மோடியின் நகல் போன்ற சுயேச்சைக்கு, 'நோட்டீஸ்'

**ayyasamy ram** · **ayyasamy ram** Sun Apr 14, 2019 6:43 am

லக்னோ:
உத்தர பிரதேச மாநிலத்தில், பிரதமர் நரேந்திர மோடி போன்ற தோற்றமுடைய, அபிநந்தன் பதக் என்ற சுயேச்சை வேட்பாளரின், பிரசார வாசகத்துக்கு பதில் அளிக்கும்படி, தேர்தல் ஆணையம், 'நோட்டீஸ்' அனுப்பியுள்ளது.

.பி.,மாநிலத்தில், 80 லோக்சபா தொகுதிகள் உள்ளன. அவற்றில் எட்டு தொகுதி களுக்கு தேர்தல் முடிந்துவிட்டது. மீதமுள்ள, 72 தொகுதிகளுக்கு, ஏழு கட்டங்களாக தேர்தல் நடக்கஉள்ளது.இங்குள்ள, சஹாரன்பூர் மாவட்டத்தைச் சேர்ந்த, அபிநந்தன் பதக், 44, என்பவர், லக்னோ லோக்சபா தொகுதியிலும், பிரதமர் மோடி போட்டியிடும், வாரணாசி லோக்சபா தொகுதியிலும், சுயேச்சையாக போட்டியிடுகிறார்.

பிரதமர் மோடி யின் நகல் போல் தோற்றம் அளிக்கும் அபிநந்தன், மோடியை போன்று உடையணிந்தும், அவரை போன்று பேசியும் வருகிறார்.

தேர்தலுக்குப் பின், காங்கிரசுக்கு ஆதரவளிக்கப் போவதாக கூறிய அபிநந்தன், நேற்று முன்தினம், லக்னோ லோக்சபா தொகுதியில் வேட்பு மனு தாக்கல் செய்தார்.

அப்போது, அவர், 'ஒரு ஓட்டு, ஒரு நோட்டு' என, கூறினார்.புகார்இதையடுத்து, 'வாக்காளர்களுக்கு, ஓட்டுக்கு பணமளிக்கப் போவதையே, பதக், இவ்வாறு கூறுகிறார்' என, அரசியல் கட்சியினர், தேர்தல் அதிகாரியிடம் புகார் அளித்தனர்.

இது தேர்தல் நடத்தை விதிமீறல் என்பதால், இந்த வாசகம் தொடர்பாக பதில் அளிக்கும்படி, அபிநந்தனுக்கு, தேர்தல் ஆணையம், 'நோட்டீஸ்' அனுப்பியுள்ளது.
-
தினமலர்

மோடியின் நகல் போன்ற சுயேச்சைக்கு, 'நோட்டீஸ்'

மோடியின் நகல் போன்ற சுயேச்சைக்கு, 'நோட்டீஸ்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக