சென்னை - செங்கல்பட்டு குளுகுளு பயணத்திற்கு ரெடியா?

**ayyasamy ram** · **ayyasamy ram** Fri 24 May 2019 - 11:03

-
சென்னையில் இருந்து சுற்றுவட்டாரப் பகுதிகளுக்கு இயக்கப்பட்டு
வரும் புறநகர் ரயில்கள், மக்களுக்கு பெரிதும் உதவிகரமாக
இருந்து வருகின்றன. மலிவு விலையில் விரைவாக பகுதிகளுக்கு
சென்று வரலாம்.

புறநகர் ரயில்களுக்கு போட்டியாக சென்னையில் மெட்ரோ ரயில்
வசதி அறிமுகம் செய்யப்பட்டது. முழுவதும் ஏசி வசதி கொண்ட
இதில், பயணக் கட்டணம் சற்று அதிகம்.

இதனால் பொதுமக்கள் அதிகம் பயன்படுத்த சூழல் நிலவி
வருகிறது.

இந்நிலையில் புறநகர் ரயிலில் ஏசி வசதி செய்ய தெற்கு ரயில்வே
திட்டமிட்டுள்ளது. இதனால் எளிய மக்கள் பெரிதும் பயன்படுவர்.
இதுதொடர்பான ஆலோசனை கூட்டம் கடந்த சில நாட்களுக்கு
முன், தெற்கு ரயில்வே பொது மேலாளர் ராகுல் ஜெயின் தலைமையில்
நடைபெற்றது.

இந்தியாவில் தற்போது மும்பையில் மட்டுமே புறநகர் ஏசி
ரயில்கள் இயக்கப்பட்டு வருகின்றன. அது விரைவில் சென்னையிலும்
அமலுக்கு வரவுள்ளது.

சென்னை புறநகர் ரயில்களில் குறைந்தபட்சம் ரூ.5ம், முதல் வகுப்பில்
ரூ.40ம் கட்டணம் வசூலிக்கப்பட்டு வருகிறது.

எனவே ஏசி வசதி கொண்ட புறநகர் ரயிலில் பயணிக்க
ரூ.55 கட்டணமாக நிர்ணயிக்க ஆலோசிக்கப்பட்டு வருகிறது.
இது முதல் வகுப்பு கட்டணத்தை விட 1.5 மடங்கு அதிகம் ஆகும்.

சென்னை கடற்கரையில் இருந்து செங்கல்பட்டுக்கு முதல்
கட்டமாக ஏசி ரயில்கள் இயக்கப்பட உள்ளன.

இது எங்கெங்கு நின்று செல்லும், எந்த நேரங்களில் இயக்கப்படும்
என்று விரைவில் அறிவிப்பு வெளியாகும் என்று எதிர்பார்க்கப்படுகிறது.
-
--------------------------------
தமிழ் சமயம் செய்திகள்

**பழ.முத்துராமலிங்கம்** · 27/09/2015

சென்னை - செங்கல்பட்டு குளுகுளு பயணத்திற்கு ரெடியா?

சென்னை - செங்கல்பட்டு குளுகுளு பயணத்திற்கு ரெடியா?

Re: சென்னை - செங்கல்பட்டு குளுகுளு பயணத்திற்கு ரெடியா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக