‘குஞ்சுண்ணி’ எழுதிய இரண்டு கவிதைகள்…

**ayyasamy ram** · **ayyasamy ram** Tue Mar 26, 2019 1:11 pm

உலகக்கவி…………

கேரளத்து மக்களுக்கு மட்டுமின்றி, அவர்களின் இலக்கிய
வேர்களுக்கும் சத்துநீர் வழங்குகிற சக்தி மலையாளக்
கரைக்கு உண்டு.

சர்ரியலிசம் எனப்படும் மிகை எதார்த்தம் இன்றைய
மலையாளக் கவிதைகளுக்குத் தலைமை தாங்குகின்றன.

ஒரு படைப்பின் முடிவில் கவிஞனின் பெயர் சொல்லப்பட
வேண்டும் என்பதற்கு மாறாக, கவிதையின் பெயர்
சொல்லப்பட வேண்டும் என்ற ஆரோக்கியமான பிடிவாதம்,

சுண்ட வைத்த பால் மாதிரி அடர்த்தியான சொல்கட்டு,
சிரிப்பின் கடைசித் துளியை சிந்தனையாய் மாற்றிவிடும்
ரசவாதம்.. இவைகளால் மலையாளக் கவிதை தனக்கென்று
ஒரு நிறத்தையும், தனக்கென்று ஒரு முகத்தையும்
கொண்டிருக்கிறது.
இதோ ‘குஞ்சுண்ணி’ எழுதிய இரண்டு கவிதைகள்…
முதல் கவிதை ஏசுவப் பார்த்து பேசுகிறது,

“ஓ! மனுஷ குமாரனே!
உன் வாழ்க்கை மகிமை கொண்டதே.

மாட்டுக் கொட்டிலில்
பிறந்தாய்!
அற்புதம்!

மரச்சிலுவை சுமந்து
மரித்தாய்!
அற்புதம்! அற்புதம்!

ஏனிந்த அறியாமை?
எதற்காக மீண்டும்
உயிர்த்தெந்ழுந்தாய்?”

பூக்களால் வருடிக் கொடுக்கிற மாதிரியான
கவிதைதான் இது. ஆனால் கவிதைக்குள்ளிருக்கும்
கவிஞனின் ரகசிய வேதனையைக் கவனித்தால்
நகக்கண்ணில் குண்டூசி குத்துவது போல் வலிக்கும்.
ஆங்கில மோகத்தின் மீது ஆணியடிக்கிற இன்னொரு கவிதை:

“என் மகன்
பிரசவ விடுதியிலிருந்தே
ஆங்கிலம் கற்றாக வேண்டும்

அதனால் நான்
என் மனைவியின்
பிரசவத்தை
இங்கிலாந்தில் வைத்துக் கொள்ள
ஏற்பாடு செய்துவிட்டேன்.”

கண்ணுக்கு தெரியாத சாட்டையால் நம் இடுப்பில்
ரத்தம் சொட்ட அடிக்கிறது இந்தக் கவிதை….

நன்றி- முகநூல்

**Dr.S.Soundarapandian** · **Dr.S.Soundarapandian** Tue Mar 26, 2019 7:41 pm

‘குஞ்சுண்ணி’ எழுதிய இரண்டு கவிதைகள்… 3838410834

‘குஞ்சுண்ணி’ எழுதிய இரண்டு கவிதைகள்… 1571444738

‘குஞ்சுண்ணி’ எழுதிய இரண்டு கவிதைகள்…

‘குஞ்சுண்ணி’ எழுதிய இரண்டு கவிதைகள்…

Re: ‘குஞ்சுண்ணி’ எழுதிய இரண்டு கவிதைகள்…

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக