28-ந் தேதி கூடுகிறது தமிழக சட்டப்பேரவை

**ayyasamy ram** · **ayyasamy ram** Thu Jun 20, 2019 5:57 pm

தமிழக சட்டப்பேரவை கூட்டத்தொடர் வரும் 28-ந் தேதி காலை
10 மணிக்கு தொடங்கும் என சட்டப்பேரவை செயலர்
அறிவித்துள்ளார்.

தமிழக சட்டசபையில் 22 இடங்கள் காலியாக இருந்தன.

அந்த இடங்களுக்கு சமீபத்தில் பாராளுமன்ற தேர்தலுடன்
இடைத்தேர்தல் நடத்தப்பட்டது. அதில் 13 இடங்களில் தி.மு.க.வும்,
9 இடங்களில் அ.தி.மு.க.வும் வெற்றி பெற்றன.

இதற்கிடையே சபாநாயகர் மீது நம்பிக்கை இல்லா தீர்மானம்
கொண்டுவர தி.மு.க. சார்பில் கடிதம் கொடுக்கப்பட்டுள்ளது.
எனவே சட்டசபை கூடியதும் சபாநாயகர் மீதான நம்பிக்கை
இல்லா தீர்மானம் எடுத்துக்கொள்ளப்படும் என்று
எதிர்பார்க்கப்படுகிறது.

தற்போது தி.மு.க. கொண்டு வந்துள்ள நம்பிக்கை இல்லா
தீர்மானம் நிலுவையில் உள்ளது. இந்த நிலையில் சட்டசபை
கூட்டம் எப்போது கூட்டப்படும் என்ற எதிர்பார்ப்பு கடந்த சில
தினங்களாக நிலவி வந்தது.

தமிழக சட்டசபையில் 2019-2020-ம் ஆண்டுக்கான பட்ஜெட்
கடந்த பிப்ரவரி மாதம் 8-ந்தேதி தாக்கல் செய்யப்பட்டது.
பட்ஜெட் மீதான விவாதம் பிப்ரவரி 14-ந் தேதி வரை
நடைபெற்றது.

அதன் பிறகு பாராளுமன்ற தேர்தல் வந்ததால் துறை வாரியாக
நடத்தப்படும் மானிய கோரிக்கைகள் மீதான விவாதம்
நடத்தப்படவில்லை. எனவே மீண்டும் சட்டசபை கூடியதும்
மானிய கோரிக்கைகள் மீதான விவாதம் எடுத்துக் கொள்ளப்படும்
என்று கூறப்பட்டிருந்தது.

இந்த நிலையில் தமிழக சட்டசபை வருகிற 28-ந்தேதி காலை
10 மணிக்கு கூடும் என்று சட்டசபை செயலாளர் சீனிவாசன்
அதிகார பூர்வமாக அறிவித்துள்ளார்.
-
---------------------------------
மாலைமலர்

28-ந் தேதி கூடுகிறது தமிழக சட்டப்பேரவை

28-ந் தேதி கூடுகிறது தமிழக சட்டப்பேரவை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக