போராடி தோற்றது மும்பை

-

கொல்கத்தாவுக்கு எதிரான ஆட்டத்தில் 34 ரன்கள் வித்தியாசத்தில் போராடி தோற்றது மும்பை. முதலில் ஆடிய கொல்கத்தா 232/2 ரன்களை குவித்தது. பின்னர் ஆடிய மும்பை 198/7 ரன்களை எடுத்து தோல்வியுற்றது.

இரு அணிகளுக்கு இடையிலான ஆட்டம் ஞாயிற்றுக்கிழமை இரவு கொல்கத்தாவில் நடைபெற்றது. டாஸ் வென்ற மும்பை பவுலிங்கை தேர்வு செய்தது.இதையடுத்து கொல்கத்தா தரப்பில் கிறிஸ் லீன்}ஷுப்மன் கில் தொடக்க வீரர்களாக களமிறங்கி ஆரம்பம் முதலே சிறப்பாக ஆடினர்.

கிறிஸ் லீன் 10}ஆவது அரைசதம்: 2 சிக்ஸர், 8 பவுண்டரியுடன் 29 பந்துகளில் 54 ரன்களை விளாசிய கிறிஸ் லீன், ராகுல் சஹார் பந்தில் வெளியேறினார். இது அவர் எடுக்கும் 10}ஆவது ஐபிஎல் அரைசதமாகும்.

ஷுப்மன் கில் 3}ஆவது அரைசதம்: இளம் வீரர் ஷுப்மன் கில் 32 பந்துகளில் 50 ரன்களை கடந்தார். தனது 3}ஆவது ஐபிஎல் அரைசதத்தையும் பதிவு செய்தார். 4 சிக்ஸர், 6 பவுண்டரியுடன் 45 பந்துகளில் 76 ரன்கள் எடுத்த நிலையில் கில்லை அவுட்டாக்கினார் ஹார்திக் பாண்டியா.

ரஸ்ஸல் சிக்ஸர் மழை: வழக்கம் போல் ரஸ்ஸல் மும்பையின் பந்துவீச்சை நாலாபுறமும் சிதறடித்து சிக்ஸர், பவுண்டரிகளாக விளாசி, தனது 8}ஆவது ஐபிஎல் அரைசதத்தை பதிவு செய்தார்.

8 சிக்ஸர், 6 பவுண்டரியுடன் 40 பந்துகளில் 80 ரன்களை விளாசி அவுட்டாகாமல் இருந்தார் ரஸ்ஸல். கேப்டன் தினேஷ் கார்த்திக் 15 ரன்களுடன் களத்தில் இருந்தார்.
20 ஓவர்களில் 2 விக்கெட்டை மட்டுமே இழந்து 232 ரன்களை குவித்தது கொல்கத்தா.

மும்பை தரப்பில் ராகுல் சஹார், ஹார்திப் பாண்டியா தலா 1 விக்கெட்டை வீழ்த்தினர்.

3 ஓவர்களில் 55 ரன்கள்: கடைசி 3 ஓவர்களில் 55 ரன்களை குவித்தனர் கொல்கத்தா அணியினர் என்பது குறிப்பிடத்தக்கது.

233 ரன்கள் என்ற கடினமான வெற்றி இலக்குடன் களமிறங்கிய மும்பை அணிக்கு தொடக்கமே பேரதிர்ச்சியாக அமைந்தது.

அதிரடி வீரர் குயிண்டன் டி காக்கை டக் அவுட்டாக்கினார் சுனில் நரைன். 3 பவுண்டரிகள் விளாசி 12 ரன்களை எடுத்த ரோஹித் சர்மாவை எல்பிடபிள்யு முறையில் வெளியேறினார் குர்னே. எவின் லெவிஸ் 15 ரன்களுடன் ரஸ்ஸல் பந்தில் அவுட்டானார்.

ஒரளவு நிலைத்து ஆட முயன்ற சூரியகுமார் யாதவ் தலா 2 சிக்ஸர், பவுண்டரியுடன் 26 ரன்களை சேர்த்து ரஸ்ஸல் பந்தில் வெளயேறினார்.
20 ரன்கள் எடுத்திருந்த பொல்லார்ட், நரைன் பந்தில் தினேஷ் கார்த்திக்கிடம் கேட்ச் கொடுத்து அவுட்டானார்.

ஹார்திக் பாண்டியா துரித ஐபிஎல் அரைசதம்: சிக்ஸர் மழை பொழிந்த ஹார்திக் பாண்டியா தனது 3}ஆவது ஐபிஎல் அரைசதத்தை பதிவு செய்தார்.

17 பந்துகளில் துரிதமாக 50 ரன்களை விளாசி புதிய ஐபிஎல் சாதனையையும் படைத்தார். இதற்கு முன்பு ரிஷப் பந்த் வசம் இந்த சாதனை இருந்தது குறிப்பிடத்தக்கது.

9 சிக்ஸர், 6 பவுண்டரியுடன் 34 பந்துகளில் 91 ரன்களை விளாசிய ஹார்திக், குர்னே பந்தில் வெளியேறினார். அவரைத் தொடர்ந்து சகோதரர் க்ருணால் பாண்டியா 24 ரன்களுடன் அவுட்டானார்.

சரண் 3, சஹார் 1 ரன்னுடன் களத்தில் இருந்தனர். கொல்கத்தா தரப்பில் ரஸ்ஸல் 2}25, குர்னே 2}37, சுனில் நரைன் 2}44 விக்கெட்டுகளை வீழ்த்தினர்.