சென்னை கிறிஸ்துவக் கல்லூரியும் விசாகா கமிட்டியும்! ஹலோ... ப்ளூடிக் நண்பா!

by **ayyasamy ram** Tue Apr 30, 2019 11:37 am

அன்று உச்ச நீதிமன்றம் ஒவ்வோர் அலுவலகத்திலும்
அமைக்க சிபாரிசு செய்த அதே ICC தான் இன்று உச்ச
நீதிமன்றத் தலைமை நீதிபதியின் தலைக்கு மேலே
கத்தியாகத் தொங்கிக்கொண்டிருக்கிறது.

வாழ்வின் அபத்த நுட்பம் அப்படியானது!

சென்னை கிறிஸ்துவக் கல்லூரியும் விசாகா கமிட்டியும்!

ஹலோ... ப்ளூடிக் நண்பா!

உச்ச நீதிமன்றத் தலைமை நீதியரசரான ரஞ்சன் கோகோய்,
தன் கடமையைச் சரிவர செய்யவிடலாகாது என்ற உள்நோக்குடன்
அவர் மீது தொடுக்கப்பட்டுள்ள பொய்யான பாலியல் குற்றச்சாட்டு
பற்றியெரியும் நிலையில், இன்னோர் உள்ளூர் விவகாரம்
அவ்வளவாக வெளிச்சம் பெறவில்லை.

சென்னை கிறிஸ்துவக் கல்லூரியின் இரு பேராசிரியர்கள் மீது
அந்தக் கல்லூரியின் மாணவிகள் சுமத்திய குற்றச்சாட்டுதான் அது.

இந்த இரண்டு பேரும் கடந்த பிப்ரவரியில் 50 பேர்கொண்ட
மாணவர்கள் குழுவை, கர்நாடகத்துக்குச் சுற்றுலா அழைத்துச்
சென்றபோது மாணவிகளிடம் சொற்களிலும் செய்கைகளிலும்
பாலியல்ரீதியாக அத்துமீறி இருக்கிறார்கள்.

துறைத் தலைவரிடம் புகார் அளித்தபோது பெரிதாக நடவடிக்கை
ஏதுமில்லை என்றானதும், போராட்டம் வெடித்துள்ளது.

அதன் பிறகு, உட்புகார் கமிட்டி (Internal Complaints Committee – ICC)
ஒன்று அமைக்கப்பட்டு விசாரணை மேற்கொள்ளப்பட்டு, இப்போது
குற்றச்சாட்டுகள் நிரூபணமாகியுள்ளன.

கல்லூரி நிர்வாகம் பேராசிரியர்கள் மீது நடவடிக்கை எடுக்க
வேண்டியதே பாக்கி.
-
-------------------

by **ayyasamy ram** Tue Apr 30, 2019 11:38 am

இந்தியாவில் படிக்கும் இடம் மற்றும் பணி இடங்களில் பாலியல்
தொந்தரவுகள் வந்தால், பாதிக்கப்பட்ட பெண்கள் வலுவாகக்
கையாளும் வகையில் சட்டங்கள் இன்று இருக்கின்றன.

1997-ல் உச்ச நீதிமன்றம் சிபாரிசு செய்த விசாகா பரிந்துரைகளின்
(Vishaka Guidelines) பேரில் 2013-ல் இதற்கான சட்டம்
Sexual Harassment of Women at Workplace (Prevention, Prohibition
and Redressal Act) நிறைவேற்றப்பட்டது.

அதன் பகுதியாக இத்தகைய புகார்களை விசாரிக்க, அந்த
நிறுவனமோ கல்லூரியோ ICC குழு அமைக்க வேண்டும்.
-
விசாகா

விசாகா பரிந்துரைகள் வந்த கதையே ரத்தமயமானது.
1990-களில் ராஜஸ்தானில் பெண்கள் முன்னேற்றத் திட்டங்களைச்
செயல்படுத்த முனைந்த அரசு ஊழியையான பன்வாரி தேவி,
தன் பணியின் ஒரு பகுதியாகக் குழந்தைத் திருமணங்களைத்
தடுத்தார்.

இதனால் சினமடைந்த குஜ்ஜார் இனப் பண்ணையார்கள்,
அவரை கூட்டுப் பாலியல் வன்கொடுமைக்கு உட்படுத்தினர்.

அன்று இருந்த சட்டங்களின்படி குற்றமிழைத்தோரைத் தண்டிக்க
முடியவில்லை. இந்த வழக்கில் `விசாகா' என்ற பெண்ணுரிமை
அமைப்பு, உச்ச நீதிமன்றம் போய், பணியிடங்களில் நடக்கும்
பாலியல் தொந்தரவுகளை விசாரிக்க தனிச் சட்டங்கள் கொண்டு
வரப்பட வேண்டும் என்று வாதாடி வென்றது.

அன்று உச்ச நீதிமன்றம் ஒவ்வோர் அலுவலகத்திலும் அமைக்க
சிபாரிசு செய்த அதே ICC தான், இன்று உச்ச நீதிமன்றத் தலைமை
நீதிபதியின் தலைக்கு மேலே கத்தியாய்த் தொங்கிக்
கொண்டிருக்கிறது. வாழ்வின் அபத்தநுட்பம் அப்படியானது!

நன்றி-விகடன்

Code:: அன்று இருந்த சட்டங்களின்படி குற்றமிழைத்தோரைத் தண்டிக்க முடியவில்லை. இந்த வழக்கில் `விசாகா' என்ற பெண்ணுரிமை அமைப்பு, உச்ச நீதிமன்றம் போய், பணியிடங்களில் நடக்கும் பாலியல் தொந்தரவுகளை விசாரிக்க தனிச் சட்டங்கள் கொண்டு வரப்பட வேண்டும் என்று வாதாடி வென்றது. அன்று உச்ச நீதிமன்றம் ஒவ்வோர் அலுவலகத்திலும் அமைக்க சிபாரிசு செய்த அதே ICC தான், இன்று உச்ச நீதிமன்றத் தலைமை நீதிபதியின் தலைக்கு மேலே கத்தியாய்த் தொங்கிக் கொண்டிருக்கிறது. வாழ்வின் அபத்தநுட்பம் அப்படியானது!

பெண்களுக்கு இழைக்கப்படும் பாலியல் வன்கொடுமை
சட்டம், சில நேரங்களில் தவறுதலாக பழி தீர்க்க பயன்படுத்தப் படுவதும் உண்டு.

by Sponsored content

சென்னை கிறிஸ்துவக் கல்லூரியும் விசாகா கமிட்டியும்! ஹலோ... ப்ளூடிக் நண்பா!

சென்னை கிறிஸ்துவக் கல்லூரியும் விசாகா கமிட்டியும்! ஹலோ... ப்ளூடிக் நண்பா!

Re: சென்னை கிறிஸ்துவக் கல்லூரியும் விசாகா கமிட்டியும்! ஹலோ... ப்ளூடிக் நண்பா!

Re: சென்னை கிறிஸ்துவக் கல்லூரியும் விசாகா கமிட்டியும்! ஹலோ... ப்ளூடிக் நண்பா!

Re: சென்னை கிறிஸ்துவக் கல்லூரியும் விசாகா கமிட்டியும்! ஹலோ... ப்ளூடிக் நண்பா!