எல்லை தாக்குதல்: 5 பேர் வீரமரணம்

ஜம்மு:
காஷ்மீரின் ஹந்துவாரா பகுதியில் நடந்த துப்பாக்கிச்
சண்டையில் 5 பேர் பலியாயினர். இதில் 3 சி.ஆர்.பி.எப் .
வீரர்கள் 2 பேர் போலீசார் ஆவர்.

இன்று 3வது நாளாக தொடர்ந்து தாக்குதல் நடந்து
வருகிறது.

இந்திய விமானப்படை விங் கமாண்டர் அபிநந்தனை
பாக்., விடுவித்த பிறகு எல்லையில் போர் பதற்றம்
தணிந்து வருவதாக கூறப்படுகிறது.

இருப்பினும் பயங்கரவாதிகள் ஒரு புறமும், பாக்.,
ராணுவம் ஒரு புறமும் தாக்குதல் நடத்தி வருவது
தொடர்ந்து வருகிறது.

காஷ்மீரின் பல பகுதிகளில் பாக்.,ராணுவம் தொடர்ந்து
10 வது நாளாக அத்துமீறி தாக்குதல் நடத்தி வருகிறது.
இதற்கு இந்திய ராணுவத்தினர் தக்க பதிலடி கொடுத்து
வருகின்றனர்.

பாபாகுண்ட், ஹந்த்வாரா ஆகிய பகுதிகளில் பாதுகாப்பு
படையினருக்கும், பயங்கரவாதிகளுக்கும் இடையே நடந்து
வரும் துப்பாக்கிச் சண்டை தொடர்ந்து 3வது நாளாக
இன்றும் (மார்ச் 03) தொடர்ந்து வருகிறது.

இதுவரை நடைபெற்ற சண்டையில் 2 சிஆர்பிஎப் வீரர்கள்,
2 காஷ்மீர் போலீசார் வீரமரணம் அடைந்துள்ளனர்.
தொடர்ந்து அப்பகுதியில் துப்பாக்கிச் சண்டையுடன்,
பதுங்கி இருக்கும் பயங்கரவாதிகளை தேடும் பணியும்
நடந்து வருகிறது.

இதற்கிடையில் எல்லையில் பதற்றம் தொடர்ந்து
வருவதால் கூடுதலாக 400 பதுங்கு குழிகளை அமைக்க
மத்திய அரசு அனுமதி அளித்துள்ளது. தலா 200 வீதம்,
பூஞ்ச் மற்றும் ரஜோரி மாவட்டங்களில் பதுங்கு குழிகள்
அமைக்கப்பட உள்ளன.

அடுத்த ஒரு மாதத்திற்குள் இந்த பதுங்கு குழிகள்
அமைக்கப்படும் என தெரிவிக்கப்பட்டுள்ளது.
=-
---------------------------
தினமலர்