இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

**ayyasamy ram** · **ayyasamy ram** Sun Apr 21, 2019 12:20 pm

-
இலங்கையில் தேவாலயங்கள், நட்சத்திர ஓட்டல்கள் என
அடுத்தடுத்து 6 இடங்களில் நடந்த பயங்கர குண்டு
வெடிப்புகளில் 40 பேர் பலியாகியுள்ளனர்.
250 பேர் காயமடைந்துள்ளதாக தகவல்கள் தெரிவிக்கின்றன.

உலகம் முழுவதும் இன்று ஈஸ்டர் பண்டிகை கொண்டாடப்பட்டு
வருகிறது. இலங்கையில் ஈஸ்டர் பண்டிகையை முன்னிட்டு
கிறிஸ்தவ மக்கள் தேவாலயங்களுக்கு சென்று வழிபாட்டில்
ஈடுபட்டு வருகின்றனர்.

இந்நிலையில், அங்குபல்வேறு இடங்களில் குண்டுவெடிப்பு
சம்பவங்கள் நடந்துள்ளன.

கொச்சிக்கடை புனித அந்தோணியார் தேவாலயம்
மற்றும் நீர்கொழும்புவில் உள்ள புனித செபாஸ்டியன் ஆலயம்
ஒன்றிலும் சக்தி வாய்ந்த வெடிகுண்டு வெடித்தது.

இதில் 250 பேர் படுகாயம் அடைந்துள்ளதாக தகவல்
தெரிவிக்கின்றன.

காயமடைந்தவர்கள் உடனடியாக மருத்துவமனைகளுக்கு
கொண்டு செல்லப்பட்டனர். இதுவரை 40 பேர்
பலியாகியுள்ளதாக முதல்கட்ட தகவல்கள் தெரிவிக்கின்றன.

இந்த பயங்கர குண்டுவெடிப்பு சம்பவத்துக்கு எந்த தீவிரவாத
அமைப்பும் பொறுப்பேற்கவில்லை.

இலங்கை குண்டுவெடிப்பு சம்பவம் தொடர்பாக அந்நாட்டில்
உள்ள இந்திய தூதரை தொடர்பு கொண்டு வெளியுறவு
அமைச்சர் சுஷ்மா ஸ்வராஜ் தொலைபேசியில் கேட்டறிந்தார்.

நிலைமையை உன்னிப்பாக கவனித்து வருவதாக அவர்
தெரிவித்துள்ளார்.
-

இந்து தமிழ் திசை

**ayyasamy ram** · **ayyasamy ram** Sun Apr 21, 2019 5:05 pm

இலங்கையில் தேஹிவாலா உயிரியல் பூங்காவுக்கு அருகில்
உள்ள ஹோட்டலில் மீண்டும் ஒரு குண்டுவெடிப்பு சம்பவம்
நிகழ்ந்துள்ளது. இதில் இருவர் உயிரிழந்துள்ளனர்.

காலையில் 6 குண்டுகள் வெடித்த நிலையில் இது 7வது குண்டு
வெடிப்பு சம்பவம் ஆகும். இதில் காயமடைந்தவர்கள் மருத்துவமனையில் அனுமதிக்கப்பட்டுள்ளனர்.

தொடர் குண்டுவெடிப்பு சம்பவங்களை தொடர்ந்து அங்கு
அவசர நிலை பிரகடனம் செய்யப்பட்டுள்ளது.
மேலும் சமூக வலைதளங்களை முடக்கவும் உத்தரவிடப்பட்டுள்ளது.
-
-விகடன்

**ayyasamy ram** · **ayyasamy ram** Sun Apr 21, 2019 5:15 pm

இலங்கையில் தேவாலயங்கள், ஓட்டல்களில் குண்டு வெடிப்பு:
பலி எண்ணிக்கை 180 ஆக உயர்வு
-
கொழும்புவில் உள்ள தெஹிவளை பகுதியில் உள்ள ஒரு ஓட்டலில்
இன்று பிற்பகல் சுமார் 2.15 மணியளவில் ஏழாவதாக நிகழ்ந்த குண்டு
வெடிப்பு சம்பவத்தில் இருவர் உயிரிழந்ததாக முதல்கட்ட தகவல்
வெளியானது.

அடுத்த சில நிமிடங்களில் தெம்மட்டகொடா என்ற இடத்தில்
மஹவிலா உதயனா சாலையில் உள்ள ஒரு பகுதியில் எட்டாவதாக
ஒரு குண்டு வெடிப்பு சம்பவம் நடந்தது.

இந்த தாக்குதலில் ஏற்பட்ட பலி தொடர்பான உடனடி தகவல் ஏதும்
வெளியாகவில்லை.

இதற்கிடையில், இன்று மாலை 6 மணியில் இருந்து
நாளை காலை 6 மணிவரை நாடு முழுவதும் ஊரடங்கு உத்தரவு
பிறப்பிக்கப்படுவதாக இலங்கை அதிபர் மாளிகை அறிவித்துள்ளது.

நாளையும் நாளை மறுநாளும் (ஏப்ரல் 22,23) அரசு அலுவலகங்கள்
மற்றும் பள்ளிகளுக்கு விடுமுறை அளிக்கப்பட்டுள்ளது.
-
மாலைமலர்

Guest · Guest Sun Apr 21, 2019 6:24 pm

இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம் 1571444738

எட்டு இடங்களும் தமிழர்கள் அதிகமாக கூடும் இடங்களாகும்.அதிக உயிரிழப்புகள் தமிழர்களாக இருக்கலாம்.

தேர்தல் வருவதையொட்டி நடந்த தாக்குதலாக இருக்கலாம்.

எங்கும் தமிழனுக்கு ஏன் கொடுமை?

**பழ.முத்துராமலிங்கம்** · 27/09/2015

இந்த தாக்குதலுக்கு காரணம் என்னவென்று தெரியவில்லை.
ஆனால் இத்தனை கொடுமையான தாக்குதல் மன்னிக்க முடியாதது.
ஆழ்ந்த அனுதாபங்கள் இறந்தோரின் குடும்பத்தினருக்கு.

சிவனாசான் · சிவனாசான் Mon Apr 22, 2019 7:21 pm

அட பாவிகளா. என்னடா சாப்பிடரிங்க. இப்படியாடா கொல்லரது. மிருக ஜென்மங்களா. ஆடுமாடுன்னு நினைச்சு செய்தீங்களா.உங்களை தூக்கிலிட்டு சாகடிக்கனும்.

Sponsored content · Sponsored content

இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

Re: இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

Re: இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

Re: இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

Re: இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

Re: இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

Re: இலங்கையில் ஈஸ்டர் பண்டிகை பிராத்தனையில் பயங்கர குண்டுவெடிப்பு: 40 பேர் பலி; 250 பேர் காயம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக