தகவல் துணுக்கு - தொடர் பதிவு

ayyasamy ram wrote:
-----
""என் வாழ்நாள்முழுவதிலும் கேவலம் ஆறு மகிழ்ச்சியான
நாள்களைக் கூட நான் அனுபவித்தது இல்லை'' என்று  
வேதனையுடன்  கூறியவர் மாவீரனான
நெப்போலியன்.
-
------------------------------
தினமணி கதிர்
-----------------------------------

இந்த பதிவைத் துவங்கியவர் நன்றி கூறியுள்ளார் krishnaamma

ayyasamy ram wrote:
சுருக்கமாக  எழுதுவது
--
புகழ் மிக்க  பத்திரிகை  ஆசிரியர் புலிட்சர்
தம் இளம் வயதில்  ஒரு பத்திரிகையில் வேலைக்குச்  
சேர்ந்தார்.

இதழின் ஆசிரியரிடம், ""சுருக்கமாக எழுதுவது  எப்படி?''  
என்று கேட்டார்.

அதற்கு  ஆசிரியர், ""கூற வேண்டியதை எல்லாம்  
எழுதிக் கொள்.  அதை இங்கிருந்து  ஆஸ்திரேலியாவுக்கு  
உன் சொந்தச் செலவில் தந்தி அடிப்பதாக வைத்துக்
கொள்.  தானே  செய்தி சுருங்கிவிடும்'' என்றார்.
-
------------------------
- நெ.இராமன்,  சென்னை.

இந்த பதிவைத் துவங்கியவர் நன்றி கூறியுள்ளார் krishnaamma

ayyasamy ram wrote:ஐயம்பெருமாள்  கோனார்!
-
எட்டாவது  படிப்பவர்கள் முதல் எம்.ஏ. படிப்பவர்கள்
வரை தமிழ் படிப்பவராக இருந்தால் அவர் கையிலும்
பையிலும் கோனார்  கையேடு இடம் பெற்றிருக்கும்.  

இவ்வாறு கையேடு தயாரித்துப்  புகழ்பெற்றவரான
கோனார்,  திரைப்பட வசனகர்த்தாவாகவும் இருந்துள்ளார்
என்பது பலரை வியப்பில் ஆழ்த்தும்.

1940- இல்  வெளியான பி.ஆர்.பந்துலு.
எஸ்.கே. வேணுபாய் நடித்த "திலோத்தமா' படத்தின் பாட்டுப்
புத்தகத்தில், தமிழ் வசனங்கள்  
வித்வான் ஐயம் பெருமாள் கோனார் பண்டிட்,
செயின்ட் ஜோசப் கல்லூரி, திருச்சி என்று குறிப்பிடப்
பட்டிருப்பதைக் காணமுடியும்.  

படத்திற்கு பாடல் இயற்றியவர்  திருச்சி வி. மங்களநாதன்
என்ற விவரமும் இடம் பெற்றுள்ளது.
-
---------------------------------
காட்டூரான், கோயம்புத்தூர்.

இந்த பதிவைத் துவங்கியவர் நன்றி கூறியுள்ளார் krishnaamma