உலகைச் சுற்றி...

by **ayyasamy ram** Tue Mar 26, 2019 10:27 am

-
* நியூசிலாந்தின் கிறைஸ்ட்சர்ச் நகரில் 2 மசூதிகளில்
நடந்த துப்பாக்கிச்சூட்டில் 50 பேர் கொல்லப்பட்டது
தொடர்பாக அந்நாட்டின் உயர்மட்ட விசாரணைக்
குழுவான ராயல் கமிஷன் விசாரணை நடத்த பிரதமர்
ஜெசிந்தா உத்தரவிட்டார்.

* மொனாக்கோ சென்ற சீன அதிபர் ஜின்பிங், அவரது
மனைவி பெங் லீயுவானுக்கு அந்நாட்டு இளவரசர்
2-ம் ஆல்பர்ட் மற்றும் இளவரசி சாரலீன் ஆகியோர்
உற்சாக வரவேற்பு அளித்தனர்.

* ஜெருசலேமை இஸ்ரேலின் தலைநகரமாக அங்கீகரித்த
ஹோண்டுராஸ் அதிபர் உர்லாண்டோ ஹெர்ணான்டஸ்
அங்கு தங்கள் நாட்டின் வர்த்தக அலுவலகத்தை திறக்க
உள்ளதாக தெரிவித்துள்ளார்.

* பாலஸ்தீனத்தின் காஸா பகுதியில் இருந்து வீசப்பட்ட
ராக்கெட் குண்டு ஒன்று இஸ்ரேலின் டெல்-அவிவ் நகரில்
உள்ள ஒரு வீட்டின் மீது விழுந்ததில் அந்த வீடு தரை
மட்டமானது. இதில் 6 பேர் படுகாயம் அடைந்தனர்.

* வியட்நாமில் காச நோயின் தாக்கம் அதிகரித்து வருகிறது.
அங்கு ஒவ்வொரு ஆண்டும் காச நோயினால் 1 லட்சத்து
20 ஆயிரம் பேர் பாதிக்கப்படுவதாகவும்,
12 ஆயிரம் பேர் இறப்பதாகவும் புள்ளிவிவரங்கள்
தெரிவிக்கின்றன.

* சீனாவின் ஜியாங்சு மாகாணத்தில் ரசாயன ஆலையில்
வெடிவிபத்து நேரிட்டதில் பலியானோரின் எண்ணிக்கை
78 ஆக உயர்ந்தது.
-
-----------------------------------
நன்றி-தினத்தந்தி

by **Dr.S.Soundarapandian** Tue Mar 26, 2019 7:43 pm

உலகைச் சுற்றி...

உலகைச் சுற்றி...

Re: உலகைச் சுற்றி...