இரட்டுற மொழிதல் - தமிழும் தேன்கூடும் .

by **M.Jagadeesan** Tue Jun 11, 2019 2:32 pm

தமிழும் தேன்கூடும் ( சிலேடை )
===============================
தொட்டால் விடாது தொடுவோர்க் கதனுள்ளே
கொட்டிக் கிடக்குது கோடியின்பம் - முட்டமுட்ட
உண்டாலும் என்றும் உவட்டாதே ஆதலினால்
தண்டமிழும் தேன்கூடும் நேர் .

பொருள் :
=========
தேன்கூடு : தேன்கூட்டைத் தொட்டால் தேனீக்கள் நம்மை விடாது . தொட்டுச் சுவைத்தாலோ , கோடியின்பம் நமக்குத் தரும் . தேனை எவ்வளவு உண்டாலும் திகட்டாது .

தமிழ் : தமிழும் தன்னைத் தொட்டவரை விடாது . தமிழின் உள்ளே நுழைந்தாலோ , இலக்கிய இன்பங்கள் கோடிக்கணக்கில் கொட்டிக் கிடக்கும் . தமிழ் தரும் இன்பம் ஒருநாளும் திகட்டாது .

ஆகவே

தமிழ் மொழியும் , தேன்கூடும் குணத்தால் ஒன்றாகும் .

by **T.N.Balasubramanian** Tue Jun 11, 2019 9:06 pm

அருமை அய்யா .தொடருங்கள்.

தமிழ் பெருமை பரப்புவோம்.

ரமணியன்

by **M.Jagadeesan** Tue Jun 11, 2019 9:53 pm

நன்றி ஐயா !

by **Dr.S.Soundarapandian** Wed Jun 12, 2019 9:15 am

by SK Fri Jun 14, 2019 11:30 am

தேன் தமிழ்

அருமை ஜெகதீசன் அவர்களே

double மீனிங் அருமை

by Sudharani Fri Jun 14, 2019 3:24 pm

இதனை சிலேடை என்று கூறுவார்கள்
தமிழில் காளமேகப்புலவர் எழுதிய இரட்டுற மொழிதல் நூலினை எடுத்து படித்தால் நிரம்ப இருக்கும்
(எ.கா. நஞ்சிருக்கும் தோலுரிக்கும் நாதர் முடி மேலிருக்கும் ....)