சபாநாயகர் நோட்டீசுக்கு சுப்ரீம் கோர்ட் தடை

**ayyasamy ram** · **ayyasamy ram** Mon May 06, 2019 2:43 pm

புதுடெல்லி:
அ.தி.மு.க., எம்.எல்.ஏ.,க்கள் மூவர் கட்சி விரோத நடவடிக்கைகளில்
ஈடுபட்டதற்கு விளக்கம் கேட்டு தமிழக சபாநாயகர் தனபால்
நோட்டீஸ் அனுப்பியிருந்தார்.

அந்த நோட்டீசுக்குஇடைக்காலத்தடை விதித்த சுப்ரீம் கோர்ட்,
அதுகுறித்து விளக்கம் அளிக்குமாறு சபாநாயகருக்கு நோட்டீஸ்
அனுப்பியுள்ளது.

அதிருப்தி எம்.எல்.ஏ.,க்கள்

முன்னதாக, அ..தி.மு.க. எம்.எல்.ஏ.க்கள் ரத்தின சபாபதி,
கலைச்செல்வன், பிரபு ஆகிய மூவரும் டி.டி.வி.தினகரனுக்கு
ஆதரவாக செயல்பட்டு வருவதாக கூறி அவர்கள் 3 பேர் மீதும்
கட்சித் தாவல் தடை சட்டத்தின் கீழ் உரிய நடவடிக்கை
எடுக்குமாறு சபாநாயகர் தனபாலிடம் அ.தி.மு.க. கொறடா
ராஜேந்திரன் புகார் அளித்தார்.

அதன் பேரில் ரத்தினசபாபதி, கலைச்செல்வன், பிரபு ஆகிய
மூன்று பேருக்கும் சபாநாயகர் தனபால் நோட்டீசு அனுப்பினார்.

அதில், ஒரு வாரத்துக்குள் மூன்று எம்.எல்.ஏ.க்களும் தங்களது
நிலை பற்றி நேரில் ஆஜராகி விளக்கம் அளிக்க வேண்டும்
என்று சபாநாயகர் தனபால் கடந்த ஏப்ரல் 30 அன்று அனுப்பி
உள்ள நோட்டீசில் கூறப்பட்டிருந்தது.

இதுதொடர்பாக,சபாநாயகரால் நோட்டீஸ் அனுப்பப்பட்ட
3 எம்.எல்.ஏ.,க்களில் 2 பேர், சுப்ரீம் கோர்ட்டில் வழக்கு
தொடர்ந்திருந்தனர். அதில், தமிழக சபாநாயகர் தனபால்,
தங்களுக்கு நோட்டீஸ் அனுப்பியுள்ளார். ஆனால், சபாநாயகர்
மீதே நம்பிக்கையில்லா தீர்மானம் இருப்பதால், அவர் தங்கள்
மீது நடவடிக்கை எடுக்க தடை விதிக்கவேண்டும் என்று
சுப்ரீம்கோர்ட்டில் முறையிட்டிருந்தனர்.

வழக்கு :

அந்த நோட்டீசு அனுப்பப்பட்ட சில மணி நேரத்துக்குள்
சட்டசபை செயலாளரிடம் தி.மு.க. சார்பில் ஒரு மனு
கொடுக்கப்பட்டது.

அந்த மனுவில், “சபாநாயகருக்கு எதிராக தி.மு.க. நம்பிக்கை
இல்லா தீர்மானம் கொண்டு வருவதாகவும் உடனே அதை
எடுத்துக் கொள்ள வேண்டும்” என்றும் கூறப்பட்டிருந்தது.

இந்நிலையில் உச்சநீதிமன்றத்திலும், தி.மு.க.,. சார்பில்
3 அ.தி.மு.க. எம்.எல்.ஏ.க்கள் மீது நடவடிக்கை எடுக்க தடை
விதிக்க கோரி முறையீடு செய்யப்பட்டது.

இதனை அவசர வழக்காக விசாரிக்க வேண்டும் என்றும்
தலைமை நீதிபதி அமர்வில் திமுக சார்பில் முறையீடு
செய்யப்பட்டது. தி.மு.க.வின் கோரிக்கையை ஏற்று
திங்கட்கிழமை வழக்கை விசாரிப்பதாக உச்சநீதிமன்றம்
தெரிவித்திருந்தது.

நோட்டீஸ் :

அதன்படி, 'சபாநாயகர் மீது நம்பிக்கையில்லா தீர்மானம்
உள்ளதால், அவர் தங்கள் மீது நடவடிக்கை எடுக்க தடை
விதிக்க வேண்டும் என்று எம்.எல்.ஏ.,க்கள் அறந்தாங்கி
ரத்தினசபாபதி, விருத்தாசலம் கலைச்செல்வன் ஆகியோர்
தொடர்ந்த வழக்கை இன்று விசாரித்த சுப்ரீம் கோர்ட்,
சபாநாயகர் தனபால் அனுப்பிய நோட்டீசுக்கு இடைக்கால
தடை விதித்ததுடன், விளக்கம் கேட்டு சபாநாயகருக்கு
நோட்டீஸ் அனுப்பவும் உத்தரவிட்டது.

பின்னடைவு :

சுப்ரீம் கோர்ட்டின் இடைக்காலத் தடை காரணமாக, அதிருப்தி
எம்.எல்..ஏ.,க்களை தகுதி நீக்கம் செய்து ஆட்சியை காப்பாற்ற
முயற்சிக்கும் அ.தி.மு.க.,வின் நோக்கத்திற்கு பின்னடைவு
ஏற்பட்டுள்ளதாக, அரசியல் வல்லுநர்கள் கணித்துள்ளனர்.
-
---------------------------------------------
தினமலர்

**பழ.முத்துராமலிங்கம்** · 27/09/2015

இந்த விளையாட்டு முடிவுக்கு வர வேண்டும்.
எப்போது தீருமோ?
மே 23 தீர்வு தேதியாக இருக்குமா??

சிவனாசான் · சிவனாசான் Mon May 06, 2019 9:11 pm

சபா நாயகர் கட்சி கொரடாவுக்கு ஏற்பட்ட சந்தேகத்தை நிவர்த்தி செய்ய சபா நாயகர் தனபால் விளக்கம் கேட்டு நோட்டீஸ் அனுப்பினது சரி. அதென்ன நேரில் வந்து விளக்கம் தரனும் என்பது சரியல்ல. இவர் கேட்ட ஏட்டின் மூலம் ஏட்டிலேயே பதில் அளித்திருக்கலாம். அதைவிட்டு வீண்வேலை...... வீரியம் பெரிதா காரியம் பெரிதா என்பார்களே அதுபோல் வீண் செலவு.திமுக சந்துல சிந்து பாயஅஞ்சுவதே இல்லை. நாங்கள் குறுக்கு வழியில் ஆட்சியை பிடிக்க எண்ணமாட்டோம். கொடுமை படுத்தி பிடிக்க முயல்வோம் என்பதுபோல உள்ளது அதன் செயல்பாடு. போறாமை ஒருபோதும் தன் வெற்றியை தடைசெய்திடும்.

சிவனாசான் · சிவனாசான் Mon May 06, 2019 9:25 pm

தற்போது நீதி மன்றம் நேர்மையை கடைபிடிக்க தயங்குகிறது எனலாம். அதுவும் விளக்கம்தானே கேட்கிறது. என்ன அரசியலோ போங்க.

Sponsored content · Sponsored content

சபாநாயகர் நோட்டீசுக்கு சுப்ரீம் கோர்ட் தடை

சபாநாயகர் நோட்டீசுக்கு சுப்ரீம் கோர்ட் தடை

Re: சபாநாயகர் நோட்டீசுக்கு சுப்ரீம் கோர்ட் தடை

Re: சபாநாயகர் நோட்டீசுக்கு சுப்ரீம் கோர்ட் தடை

Re: சபாநாயகர் நோட்டீசுக்கு சுப்ரீம் கோர்ட் தடை

Re: சபாநாயகர் நோட்டீசுக்கு சுப்ரீம் கோர்ட் தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக