மதுரை:ஓட்டு எண்ணிக்கை மையத்தில் நுழைந்த அதிகாரி யார்?

**ayyasamy ram** · **ayyasamy ram** Sun Apr 21, 2019 12:37 am

மதுரை:
மதுரை லோக்சபா தொகுதி ஓட்டுப் பதிவு இயந்திரங்கள்
வைக்கப்பட்டுள்ள மருத்துவக் கல்லுாரி அறையிலிருந்து
ஆவணங்களை பெண் அதிகாரி ஒருவர் எடுத்துச்
சென்றதாக சர்ச்சை எழுந்துள்ளது.

மார்க்சிஸ்ட் வேட்பாளர் வெங்கடேசன், அ.ம.மு.க.,வேட்பாளர்
டேவிட் அண்ணாதுரை தலைமையில் தொண்டர்கள்
முற்றுகையிட்டனர்.

நேற்று பகலில் பெண் அதிகாரி ஒருவர் நுழைந்து மதுரை
மேற்குத் தொகுதி ஓட்டுப் பதிவு தொடர்பான ஆவணங்களை
நகல் எடுப்பதற்காக எடுத்துச் சென்றதாக தகவல் பரவியது.

இதையடுத்து இரவு 10:45 மணிக்கு மார்க்சிஸ்ட் வேட்பாளர்
வெங்கடேசன் மற்றும் தி.மு.க.,வினர் அங்கு திரண்டு
முற்றுகையில் ஈடுபட்டனர். அ.ம.மு.க.,வேட்பாளர்
டேவிட் அண்ணாதுரையும் அங்கு வந்தார்.

இதனால் காந்தி மியூசியம் ரோட்டில் போக்குவரத்து பாதித்தது.
அவர்களிடம் டி.ஆர்.ஓ.,குணாளன், ஆர்.டிஓ.,முருகானந்தம்
பேச்சு நடத்தி வருகின்றனர்.

அங்கு அ.தி.மு.க.,வேட்பாளர் ராஜ் சத்யனின் ஆதரவாளர்களும்
குவிந்தனர்.

தேர்தல் அதிகாரிகள் கூறுகையில், 'தேர்தல் கமிஷன் கேட்டுக்
கொண்டதற்கிணங்க சம்பூர்ணம் என்ற அலுவலர் ஆவணங்களை
எடுத்துச் சென்றார். ஓட்டுப் பதிவு இயந்திரங்கள் வைக்கப்பட்டுள்ள
அறையில் 'சீல்' அகற்றப்படவில்லை. எவ்வித தவறும் நடக்கவில்லை'
என்றனர்.

வெங்கடேசன் கூறுகையில், 'பாதுகாப்பு கெடுபிடிகளை மீறி
அதிகாரி சென்றது எப்படி.அறையில் கண்காணிப்பு கேமரா
பதிவுகளை கட்சிகளிடம் காண்பிக்க வேண்டும்.
அதிகாரி மீது நடவடிக்கை எடுக்க வேண்டும்' என்றார்.
-
தினமலர்
ஏப் 20, 2019 23:42

மதுரை:ஓட்டு எண்ணிக்கை மையத்தில் நுழைந்த அதிகாரி யார்?

மதுரை:ஓட்டு எண்ணிக்கை மையத்தில் நுழைந்த அதிகாரி யார்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக