பிளே ஆஃப் சுற்றில் நுழையுமா ராஜஸ்தான்? பெங்களூருடன் இன்று மோதல்

**ayyasamy ram** · **ayyasamy ram** Tue Apr 30, 2019 10:37 am

ஐபிஎல் 2019 சீசனில் இருந்து வெளியேற்றப்பட்ட பெங்களூரை
வென்று பிளே ஆஃப் சுற்றில் நுழையுமா ராஜஸ்தான் என
எதிர்பார்ப்பு எழுந்துள்ளது.

புள்ளிகள் பட்டியலில் கடைசி இடத்தில் உள்ளது பெங்களூரு.
தொடர் தோல்விகளால் பிளே ஆஃப் சுற்று வாய்ப்பை முற்றிலும்
இழந்துள்ளது அந்த அணி.

இந்நிலையில் 10 புள்ளிகளுடன் உள்ள ராஜஸ்தானுக்கு
2 ஆட்டங்கள் மீதமுள்ளன. அவற்றில் வென்றால் பிளே ஆஃப்
சுற்றில் நுழைவதற்கான வாய்ப்பு ராஜஸ்தானுக்கு உள்ளது.

இதற்கு பட்டியலில் முதல் மூன்றிடங்களில் உள்ள தில்லி,
சென்னை, மும்பை உள்ளிட்டவை தங்கள் எதிரணிகளை
வீழ்த்த வேண்டும்.

ராஜஸ்தான் அணியில் வெளிநாட்டு வீரர்களான
ஜோஸ் பட்லர், ஜோஃப்ரா ஆர்ச்சர், பென் ஸ்டோக்ஸ் ஆகியோர்
உலகக் கோப்பை பயிற்சிக்காக நாடு திரும்பி விட்டனர்.

மேலும் கேப்டன் பதவியில் இருந்து ரஹானே நீக்கப்பட்டு ஸ்மித்
நியமிக்கப்பட்ட நிலையில், தொடர்ந்து ஆட்டங்களில் வென்று
வருகிறது.

பேட்டிங்கில் ரியான் பராக் சிறப்பாக ஆடி வருகிறார்.
அதே நேரத்தில் பந்துவீச்சில் ஷிரேயஸ் கோபால் சிறப்பாக
கூக்லிகளை வீசி எதிரணி வீரர்களை திணறடித்து வருகிறார்.

கவலையில்லாத பெங்களூரு:
--------------
பெங்களூரு அணி எந்த வித கவலையோ, அழுத்தமோ
இல்லாமல் இந்த ஆட்டத்தை எதிர்கொள்கிறது.
கடைசி 2 ஆட்டங்களில் வென்று கெளரவமாக தனது பயணத்தை
நிறைவு செய்ய தீவிரமாக உள்ளது கோலி தலைமையிலான அணி.

இன்றைய ஆட்டம்
பெங்களூரு-ராஜஸ்தான்,
இடம்: பெங்களூரு,
நேரம்: இரவு 8.00.

பிளே ஆஃப் சுற்றில் நுழையுமா ராஜஸ்தான்? பெங்களூருடன் இன்று மோதல்

பிளே ஆஃப் சுற்றில் நுழையுமா ராஜஸ்தான்? பெங்களூருடன் இன்று மோதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக