ரமலான் சிந்தனைகள்

**ayyasamy ram** · **ayyasamy ram** Thu 23 May 2019 - 9:38

-
சிபாரிசு செய்யும் இருவர்

அல்லாஹ் தினமும் இரண்டு வானதுாதர்களை பூமிக்கு
அனுப்புகிறான். இவர்களின் பணி என்ன தெரியுமா?

ஒருவர், செலவு செய்கின்ற தாராள மனம் கொண்டவனுக்காக,
“யா அல்லாஹ்! இவர் நன்மையான செயல்களுக்காக
ஏராளமாகச் செலவிடுகிறார். இவருக்கு உன் அருளைக் கொடு.
இவருக்கு நல்லதொரு பிரதிபலனைத் தா,” என்று சிபாரிசு
செய்கிறார்.

இன்னொருவர் கஞ்சப் பிரபுக்களைக் கண்காணிப்பார்.
அவர்களுக்கு சாபம் கொடுப்பார்.

“இறைவா! கஞ்சத்தனம் புரிவோருக்கு அழிவைக் கொடு,”
என்பார்.செல்வம் அதிகமிருந்தும் நல்லதற்கு செலவிடாமல்
பூட்டி வைப்பதை நபிகள் நாயகம் ஆதரிக்கவில்லை.

“தேவைக்கு அதிகமான செல்வத்தை தேவையுடையவர்களுக்கு
நீ செலவிடாவிட்டால், இறுதியில் அது உனக்கு தீங்கு பயக்கும்.
உன்னிடம் தேவைகளை நிறைவு செய்யும் அளவுக்கு மட்டுமே
செல்வம் இருக்கின்றது என்றால், அதிலிருந்து நீ செலவிடாவிட்டால்
அதற்காக அல்லாஹ் உன்னை கண்டிக்கமாட்டான்.
-
------------------------------------------
தினமலர்

**ayyasamy ram** · **ayyasamy ram** Thu 23 May 2019 - 9:42

வேண்டாமே வாக்குவாதம்
----------------------------
-
சிலர் நல்லதைச் சொன்னால் ஏற்பதே இல்லை.
உண்மையை எடுத்துச் சொன்னால் கோபப்படுவார்கள்.
தங்கள் கருத்திலேயே பிடிவாதமாக இருப்பார்கள்.

இத்தகைய வர்களுடன் தர்க்கம் புரியாமல் இருப்பதே
நல்லது என்கிறார் நபிகள் நாயகம்.

“தான் உண்மையான கருத்துடையவனாக இருந்தும் தர்க்கம்
புரியாமல் இருந்துவிடும் மனிதனுக்கு சுவனத்தின் (சொர்க்கம்)
மூலைகளில் ஒரு வீட்டைப் பெற்றுத் தர நான்
பொறுப்பேற்கின்றேன்,” என்கிறார் அவர்.

உண்மையை எடுத்துச் சொல்லியும் புரிந்து கொள்ளாமல்,
தர்க்கம் செய்பவர்களுடன் வாக்குவாதம் செய்தால் நமக்கு
தான் கஷ்டம். அவர்களை புறக்கணித்து விடுவதே நல்லது.
-
-----------------------------------------------

**ஜாஹீதாபானு** · **ஜாஹீதாபானு** Thu 23 May 2019 - 17:42

Sponsored content · Sponsored content

ரமலான் சிந்தனைகள்

ரமலான் சிந்தனைகள்

Re: ரமலான் சிந்தனைகள்

Re: ரமலான் சிந்தனைகள்

Re: ரமலான் சிந்தனைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக