சென்னைக்கு 2-ஆவது வெற்றி

by **ayyasamy ram** Wed Mar 27, 2019 9:14 am

-
தில்லி கேபிடல்ஸ் அணியை 6 விக்கெட் வித்தியாசத்தில்
வென்று தனது இரண்டாவது வெற்றியை பதிவு செய்தது
சென்னை அணி.

முதலில் ஆடிய தில்லி 6 விக்கெட் இழப்புக்கு 147 ரன்களை
எடுத்தது. பின்னர் ஆடிய சென்னை 4 விக்கெட் இழப்புக்கு
150 ரன்களை சேர்த்து வென்றது.

ஐபிஎல் 2019-இன் 5ஆவது ஆட்டமாக இரு அணிகளுக்கு
இடையிலான ஆட்டம் புது தில்லி பெரோஸ்ஷா கோட்லா
மைதானத்தில் செவ்வாய்க்கிழமை இரவு நடைபெற்றது.

இந்நிலையில் டாஸ் வென்ற தில்லி அணி பேட்டிங்கை
தேர்வு செய்தது. பிரித்வி ஷா-தவன் தொடக்க வரிசை
வீரர்களாக களமிறங்கினர்.

இளம் வீரரான பிரித்வி ஷா அதிரடியாக ஆடியதில்
5 பவுண்டரியுடன் 16 பந்துகளில் 24 ரன்களை குவித்து,
சஹார் பந்தில் அவுட்டானார்.

அவரைத் தொடர்ந்து ஆட வந்த கேப்டன்
ஷிரேயஸ் ஐயர் 18 ரன்களுடன், இம்ரான் தாஹிர் பந்தில்
எல்பிடபிள்யு ஆனார்.

விக்கெட்டுகள் சரிவு: அதிரடி பேட்ஸ்மேன் ரிஷப் பந்த்
களமிறங்கியதும் ஆட்டம் சூடு பிடித்தது. எனினும்
1 சிக்ஸர், 2 பவுண்டரியுடன் 25 ரன்களை பந்த்
எடுத்திருந்தபோது, பிரவோ பந்துவீச்சில் அவுட்டானார்.

அப்போது 3 விக்கெட் இழப்புக்கு 120 ரன்களை
எடுத்திருந்தது தில்லி.

அவருக்கு பின் வந்த காலின் இங்கிராம் 2 ரன்களோடு
பிரவோ பந்துவீச்சில் அவுட்டானார். மூத்த வீரர்
ஷிகர் தவன் 7 பவுண்டரியுடன் 51 ரன்களை எடுத்த
நிலையில் பிரவோ பந்தில் வெளியேறினார்.

கீமோ பால் ரன் ஏதும் எடுக்காமல் ஜடேஜா பந்தில்
டக் அவுட்டானார்.

தில்லி திணறல்:

அப்போது 17.1 ஓவரில் 6 விக்கெட் இழப்புக்கு
127 ரன்களுடன் திணறிக் கொண்டிருந்தது தில்லி.

அக்ஸர் பட்டேல் 9, ராகுல் டிவாட்டியா 11 ரன்களுடன்
இறுதிவரை அவுட்டாகாமல் இருந்தனர். 20 ஓவர்களில்
6 விக்கெட் இழப்புக்கு 147 ரன்களை மட்டுமே
தில்லியால் எடுக்க முடிந்தது.
------------

by **ayyasamy ram** Wed Mar 27, 2019 9:15 am

சென்னை வெற்றி:

148 ரன்கள் எடுத்தால் வெற்றி
என்ற இலக்குடன் நடப்பு சாம்பியன் சென்னை
தரப்பில் வாட்சன், அம்பதி ராயுடு களமிறங்கினர்.
5 ரன்கள் எடுத்த நிலையில் ராயுடு, இஷாந்த்
பந்துவீச்சில் அவுட்டானார்.

அதிரடியாக ஆடிய வாட்சன் 3 சிக்ஸர், 4 பவுண்டரியுடன்
26 பந்துகளில் 44 ரன்களை எடுத்தபோது, மிஸ்ரா பந்தில்
அவுட்டானார். அவரைத் தொடர்ந்து சுரேஷ் ரெய்னாவும்
1 சிக்ஸர், 4 பவுண்டரியுடன் 30 ரன்கள் எடுத்திருந்த
நிலையில் மிஸ்ரா பந்துவீச்சில் வெளியேறினார்.

தொடர்ந்து தோனி, கேதார் ஜாதப் நிதானமாக ஆடி
ரன்களை சேர்த்தனர். 27 ரன்கள் எடுத்த ஜாதவ்,
கீமா போல் பந்தில் அவுட்டாகி பெவிலியன் திரும்பினார்.

1 சிக்ஸர், 2 பவுண்டரியுடன் 32 ரன்களுடன் தோனியும்,
4 ரன்களுடன் பிரவோவும் இறுதி வரை அவுட்டாகாமல்
இருந்தனர். தோனி வழக்கம் போல் இறுதியில்
ஹெலிகாப்டர் ஷாட் சிக்ஸர் ஒன்றை அடித்தார்.

பிரவோ அடித்த பவுண்டரி வெற்றிக்கு வித்திட்டது.
19.4 ஓவர்களில் 4 விக்கெட் இழப்புக்கு 150 ரன்களை எடுத்து
வென்றது சென்னை.

தில்லி தரப்பில் அமித் மிஸ்ரா 2-35, இஷாந்த், ரபாடா
ஆகியோர் தலா 1 விக்கெட்டையும் சாய்த்தனர்.

பிரவோ அபாரம்

சென்னை தரப்பில் பிரவோ அற்புதமாக பந்துவீசி
3-33 விக்கெட்டுகளை சாய்த்தார். மேலும் சஹார்,
ஜடேஜா, தாஹிர் ஆகியோர் தலா 1 விக்கெட்டை
வீழ்த்தினர்.

சுருக்கமான ஸ்கோர்
தில்லி கேபிடல்ஸ்
20 ஓவர்களில் 147/6
தவன் 51, ரிஷப் பந்த் 25,
பந்து வீச்சு:
டிவைன் பிரவோ 3-33.
சென்னை
20 ஓவர்களில் 150/4
வாட்சன் 44, ரெய்னா 30, தோனி 32,
பந்துவீச்சு:
அமித் மிஸ்ரா 2-35.
-
------------------------
நன்றி-தினமணி

சென்னைக்கு 2-ஆவது வெற்றி

சென்னைக்கு 2-ஆவது வெற்றி

Re: சென்னைக்கு 2-ஆவது வெற்றி