்தும் போது Sodium Permanganate சிறிது அதிகமானதால் இந்த நிற மாற்றம் என்றும், அதனால் எந்த ஆபத்தும் இல்லை என்றும்,சில மணி நேரத்தில் சரியாகி விடும் எனவும் அறிவித்தனர்.(WSAZ)

கறுப்போ சிவப்போ தண்ணீர் கிடைக்காதா என ஏங்கும் மக்கள் அதிகரித்து வருகிறார்கள்.
……………..
உருகுவேயில் பெண் ஒருவர் அதிக முக அலங்காரத்துடன் ( “excessive beauty on public roads” ) பொது வீதியில் கார் ஓட்டியதால் அவருக்கு தண்டனை சீட்டை அலுவலர் வழங்கியதைத் தொடர்ந்து,சமூக வலைத்தளங்கள் பெரிதுபடுத்த,இப்போது அலுவலர் மீது விசாரணை நடைபெறுகிறது.

(ABC report )
…………..
மேற்கு வங்கத்தில் Ananta Burman என்ற இளைஞன் எட்டு வருடங்களாக காதலித்த காதலி லிபிக்கா,திருமணத்திற்கு சம்மதித்து திடீரென எல்லாம் முடிந்தது என்று சொல்லி தொடர்புகளை துண்டித்துக் கொண்டதால், Give back my eight years என்ற சுலோகத்துடன் காதலியின் வீட்டுக்கு முன்னால் உண்ணாவிரதம் இருந்து வருகிறார்.இவருக்கு சமூக வலைத்தளங்கள் மற்றும் பொதுமக்களின் ஆதரவு பெருகி வருகிறது.


தமிழ் நாட்டிலும் இப்படியான சம்பவங்கள் நடந்தன என்ற நினைவு வருகிறதா?
………………………...
கொலம்பியாவில் ஜைரோ என்பவர் வேறொரு பெண்ணுடன் ஹோட்டல் அறையில் இருந்ததை கண்ட மனைவி,அவரை நிர்வாணமாக பொது வீதியில் செல்ல வேண்டும் என்ற தண்டனையை கொடுக்க.அதை ஏற்றுக் கொண்ட அவர் சாலையில் போகும் காட்சி இதுவாகும்.தன் தவறை அவர் ஏற்றுக் கொண்டதுடன் மன்னிப்பும் கேட்டும் அதை ஏற்றுக் கொள்ளாத மனைவியின் தண்டனையை அவர் நிறைவேற்றினார்.



ஆனால் பொதுவீதியில் இப்படி அலங்கோலமாக சென்றதற்காக உடனே அவ்விடத்திற்கு வந்த பொலீசார் அவரைக் கைது செய்து சிறைக்கு அனுப்பியதுடன்,328,000 பெசோ தண்டமும் விதித்தனர்.
………….
எட்டு வருடங்களாக, 2011 – முதல், எங்கு சுவரைக் கண்டாலும் சித்திரம் வரையும் ஓவியர் ராஜு. மன நலம் பாதிக்கப்பட்டதாக சொல்லப்படும் இவர் கொல்லம் கேரளாவைச் சேர்ந்தவர்.முன்னர் சிறந்த பயிற்சி பெற்ற ஓவியராக (trained artist and designer) இருந்ததாக சொல்லப்படுகிறது. (மனோரமா செய்தி)


……………………….
ஹெல்மட் போடாததற்கு நீதிமன்றம் என்ன செய்தீர்கள்,சாரதி அனுமதி உரிமம் திரும்பப் பெறலாமே எனக் கேள்வி கேட்டுக் கொண்டிருக்கும் நிலையில்,சீனாவில் கார் ஓட்டும் போது கைபேசியை பயன்படுத்தியதற்காகவும்,வலது கையால் முகத்தை சொரிந்ததற்காகவும் தண்டனை வழங்கப்பட்டிருக்கிறது.

(BBC  )
………………


ஐஸ்லாந்தில் -Grimsey  -என்ற தீவில் ஒரு மாணவன் விலகியதால் பள்ளியை மூடிய நிர்வாகம்.எல்லா வசதிகளுடன் (community hall, school, kindergarten, doctor's office, and library ) உள்ள இந்தப் பள்ளியில் ஒன்பதாம் வகுப்பில் படிக்கும் மாணவன்,சில மாதங்களில் தேர்வு வரும் சமயம், பெற்றோர்கள் இடம் மாறியதால் பள்ளியை விட்டு விலகினான்.
2001 ஆண்டு தொடங்கப்பட்ட இந்தப் பள்ளியில் 14 மாணவர்கள் இருந்தனர். சென்ற ஆண்டு மூன்றாக குறைந்து தற்போது ஒரு மாணவன் மட்டுமே படித்து வந்த நிலையில் பள்ளி மூடப்பட்டது. விரைவில் மாணவர்கள் ஒரு சிலராவது வருவார்கள் என்ற நம்பிக்கையில் இருக்கிறது பள்ளி நிர்வாகம்.(பிபிசி)