பாக்., வான்வழி தடங்களை மூடியதால் ஏர்-இந்தியாவுக்கு ரூ.300 கோடி நஷ்டம்

-
புதுடில்லி:
பாகிஸ்தான், தன் வான்வெளி தடங்களை மூடியதால்,
ஏர் - இந்தியா நிறுவனத்துக்கு, 300 கோடி ரூபாய் நஷ்டம் ஏற்பட்டு
உள்ளதாக, அந்நிறுவனம் தெரிவித்துள்ளது.

ஜம்மு - காஷ்மீர் மாநிலம், புல்வாமா மாவட்டத்தில், சி.ஆர்.பி.எப்.,
எனப்படும், மத்திய ரிசர்வ் போலீஸ் படையினரின் வாகனம் மீது,
ஜெய்ஷ் - இ - முகமது பயங்கரவாதிகள், தாக்குதல் நடத்தினர்.
இதில், 40 வீரர்கள் பலியாகினர்.

இதையடுத்து, பாக்.,கின் பாலகோட் பகுதியில் உள்ள, ஜெய்ஷ்
பயங்கரவாதிகள் முகாம் மீது, இந்திய விமானப்படை, தாக்குதல்
நடத்தி யது. இதில், 300க்கும் மேற்பட்ட பயங்கரவாதிகள்
கொல்லப்பட்டனர்.

இந்த சம்பவத்துக்கு பிறகு, பாக்., தன் வான்வழி தடங்களை,
முற்றிலுமாக மூடியது. இதனால், பாக்., வான் வழியாக, எந்த
விமானமும், பறக்க முடியாத நிலை ஏற்பட்டது.

டில்லியில் இருந்து, அமெரிக்கா, ஐரோப்பா மற்றும் வளைகுடா
நாடுகளுக்கு செல்லும் பயணியர் விமானங்கள், பாக்.,கை கடந்து
தான் செல்ல வேண்டும். இதனால், தினமும் அவ்வழிதடத்தில் பறக்கும்,
350க்கும் மேற்பட்ட விமானங்கள், கடும் பாதிப்புக்கு உள்ளாகின.
-
அமெரிக்கா, ஐரோப்பா மற்றும் வளைகுடா நாடுகளுக்கு செல்லும்
ஏர் - இந்தியா விமானம், பாக்.,கை சுற்றி செல்வதால், இரண்டு முதல்
மூன்று மணி நேரம் வரை, கூடுதலாக பறக்க வேண்டி இருக்கிறது.

இதனால், கூடுதல் எரிபொருள் செலவாகிறது. மேலும், விமான
சேவையும் குறைக்கப்பட்டுள்ளது. இதனால், ஏர் - இந்தியா
நிறுவனத்துக்கு, 300 கோடி ரூபாய் நஷ்டம் ஏற்பட்டுள்ளதாகவும்,
அதை மத்திய அரசு ஈடு செய்ய வேண்டும் எனவும், விமான
போக்குவரத்து அமைச்சகத்திடம், கோரிக்கை வைக்கப்பட்டுள்ளது.

இது தொடர்பாக, நடவடிக்கை எடுக்கப்படும் என, அமைச்சக
அதிகாரிகள் தெரிவித்துள்ளனர்.
-
-------------------------------------------
தினமலர்