வாக்காளர்களுக்கு பணம்; கேரள மக்கள் ஆச்சரியம்!

by **ayyasamy ram** Tue Apr 09, 2019 8:34 am

தமிழகத்தில் வாக்காளர்களுக்கு, கட்சிகள் போட்டி போட்டு
பணம் கொடுக்கும் விஷயத்தை கேள்விப்பட்டு, கேரள மக்கள்
ஆச்சரியமடைகின்றனர்.

லோக்சபா தேர்தல் தமிழகத்தில், ஏப்.,18 லும், கேரளாவில்,
ஏப்., 23லும் நடக்கிறது. தமிழகத்தில் தேனி தொகுதியும்,
கேரளாவில் இடுக்கி தொகுதியும், இரு மாநிலங்களின்
எல்லையில் உள்ளன. கூடலுார், கம்பம் பகுதிகளில் இருந்து,
6,000த்துக்கும் மேற்பட்ட தொழிலாளர்கள், இடுக்கி
மாவட்டத்தில் தங்கி, தோட்ட வேலை செய்கின்றனர்.

இவர்கள் இரு மாநிலங்களிலும் ஓட்டுரிமை பெற்றுள்ளனர்.
சமீபத்தில், தேனி மற்றும் இடுக்கி மாவட்ட தேர்தல் அதிகாரிகள்,
இதனை கண்டுபிடித்து, பலரது ஒரு மாநில ஓட்டுரிமையை
நீக்கினர்.

பலர் தாங்களாகவே முன்வந்து, கேரளாவில் உள்ள
ஓட்டுரிமையை நீக்கினர். இதற்கு, 'கேரளாவில் ஓட்டுக்கு
ஒரு ரூபா கூட தருவதில்லை.

தமிழகத்தில், ஒவ்வொரு கட்சியும் போட்டி போட்டு பணம்
தருகின்றன' என, காரணம் கூறுகின்றனர்.

இந்நிலையில், தேனி தொகுதியை கைப்பற்றியே ஆக வேண்டும்
என, ஆளும் கட்சியினர், ஓட்டுக்கு, 5,000 ரூபாய் வரை கொடுக்க
போவதாக தகவல் பரவுகிறது.

இதனால், தி.மு.க., கூட்டணியினரும், பணம் கொடுக்கும் முடிவில்
உள்ளனர். அ.ம.மு.க.,வினரும், இவர்களுக்கு இணையாக
வாக்காளர்களை, 'கவனிக்க' உள்ளனர்.இவற்றை கேட்ட, தமிழக
எல்லையில் உள்ள கேரள மக்கள், ஆச்சர்யத்துடன் பெருமூச்சு
விடுகின்றனர்.
-
-----------------------------------------
தினமலர்

Code:: இந்நிலையில், தேனி தொகுதியை கைப்பற்றியே ஆக வேண்டும் என, ஆளும் கட்சியினர், ஓட்டுக்கு, 5,000 ரூபாய் வரை கொடுக்க போவதாக தகவல் பரவுகிறது. இதனால், தி.மு.க., கூட்டணியினரும், பணம் கொடுக்கும் முடிவில் உள்ளனர். அ.ம.மு.க.,வினரும், இவர்களுக்கு இணையாக வாக்காளர்களை, 'கவனிக்க' உள்ளனர்.இவற்றை கேட்ட, தமிழக எல்லையில் உள்ள கேரள மக்கள், ஆச்சர்யத்துடன் பெருமூச்சு விடுகின்றனர்.

இது தமிழக மக்களுக்கு தலைகுனிவை
ஏற்படுத்தும் விசயம்.

அரசியல்வாதிகள் ஆட்சி கட்டிலில் அமர முதலில் மக்களுக்கு லஞ்சம் தந்து ஓட்டை விலைக்கு வாங்கி பின் அவர்கள் நம்மிடம் கோடிகோடியாக கொள்ளை அடிக்க போகிறார்கள். இது புரியாமல் நாம் அவர்களிடம் காசுக்கு கையேந்துகிறோம்.