செய்திகள்

சிவனாசான் · சிவனாசான் Fri Apr 19, 2019 1:51 pm

சென்னை, சென்னை, தலைமைச் செயலகத்தில் இருந்தபடியே, 'வெப் கேமரா' வழியாக, ஓட்டுப்பதிவுகள் கண்காணிக்கப்பட்டன.தமிழகம், புதுச்சேரியில் நேற்று, 3௯ லோக்சபா தொகுதிகளுக்கும், 1௯ சட்டசபை தொகுதிகளுக்கும், இடைத்தேர்தல் நடந்தது. ஓட்டுப்பதிவை கண்காணிப்பதற்காக, 30 ஆயிரம் ஓட்டுச்சாவடிகளில், 'வெப் கேமரா' பொருத்தப்பட்டன.அவற்றின் வழியாக, ஓட்டுச் சாவடிகளில், ஓட்டுப்பதிவை கண்காணிப்பதற்காக, தலைமைச் செயலகத்தில், தேர்தல் கட்டுப்பாட்டு அறை அமைக்கப்பட்டது.அங்கு௧௬மாவட்டவருவாய்அலுவலர்கள்பணியமர்த்தப்பட்டனர்.அவர்கள், நேற்று, கட்டுப்பாட்டு அறையில் அமர்ந்தபடியே, ஓட்டுப்பதிவை கண்காணித்தனர். இரண்டு மணி நேரத்திற்கு ஒரு முறை, ஓட்டுப்பதிவு சதவீதத்தை, மாவட்ட தேர்தல் அலுவலர்களிடம் பெற்றனர்.அதேபோல், '1950' இலவச தொலைபேசி எண்ணுக்கு வந்த புகார்கள் மீதும், உடனுக்குடன் நடவடிக்கை மேற்கொண்டனர். கடந்த முறை, வெப் கேமரா பொருத்தப்பட்ட, ஓட்டுச்சாவடிகளில், ஓட்டுப்பதிவை இணையதளம் வழியே, பொது மக்கள் கண்காணிக்க, தேர்தல் ஆணையம் ஏற்பாடு செய்திருந்தது. இம்முறை, அவ்வாறு செய்யப்படவில்லை.
ஆனால், ஓட்டுச்சாவடியில் எவ்வளவு பேர், வரிசையில் நிற்கின்றனர் என்ற விபரத்தை, தேர்தல் இணையதளத்தில் அறிய, ஏற்பாடு செய்யப்பட்டிருந்தது.

சிவனாசான் · சிவனாசான் Sat Apr 20, 2019 8:20 pm

பிளஸ் 2 தேர்ச்சி பெறா விட்டால், கல்லுாரியில் சேர முடியாதே என நினைப்பவர்களுக்கு, அடைக்கலம் தரும் வகையில், மத்திய அரசின், இந்திராகாந்தி திறந்தநிலை பல்கலையும், தமிழக அரசின், திறந்த நிலை பல்கலையும் உள்ளன.இங்கு, பிளஸ் 2 முடிக்காதவர் களுக்கு, ஆறு மாதம் தகுதி தேர்வு பயிற்சியும், தேர்வும் நடத்தப்படும். இதில், மாணவர்கள் எளிதாக தேர்வாகலாம்.அதன்பின், மூன்று ஆண்டுகள் பட்டப்படிப்பை, அதே பல்கலையில் தொலைநிலையில் படிக்கலாம். இந்த படிப்புக்கு வழங்கப்படும் சான்றிதழ்கள், அரசு வேலைக்கும், போட்டி தேர்வுக்கும் தகுதியானதாகும். இதற்கான விபரங்களை, rcchennai.ignou .ac.in மற்றும் www.tnou.ac.inஎன்ற இணைய தளங்களில் தெரிந்து கொள்ளலாம்.

சிவனாசான் · சிவனாசான் Sat Apr 20, 2019 8:38 pm

35 மதிப்பெண்ணே போதும்
சென்னை பல்கலையின், தேர்வு கட்டுப்பாட்டு முன்னாள் அதிகாரியும், ஹிந்துஸ்தான் கலை, அறிவியல் கல்லுாரி முதல்வருமான திருமகன் கூறியதாவது:பிளஸ் 2 தேர்வில், எவ்வளவு மதிப்பெண் பெற்றிருந்தாலும், மாணவர்களும், பெற்றோரும் கவலையே பட வேண்டாம். அனைத்து கலை, அறிவியல் பட்டப் படிப்புகளுக்கும், பிளஸ் 2 தேர்ச்சி மட்டுமே போதும்.அரசு மற்றும் உதவி பெறும் கல்லுாரிகளில், 'சீட்' கிடைக்கா விட்டால், தனியார் கல்லுாரிகளில், நிச்சயம் இடம் கிடைக்கும்.எவ்வளவு மதிப்பெண் உள்ளதோ, அதற்கேற்ற பட்டப்படிப்பில் சேரலாம். அந்த படிப்பின் வழியே, அரசு துறை வேலைவாய்ப்பு தேர்வுகள் எழுதி, அரசு அதிகாரி ஆகலாம்.மொழி சார்ந்த படிப்புகளுக்கு, எல்லா மாணவர்களுக்கும், கல்லுாரிகளில் இடம் கிடைக்கும்.
தமிழ், ஆங்கிலம் என, மொழியியல் முடித்தவர்களுக்கு, அதிக வேலைவாய்ப்புகள் உள்ளன. இதற்கு, பிளஸ் 2 மதிப்பெண், ஒரு தடையாக இருக்காது.ஊடகங்கள், நாளிதழ் கள், விளம்பர துறைகளில், மாணவர்களுக்கு அதிக வேலைவாய்ப்புகள் உள்ளன. அந்த பாடங்களையும் தேர்வு செய்யலாம். பட்டப் படிப்புக்கு, கட்டணம் செலுத்த முடியாதவர்கள், எளிய முறையில், வங்கிகளில், கல்வி கடன் பெறலாம்.ஒரு மாணவருக்கு, ஆண்டுக்கு, 2,000 ரூபாய் வரை தான் வட்டி வரும். படிப்பு முடித்து, வேலைக்கு சென்ற பின், கடனை, மாத தவணையாக செலுத்தலாம்.

சிவனாசான் · சிவனாசான் Sat Apr 20, 2019 8:42 pm

கிணறு வெட்டும் போது சேரம் கயிறு அறுந்து 5 பேர் பலி
திருவண்ணாமலைதிருவண்ணாமலை அருகே, கிணறு வெட்டும் போது கயிறு அறுந்து விழுந்ததில், ஐந்து பேர் பலியாயினர். ஒருவரின் நிலை கவலைக்கிடமாக உள்ளது.திருவண்ணாமலை மாவட்டம்,ஆலத்துார் கிராமத்தில், பர்வதம் என்பவருக்கு சொந்தமான, சரஸ்வதி வித்யாலயா மெட்ரிக் பள்ளி உள்ளது.இங்கு குடிநீர் தேவைக்காக, கிணறு வெட்டும் பணி நேற்று நடந்தது.இதில், தாமரைப்பாக்கம் கிராமத்தைச் சேர்ந்த, ஏழு பேர் பணியில் ஈடுபட்டிருந்தனர். பணியை முடித்த பின், மாலை, 3:30 மணிக்கு ஒரு கூடையில் அமர்ந்தவாறு, 25 - 55 வயதுள்ள ஐந்து தொழிலாளர்கள் மேலே வந்துகொண்டிருந்தனர்.அப்போது, பாதி கிணற்றை கடந்து மேலே வந்த நிலையில், கூடையில் கட்டப்பட்டிருந்த இரும்பு கயிறு திடீரென அறுந்ததில், கிணற்றில் விழுந்தனர். இதில், ஐந்து பேரும் சம்பவ இடத்திலேயே பலியாயினர்.அந்த நேரத்தில், கிணற்றினுள் இருந்த இருவர் மீதும், கயிறு அறுந்து விழுந்தது. இதில், ஒருவர் படுகாயமடைந்து கவலைக்கிடமான நிலையில், திருவண்ணாமலை அரசு மருத்துவமனையில் அனுமதிக்கப்பட்டார். மற்றொருவர் லேசானகாயமடைந்தார்.

Sponsored content · Sponsored content

செய்திகள்

செய்திகள்

Re: செய்திகள்

Re: செய்திகள்

Re: செய்திகள்

Re: செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக