ஐ.பி.எல்., : ஜான்சன் புறக்கணிப்பு

கோவைசிவா · கோவைசிவா Fri Dec 25, 2009 9:23 am

ஐ.பி.எல்., தொடரில் ஆஸ்திரேலியாவின் "வேகப்புயல்' மிட்சல் ஜான்சன் பங்கேற்க மாட்டார் என தெரிகிறது. கோடிகளை காட்டிலும் நாட்டுக்காக விளையாடுவதற்கு முக்கியத்துவம் அளிக்க முடிவு செய்துள்ளார்.
இந்தியன் பிரிமியர் லீக்(ஐ.பி.எல்.,) சார்பில் கடந்த இரண்டு முறை "டுவென்டி-20' தொடர் வெற்றிகரமாக நடத்தப்பட்டது. மூன்றாவது தொடர் வரும் 2010ல்(மார்ச் 12 -ஏப்., 25) நடக்க உள்ளது. இதில் 28 வயதான ஜான்சன் கலந்து கொள்வார் என எதிர்பார்க்கப்பட்டது. ஆனால், ஐ.பி.எல்., விதிமுறை இவருக்கு பிடிக்கவில்லையாம். வீரர்கள் தாங்கள் விரும்பும் அணியை தேர்வு செய்ய முடியாது. தொகையை நிர்ணயிக்க முடியாது. அனைத்தும் ஏலம் மூலம் தான் இறுதி செய்யப்படும் என்பது போன்ற விதிமுறை காரணமாக தொடரில் இருந்து விலக முடிவு செய்துள்ளார். தவிர, ஐ.பி.எல்., மூலம் கிடைக்கும் கோடிகளைவிட நாட்டுக்காக விளையாடுவதற்கு முன்னுரிமை அளித்துள்ளார்.
இது குறித்து இவரது மானேஜர் சாம் ஹல்வோர்சன் கூறுகையில்,"" தொடர்ந்து விளையாடி வரும் ஜான்சனுக்கு ஓய்வு தேவைப்படுகிறது. ஐ.பி.எல்., தொடரில், பாதி போட்டிகளில் தான் பங்கேற்க முடியும். இந்தச் சூழலில் ஏலம் மூலம் தான் வீரர்கள் தேர்வு என்ற விதிமுறை சிக்கலை ஏற்படுத்தியது. இதனால் தொடரில் இருந்து விலகுவது என்ற முடிவை எளிதாக எடுத்தோம்,''என்றார்.

**Manik** · **Manik** Fri Dec 25, 2009 2:59 pm

மிகச் சிறந்த முடிவு இதைப் போல் ஒவ்வொரு வீரரும் இருந்தால் இந்தியா எப்பவோ வல்லரசாயிருக்கும்

ஐ.பி.எல்., : ஜான்சன் புறக்கணிப்பு

ஐ.பி.எல்., : ஜான்சன் புறக்கணிப்பு

Re: ஐ.பி.எல்., : ஜான்சன் புறக்கணிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக