எட்டாவது கண்டம் என அழைக்கப்படும், அபூர்வ தீவு நாடு மடகாஸ்கர்!

இந்திய பெருங்கடலில், ஆப்பிரிக்க கடற் பகுதியை ஒட்டி
அமைந்துள்ள வித்தியாசமான பூமி. இந்திய தொடர்பும்
கிடையாது; ஆப்பிரிக்க தொடர்பும் கிடையாது!

இங்கு, 14 ஆயிரம், செடி, கொடி, மரங்கள் உள்ளன;
இவற்றில், 90 சதவீதம், உலகின், வேறு எந்த நாட்டிலும்
கிடையாது.

* உலகின், மூன்றாவது, பெரிய பவழப் பாறைகள் இங்கு
உள்ளன

* உலகில், மிக அதிகமான கிராம்பு மற்றும் நவரத்தினங்கள்
கிடைக்கின்றன

* மக்கள் தொகை, 25 லட்சம்! ஐந்து பெரிய நகரங்கள் உள்ளன;
இவற்றில், பெரிய நகரின் மக்கள் தொகை, மூன்று லட்சம்;
சிறிய நகரத்தின் மக்கள் தொகை, இரண்டு லட்சம்

* இந்நாட்டின் முக்கிய மொழிகள், மலகாசி மற்றும் பிரெஞ்ச்

* கடந்த, 1897ல், பிரெஞ்ச் நாட்டின் காலனியானது

* கடந்த, 1960ல், சுதந்தரம் அடைந்தது

* ஜனநாயக நாடு, பார்லிமென்ட், குடியரசு தலைவர்
மற்றும் பிரதமர், மந்திரிகள் உண்டு

* ஐ.ந.,சபையில் உறுப்பினர்

* இந்த தீவு, இந்தியாவிலிருந்து, உடைந்து, நகர்ந்து,
ஆப்பிரிக்காவின் அருகில் நிலை கொண்டதாக கூறுகின்றனர்

* அபூர்வ உலோகங்கள், ஏராளமாய் கிடைக்கின்றன.
கிராபைட், மைக்கா மிக அதிக அளவில் கிடைக்கிறது

* ஷெபூ பசுக்கள் மிகவும் பிரபலம்; இவற்றின் எண்ணிக்கை,
மனிதர்களை விட அதிகம்; இதன் கொம்பும், முன் கழுத்தில்
உள்ள பெரிய வீக்கமும் பிரம்மாண்டமானவை; ஆனால்,
பால் தருவதில்லை

* இந்த தீவிற்கு ஒரு மன்னரும், ராணியும் உண்டு;
மலை மீது அரண்மனை, கட்டப்பட்டுள்ளது

* பறக்க இயலாத, 'எயிபயார்னிஸ்' என்ற, ராட்சஷ பறவை
ஒரு காலத்தில் இருந்தது. இதன் முட்டை, கால்பந்து அளவில்
இருக்கும்; பெரிய இறகுகளுக்காகவும், மாமிசத்துக்காகவும்
வேட்டையாடப்பட்டு இன்று அழிந்துவிட்டது.

* ஆப்பிரிக்காவை ஒட்டி இருந்தாலும், விஷமிக்க பாம்புகள்,
சிங்கம், சிறுத்தை, யானை, மான்கள் கிடையாது

* ஆண்டிற்கு, 140 அங்குலம் மழை உண்டு; பாலைவனமும்
உண்டு

* முக்கிய நகரங்களில், அனைத்து வசதிகளும் உண்டு

* கிராமங்களில் கத்தோலிக்க மற்றும் ப்ரொடஸ்டென்ட்
பிரிவினருக்கென, தனித்தனி தேவாலயங்கள் உண்டு

* கருஞ்சிவப்பு நிறமலர்களையும், சிவப்பு வண்ண
போகன் வில்லா செடிகளையும், ஏராளமாய் காணலாம்

* உலகின், 42வது மிகப்பெரிய தீவு.

* 'பாவோபாப்' என்ற பிசாசு மரம், இங்குள்ளது.
இதை, இரவில் பார்த்தால், பயமாக இருக்கும்.
-
----------------------------------------------------------
- ராஜிராதா
சிறுவர்மலர்