சென்னையையும் கோலாலம்பூரையும் இரட்டை நகரங்களாக பிரகடனப்படுத்தும் திட்டம்

மலேசியாவுக்கும் இந்தியாவுக்கும் இடையில் நீண்ட காலமாக நிலவி வருகிற ஆழமான இரு வழி உறவுகளை மேலும் வலுப்படுத்தும் பொருட்டு சென்னையையும் கோலாலம்பூரையும் இரட்டை நகரங்களாக பிரகடனப்படுத்தும் திட்டத்தை மூத்த மலேசிய அதிகாரிகள் பரிந்துரை செய்துள்ளனர்.

அந்த யோசனையை கோலாலம்பூர் அதிகாரிகள் தெரிவித்தனர் என்றும் வெகு வேகமாக வளர்ச்சி அடைந்து வரும் அவ்விரு நகரங்களாக அறிவிக்கும் திட்டத்துக்கு அமைச்சரவை ஒப்புதல் அளிக்கும் என்றும் எதிர்பார்க்கப்படுகிறது.

“இரண்டு நாடுகளுக்கும் அது நன்மையைக் கொண்டு வரும். ஏனெனில் நமக்கு இடையில் நீண்ட கால உறவுகள் குறிப்பாக தென்னிந்தியாவுடன் உள்ளன. இந்த நாட்டில் வாழ்கின்ற இந்தியர்களில் பெரும்பாலோர் தமிழ் நாட்டை சேர்ந்தவர்களின் வம்சாவளியினர்.”

“அது நமது உறவுகளுக்கு புதிய பரிமாணத்தை வழங்குவதோடு இரு வழி வாணிக பண்பாட்டுப் பிணைப்புக்களையும் மேலும் வலுப்படுத்தும் என்று அந்த யோசனையுடன் தொடர்புடைய உயர் நிலை மலேசிய அதிகாரி ஒருவர் பெர்னாமாவிடம் கூறினார்.

அந்த அரசியல் ஏற்பாட்டுக்கு புது டில்லியில் உள்ள இந்திய வெளியுறவு அமைச்சு அங்கீகாரம் வழங்கிய பின்னரே அந்த யோசனை தொடர்பில் அடுத்த நடவடிக்கை எடுக்க முடியும் என்று அவர் சொன்னார்.

தமிழ் நாட்டின் தலைநகரமான சென்னை மாநகரம் ஏற்கனவே ஐந்து இதர பெருநகரங்களுடன் இரட்டை நகரமாக பிரகடனம் செய்யப்பட்டுள்ளது. எகிப்தின் கெய்ரோ, அமெரிக்காவிலுள்ள டென்வர், சான் அந்தோனியோ, ஜெர்மனியின் பிராங்க்பர்ட், ரஷ்யாவில் உள்ள வோலோகிராட் ஆகியவை அந்த மாநகரங்கள் ஆகும்.

தமிழ் நாடு 60 மில்லியன் மக்களைக் கொண்ட இந்திய மாநிலம் ஆகும். சென்னையில் மட்டும் 4.5 மில்லியன் மக்கள் வசிக்கின்றனர். 14 பெரிய இந்திய நகரங்கள் உலகம் முழுவதும் பல்வேறு மாநகரங்களுடன் இரட்டை நகர உறவுகளைக் கொண்டுள்ளன

வணக்கம்
என்னுடைய இந்தக் கருத்தை மிக மனக் கசப்புடன் பதிவு செய்கிறேன். மதிப்புக்குரிய சிவா அவர்கள் பொறுத்தருள வேண்டுகிறேன். மலேஷியாவில் வசிக்கும் தமிழர்கள் துன்புறுத்தப் பட்ட போது இந்திய அரசு எந்த நடவடிக்கையும் எடுக்க வில்லை. ஈழத்தமிழர்கள் படுகின்ற பாடு நமக்கெல்லாம் தெரிந்ததே. இந்த நாட்டு அரசியல்வாதிகள் போடுகின்ற முக மூடிகள் பல. அதில் ஒன்று தான் தேச பக்தி, மற்றொன்று மொழிப் பற்று. இவர்களுடைய உண்மையான முகம் இதுவரை புராணங்களிலும் இதிகாசங்களிலும் நாம் கண்ட அரக்கர்களின் முகங்களைக் காட்டிலும் கொடியவை. அந்த அரக்கர்கள் கூட அவர்கள் நாட்டுப் பிரஜைகளின் மேல் பாசத்துடனும் பரிவுடனும் நடந்து கொண்டிருக்கின்றனர். மொத்தத்தில் இது எந்த விதத்தில் இந்திய நாட்டுக்கு நன்மை கிடைக்கும் என்று தெரியவில்லை. ஆனால் நிச்சயமாக நாட்டு மக்களுக்கு நன்மை கிடைக்காது என்பது என் கருத்து.தங்களுக்கு நன்மை கிடைக்குமானால் நாட்டையே விற்கத்துணிந்து விடுவார்கள் இந்த நாட்டு அரசியல்வாதிகள். ஒரு விடயத்தில் மகிந்தவை நாம் பாராட்ட வேண்டும். அவர் ஒரு உண்மையைச் சொன்னார். இந்திய நாட்டு அரசியல்வாதிகள் கோமாளிகள். இது முக்காலும் உண்மை. அமரர் திரு லோஹியா அவர்கள் சொன்னமாதிரி இவர்கள் எல்லோரும் political jesters. இதைப் பதிவு செய்தமைக்கு மீண்டும் வருந்துகிறேன். ஆயினும் உண்மையைச் சொல்லாமல் இருக்க முடியவில்லை. மதிப்புக்குரிய சிவா அவர்கள் மனம் புண்படுமானால் நீக்கிவிடலாம்
அன்புடன்
நந்திதா

உண்மையை தெளிவாக விளக்கியுள்ளீர்கள் நந்திதா! இந்தியாவிலேயே தமிழர்களுக்கு தகுந்த மரியாதை இல்லை. இதில் வெளிநாட்டில் தமிழர்கள் வாழ்ந்தால் என்ன, இறந்தால் என்ன? அரசியல் என்றாலே நடிப்பு தானே - நடிகர்கள்தானே அரசியலுக்கு வருகிறார்கள்!