அப்பளமும் ஊறுகாயும்

by **M.Jagadeesan** Tue Jun 18, 2019 12:36 pm

நேரிசை வெண்பா
****************************
இலையடைக்கும் அப்பளத்தால் இன்னமுது தீரா
மலைவளரும் மாங்காயால் மாளும் - அலைகுழலாய் !
தோற்றத்தால் மானிடரைத் தேறற்க என்றென்றும்
ஆற்றலால் மிக்காரை ஆற்று .

பொருள் :
==========
அலைபோலும் கூந்தலையுடைய பெண்ணே !
இலை முழுவதையும் அப்பளம் , அடைத்துக்கொள்ளும் . அதிக அளவில் சோறு உண்ண உதவாது . ஆனால் , இலையின் ஒரு மூலையில் இருக்கும் சிறிதளவு மாங்காய் ஊறுகாய் சோறு முழுவதும் உண்பதற்குத் துணை செய்யும் . அதுபோல தோற்றத்தால் சிலர் பெரிய உருவத்தினராக இருந்தாலும் , ஆற்றல் இல்லாதவராக இருப்பர் . சிலரோ , தோற்றத்தால் சிறியவராக இருப்பினும் , ஆற்றல் மிக்கவராக இருப்பர் . ஆகவே தோற்றத்தைக் கொண்டு யாரையும் நாம் மதிப்பிடுதல் கூடாது .