கிரேசி மோகன் மறைவு

by **T.N.Balasubramanian** Mon Jun 10, 2019 4:29 pm

கிரேசி மோகன் மறைவு

தமிழ் திரையுலகில் கதை வசன கர்த்தவாகவும், நடிகராகவும் திகழ்ந்த கிரேசி மோகன் உடல்நலக் குறைவு காரணமாக காலமானார்.

தமிழ் திரையுலகில் நகைச்சுவை நடிகர்களில் ஒருவராக திகழ்ந்த நடிகர் கிரேசி மோகன் (66) மாரடைப்பு ஏற்பட்ட நிலையில் இன்று காலமானார். கதை வசன கர்த்தாவாகவும், நாடக ஆசிரியராகவும் திகழ்ந்தவர். மேடை நாடகங்களை இயக்கியுள்ளார். அடிப்படையில் பொறியாளராக திகழ்ந்த இவர், கமல் ஹாசன் மூலமாகவே திரைக்கு வந்துள்ளார்.

நன்றி சமயம்

ரமணியன்

by **T.N.Balasubramanian** Mon Jun 10, 2019 4:37 pm

RIP Crazy Mohan: கிரேஸி மோகன் வாழ்க்கை, சாதனைகள்- ஒரு பார்வை

[url=https://tamil.samayam.com/topics/%E0%AE%95%E0%AE%BF%E0%AE%B0%E0%AF%87%E0%AE%B8%E0%AE%BF %E0%AE%AE%E0%AF%8B%E0%AE%95%E0%AE%A9%E0%AF%8D]கிரேஸி மோகன்[/url] தமிழ் திரை உலகின் மிகப்பெரிய நகைச்சுவை கலைஞர்களுள் ஒருவர். எம்ஐடி கல்லூரியில் மெக்கானிகல் பொறியியல் பாடப்பிரிவில் பயின்று பின்னர் எம்.டெக் முடித்த மோகன், பின்னர் தனியார் நிறுவனம் ஒன்றில் வேலை பார்த்துவந்தார்.

பின்னர் சினிமா ஆர்வத்தால் மாது பாலாஜி, சீனு மோகன், சாம்ஸ் உள்ளிட்டவர்கள் அடங்கிய தன் குழுவுடன் இணைந்து நாடங்கள் அரங்கேற்றினார். கல்லூரி நாட்களில் இருந்தே நாடகத் துறை மீது அதீத ஆர்வம் கொண்டு இருந்தார். இவரது ’கிரேஸி தீவிஸ் ஆஃப் பாலவாக்கம்’ டிராமா அக்காலங்களில் பரவலாகப் பேசப்பட்டது.

மேலும் இவரது ’மேரேஜஸ் ஆர் மேட் இன் சலூன்’ டிராமாவை பார்த்து வியந்த இயக்குநர் கே.பாலசந்தர் ’பொய்க்கால் குதிரை’ என்ற பெயரில் அதனைப் படமாக எடுத்தார்.

கமல், பாலசந்தர் ஆகிய இருவருடன் பல படங்களில் இணைந்து பணியாற்றியுள்ளார் கிரேஸி மோகன். மைக்கேல் மதன காமராஜன், அபூர்வ சகோதரர்கள், பஞ்சதந்திரம், அவ்வை ஷண்முகி, பம்மல் கே சம்மந்தம், தசாவதாரம், வசூல் ராஜா எம்.பி.பி.எஸ் உள்ளிட்ட பல படங்களில் கமலுடன் இணைந்து பணியாற்றியுள்ளார்.

சினிமா நகைச்சுவை ரசிகர்கள் மத்தியில் இவரது காமெடி டிராக்குக்கு என்று தனி ரசிகர் பட்டாளமே உண்டு. ஜெர்ரி என்ற படத்தை இயக்கியுள்ளார். பல படங்களில் சிறு வேடங்கள் ஏற்று நடித்த அவர் திரை நடிப்பில் அவ்வளவாக ஆர்வம் காட்டவில்லை. தேடினேன் வந்தது, சின்ன வாத்தியார், வியட்நாம் காலனி ஆகிய படங்களில் இவரது வசனங்களை கவுண்டமணி பேசும்போது கரகோஷம் விண்ணைப் பிளக்கும். இன்றும் இவரது பல காலத்தில் அழியாத நகைச்சுவை வசனங்கள் ரசிகர்கள் மனங்களில் சிம்மாசனம் போட்டு அமர்ந்துள்ளது என்றால் அது மிகை இல்லை.

சமீபத்தில் கிரேஸி 20-20, சாக்லேட் கிரிஷ்ணா உள்ளிட்ட பல நாடகங்களை மேடையில் அரங்கேற்றி இயக்கி நடித்துள்ளார்.

நாடகத்துறையில் தடம்பதித்த எஸ்.வி.சேகர், விசு, மவுலி, ஒய்.ஜி.மகேந்திரன் ஆகியோர் வரிசையில் கிரேஸி மோகனுக்கு முக்கிய இடம் உண்டு. உலகின் பல பகுதிகளில் இவரது நாடகங்கள் அரங்கேறியுள்ளன.

சமீப காலமாக திரைப்படங்களில் அதிகம் கவனம் செலுத்தாத மோகன் நாடகங்களை மட்டுமே இயக்கி வந்தார். சில ஆண்டுகளுக்கு முன்னர் ஆர்.எஸ்.பிரசன்னா இயக்கத்தில் கல்யாண சமையல் சாதம் படத்துக்கு வசனம் எழுதினார்.

மேலும் ஜெயா டிவியில் பல நகைச்சுவை நாடகங்களை இயக்கி நடித்துள்ளார்.

நன்றி சமயம்

ரமணியன்

by **ayyasamy ram** Mon Jun 10, 2019 8:05 pm

கிரேசி மோகன் மறைவு 201906101557194648_Kamal-haasan-Mourning-to-crazy-mohan_SECVPF

-
பிரபல வசனகர்த்தாவும், நகைச்சுவை நடிகருமான கிரேஸி மோகன் இன்று சென்னையில் உடல்நலக்குறைவு காரணமாக காலமானார். இவருக்கு திரையுலகினர் பலரும் ஆழ்ந்த இரங்கலை தெரிவித்து வருகின்றனர்.

இந்நிலையில், நடிகரும் மக்கள் நீதி மய்யம் கட்சியின் தலைவருமான கமல்ஹாசன் இரங்கல் தெரிவித்துள்ளார்.

அவர் வெளியிட்டுள்ள இரங்கல் அறிக்கையில், நண்பர் கிரேசி மோகன் அவர்கள் மீது நான் பொறாமைப்படும் பலவற்றில் மிக முக்கியமான விஷயம் அவரது மழலை மாறாத மனசு.

அது அனைவருக்கும் வாய்க்காது. பல நண்பர்கள் லௌகீகம் பழகிக்கிறேன் பேர்வழி என்று அந்த அற்புதமான குணத்தை இழந்திருக்கின்றனர்.

கிரேசி என்பது அவருக்குப் பொருந்தாத பட்டம். அவர் நகைச்சுவை ஞானி. அவரது திறமைகளை அவர் குறைத்துக் கொண்டு மக்களுக்கு ஏற்ற வகையில் ஜனரஞ்சகமாகத் தன்னைக் காட்டிக் கொண்டார் என்பது தான் உண்மை.

பல்வேறு தருணங்களில் சாருஹாசன், சந்திரஹாசன், மோகன்ஹாசன் என்றும் வைத்துக் கொள்ளலாம் என்று பகிரங்கமாக தன் பாசத்தை வெளிக்காட்டியவர்.
-
மாலைமலர்

by **Dr.S.Soundarapandian** Wed Jun 12, 2019 9:21 am

by **T.N.Balasubramanian** Wed Jun 12, 2019 9:37 am

திரு அய்யாசாமி அவர்களின் நட்பிற்கு பிரிவே கிடையாது என்ற பதிவு
இத்துடன் இணைக்கப்படுகிறது.

ரமணியன்
@ayyasamy ram

நல்லதொரு காமெடி நடிகரை இழந்து விட்டோம்.

by **T.N.Balasubramanian** Wed Jun 12, 2019 5:01 pm

பழ.முத்துராமலிங்கம் wrote:நல்லதொரு காமெடி நடிகரை இழந்து விட்டோம்.

மேற்கோள் செய்த பதிவு: 1299185

அவரது நடிப்பை விட அவரது நகைச்சுவை வசனங்கள் மேலோக்கி நிற்கின்றன.

ரமணியன்

by **ராஜா** Wed Jun 12, 2019 6:12 pm

நகைச்சுவை வசனங்களின் முடிசூடா மன்னனை இழந்துவிட்டோம்.

இவரின் ஒவ்வொரு படைப்பையும் மீண்டும் மீண்டும் இரசித்து பார்க்கலாம்.

கமலுடன் இணைந்து பணியாற்றிய திரைப்படங்கள், அப்பப்பா .... படம் முடியும் வரைக்கும் சிரித்துக்கொண்டே தான் இருக்கணும்.

ஆழ்ந்த இரங்கல்கள் , கிரேசி மோகன் சார் ஆன்மா சாந்தியடைய இறைவனை பிரார்த்திக்கிறேன்