கல்வி செல்வம் தந்த காமராஜர்'

**ayyasamy ram** · **ayyasamy ram** Sun Jun 09, 2019 1:39 pm

பத்திரிகையாளர் முருகேசன் எழுதிய,
'கல்வி செல்வம் தந்த காமராஜர்' நுாலிலிருந்து:

ஏழை, எளியோருக்கு, வீண் செலவு வைக்கக் கூடாது என்பதில்
குறியாக இருந்தார், காமராஜர். முதல்வராக இருந்த சமயம்,
ஒவ்வொரு நாளும், காமராஜரை சந்திக்க, பொது மக்கள்,
மனு கொடுக்க, அவருடைய வீட்டிற்கு, 150லிருந்து, 200 பேர் வரை
வருவர்.

அவர்களின் குறைகளை எல்லாம், கவனமாக பரிசீலிப்பார்.
அதன்பின், உரிய அதிகாரிகளிடம் மனுக்களை கொடுத்து,
நடவடிக்கை எடுக்க கூறுவார். அதோடு நிற்காமல்,
நடவடிக்கைகள் எடுக்கப்பட்டனவா என்றும் கண்காணிப்பார்.

ஏழைகளின் துயர நிலை பற்றி நன்றாகவே புரிந்து
வைத்திருந்தார். ஒரு தடவை இதுபற்றி கூறும்போது,
'வெளியூர்களில் இருந்தோ அல்லது பக்கத்து கிராமங்களில்
இருந்தோ, என்னை பார்த்து விட்டு, மதிய சாப்பாட்டிற்கு
வீட்டிற்கு போய் விடலாம் என்ற நம்பிக்கையுடன், சென்னைக்கு
வந்திருப்பர்.

'அவர்களை, நான் பார்க்காமல் திருப்பி அனுப்பி விட்டால்,
அடுத்த நாளும் தன்னுடைய வேலையெல்லாம் விட்டு,
இங்கு வரவேண்டும். அந்த காசு இருந்தால், வீட்டுக்கு காய்கறி
வாங்கி போடலாம்...' என்றாராம்.

காமராஜரின் ஆட்சி பற்றி, மக்கள் குறிப்பிடும்போது,
'பொன்னான ஆட்சி' என்று கூறுவதன் காரணம், இது தான்!
-
--------------------------------------

நடுத்தெரு நாராயணன்
வாரமலர்

SK · SK Fri Jun 14, 2019 12:07 pm

அதனால் தான் சொந்த தொகுதி மக்களால் தோற்கடிக்கப்பட்டார்

**T.N.Balasubramanian** · **T.N.Balasubramanian** Fri Jun 14, 2019 5:19 pm

தமிழக மக்களின் அறிவுத்திறன் பலசமயங்களில் கேள்விக்குறியான ஒன்று

ரமணியன்

anikuttan · anikuttan Sat Jun 15, 2019 6:37 am

SK wrote:அதனால் தான் சொந்த தொகுதி மக்களால் தோற்கடிக்கப்பட்டார்

மேற்கோள் செய்த பதிவு: 1299222
அன்று அவரை தோற்கடித்தது என்பது அன்று அவர்கள் கொள்ளிக்கட்டையால் தலையை சொரிந்துகொண்டனர்.அந்த புண் இன்றும் தமிழக மக்கிலடமிருந்து ஆறவில்லை.

**T.N.Balasubramanian** · **T.N.Balasubramanian** Sat Jun 15, 2019 12:41 pm

anikuttan wrote:
SK wrote:அதனால் தான் சொந்த தொகுதி மக்களால் தோற்கடிக்கப்பட்டார்
மேற்கோள் செய்த பதிவு: 1299222
அன்று அவரை தோற்கடித்தது என்பது அன்று அவர்கள் கொள்ளிக்கட்டையால் தலையை சொரிந்துகொண்டனர்.அந்த புண் இன்றும் தமிழக மக்கிலடமிருந்து ஆறவில்லை.

மேற்கோள் செய்த பதிவு: 1299244

ஆமோதித்தல்