ரசப்பொடி இல்லாத போது…(சமையல் டிப்ஸ்)

**ayyasamy ram** · **ayyasamy ram** Wed Mar 20, 2019 11:49 pm

--

❖ கொஞ்சம் வசம்பை ரவா, மைதா உள்ள டப்பாவில்
தட்டிப் போட்டு வைத்தால் பூச்சி, புழுக்கள் வராது.

❖ இஞ்சியின் தோலைச் சீவி விட்டு, அலசி சுத்தம்
செய்துவிட்டு தயிரில் போட்டால் தயிர் நீண்ட நேரம்
புளிக்கவே புளிக்காது.

❖ காய்ந்த மிளகாயை வறுக்கும்போது சிறிது உப்பு
போட்டு வறுத்தால் நெடி வராது.

❖ பச்சை மிளகாயை காம்பை எடுத்து விட்டு
நிழலான இடத்தில் வைத்தால் நீண்ட நாட்கள்
பசுமையாக இருக்கும்.

❖ தோசை சுடும்போது தோசைக்கல்லில் மாவு ஒட்டிக்
கொண்டு தோசை வராமல் இருந்தால் அதற்கு கொஞ்சம்
புளியை ஒரு வெள்ளைத்துணியில் கட்டி, அதை
எண்ணெய்யில் தொட்டு கல்லில் தேய்த்துவிட்டு தோசை
சுட்டால் நன்றாக வரும்.

❖ தேங்காயை உடைத்தவுடன் கழுவிவிட்டு பின் பிரிட்ஜில்
வைத்தால் அதில் பிசுபிசுப்பு ஏற்படாது.

❖ சர்க்கரையில் 5 கிராம்புகள் போட்டு வைத்தால்
எறும்பு வராது… நீர்த்தும் போகாது.

❖ கட்லெட் செய்வதற்கு பிரெட் தூள் இல்லையா?
பிரெட் ஸ்லைஸை தவாவில் புரட்டி எடுத்து, மிக்ஸியில்
உதிர்த்து உபயோகிக்கலாம்.

❖ ரசப்பொடி இல்லாத போது ரசம் வைக்க வேண்டிய
அவசியம் ஏற்பட்டால் மிளகு சீரகத்துடன் ஒரு கரண்டி
துவரம் பருப்பையும் வைத்து அரைத்துப் போட்டால் ரசம்
சுவையாக இருக்கும்.

❖ அடைக்கு ஊறவைக்கும் அரிசி, பருப்புடன் சிறிது
கொண்டைக்கடலையையும் ஊறவைத்து, அரைத்து
அடை செய்தால் ருசியாக இருக்கும்.

சரோஜா சண்முகம்
நன்றி-மகளிர்மணி

**பழ.முத்துராமலிங்கம்** · 27/09/2015

அருமையான டிப்ஸ்
நன்றி ஐயா

**krishnaamma** · **krishnaamma** Tue Apr 16, 2019 11:34 am

//தோசை சுடும்போது தோசைக்கல்லில் மாவு ஒட்டிக்
கொண்டு தோசை வராமல் இருந்தால் அதற்கு கொஞ்சம்
புளியை ஒரு வெள்ளைத்துணியில் கட்டி, அதை
எண்ணெய்யில் தொட்டு கல்லில் தேய்த்துவிட்டு தோசை
சுட்டால் நன்றாக வரும்.//

அதேபோல ஒரு வெங்காயத்தை வெட்டி, வெட்டிய பாகத்தை தோசைக்கல்லில் ஒருமுறை தேய்த்துவிட்டு தோசை வார்த்தால், தோசை பிய்யாமல், நன்கு எடுக்க வரும்.

அதேபோல கத்திக்காய் காம்பை யும் உபயோகப்படுத்தலாம்.

**krishnaamma** · **krishnaamma** Tue Apr 16, 2019 11:36 am

//ரசப்பொடி இல்லாத போது ரசம் வைக்க வேண்டிய
அவசியம் ஏற்பட்டால் மிளகு சீரகத்துடன் ஒரு கரண்டி
துவரம் பருப்பையும் வைத்து அரைத்துப் போட்டால் ரசம்
சுவையாக இருக்கும்.//

தனியாவும் முக்கியம், தனியாவையும் சேர்த்து அரைக்கவேண்டும், இல்லாவிட்டால் ரசம் நன்றாக இருக்காது புன்னகை

**krishnaamma** · **krishnaamma** Tue Apr 16, 2019 11:36 am

மத்தபடி எல்லா குறிப்புகளுமே அருமை அண்ணா புன்னகை

இந்த பதிவைத் துவங்கியவர் நன்றி கூறியுள்ளார் krishnaamma

Sponsored content · Sponsored content

ரசப்பொடி இல்லாத போது…(சமையல் டிப்ஸ்)

ரசப்பொடி இல்லாத போது…(சமையல் டிப்ஸ்)

Re: ரசப்பொடி இல்லாத போது…(சமையல் டிப்ஸ்)

Re: ரசப்பொடி இல்லாத போது…(சமையல் டிப்ஸ்)

Re: ரசப்பொடி இல்லாத போது…(சமையல் டிப்ஸ்)

Re: ரசப்பொடி இல்லாத போது…(சமையல் டிப்ஸ்)

Re: ரசப்பொடி இல்லாத போது…(சமையல் டிப்ஸ்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக