அபிநந்தன் குறித்து சர்ச்சை கருத்து: சிக்கலில் சிக்கிய கஸ்தூரி

-
பாகிஸ்தான் பிடியில் இருக்கும் அபிநந்தன் குறித்து கருத்தை கஸ்தூரி பதிவிட்ட கருத்து சர்ச்சையைக் கிளப்பியுள்ளது.


பாகிஸ்தானால் கைது செய்யப்பட்டதாக கூறப்படும் இந்திய விமான படை விமானி அபிநந்தன் வர்தமான் சென்னையை சேர்ந்தவரென தகவல் வெளியாகி உள்ளது. இவரது தந்தையும் இந்திய விமானப்படையில் ஏர் மார்ஷலாக பணி புரிந்தவர் என்று கூறப்படுகிறது.

இந்நிலையில் கஸ்தூரி தனது டிவிட்டரில் அபிநந்தன், சென்னையின் மகன். திருபணமூர் கிராமத்தை பூர்வீகமாக கொண்டவர். ஆச்சாரமான குடும்பத்தில் தந்தையும் பரம் விஷிஸ்ட சேவா மெடல் வாங்கிய விமானப்படை வீரர் என பதிவிட்டிருந்தார்.

இதற்கு நபர் ஒருவர் சீருடையில் ஆச்சாரமா..? அந்த உயர்சாதி மனசு மானுடமாக மறுக்கிறதே என கூறினார்.

இதனால் கடுப்பான கஸ்தூரி மனுஷத்தன்மையே இல்லாமல் ராணுவத்தில் ரத்தம் சிந்தியவன் யாரும் ப்ராஹ்மணன் இல்லை என்று கணக்கெடுக்கும் நன்றிகெட்ட திராவிட சொம்புக்களுக்கு என் பதிவு கசக்கத்தான் செய்யும் என பதிவிட்டு அவருக்கு பதிலடி கொடுத்தார்
-
தமிழ் வெப்துனியா

Code:

இதற்கு நபர் ஒருவர் சீருடையில் ஆச்சாரமா..? அந்த உயர்சாதி மனசு மானுடமாக மறுக்கிறதே என கூறினார்.

ராணுவத்தில் பணி புரியும் ஹிந்துவோ /முஹம்மதியனோ/கிருத்தவனோ/ சீக்கியனோ நாட்டை பாதுகாக்கும் பணியில் ஈடுபட்டு உள்ளனர்.காங்கிரஸ் ஆண்டாலும் கம்யூனிஸ்ட் ஆண்டாலும் பாஜகா ஆண்டாலும் நாட்டை காக்கும் நற்பணியில் ஈடுபட்டு உள்ளனர். இதில் ஜாதி எங்கே வந்தது.? அரசியல் லாபம் கருதுபவர்கள்/ஜாதி கலவரம் தூண்ட நினைப்பவர்கள் செய்யும் ஈனமான தொழில் இது.  

ஆளும் கட்சிகள் மாறும் போது இவர்கள் மாறுவதில்லை.
இதை புரிந்து கொள்ளாதவர்கள் தேச துரோகிகள்.  

திராவிட கழகம் ஒன்றும் சங்கர மடம் இல்லை என்றவர்கள் தங்கள் மகன் /பேரன்/கொள்ளு பேரன் .......என பதவிகள் தந்து கொண்டு  இருக்கிறார்கள். வெளியில் அரசியல் பதவிக்காக  தெய்வ நிந்தனை செய்பவர்கள் 
தங்கள் வீட்டில் அதை நடைமுறை படுத்த முடியாமல் தவிக்கிறார்கள்.

முன்பொரு முறை எழுத்தாளர் ஜெயகாந்தன் தனது இளம் வயதில் பெரியார் ஈ வே ரா வை சந்திக்க வந்த போது 
நெற்றியில் இட்டு இருந்த விபூதியை சரியாக அழிக்காமல் அதன் சுவடுடன் சந்தித்தார். கண்ணியமாக பேசிய பெரியாரும் ஜெயகாந்தனின் எழுதும் திறமையை பாராட்டிவிட்டு, எப்போதும் போல் வாசல் வரை வந்து விடை கொடுக்கும் போது, " தம்பி, என்னை காண வரும்போது நெற்றியில் இட்டு இருந்த துண்ணூரை  அழித்து விட்டு வந்தீரா என கேட்க,  ஆம் என ஜெயகாந்தன் கூற, மற்றவர்களுக்காக உனக்கு சரி எனப்படுவதை மாற்றிக்கொள்ளாதே என்றாராம்.விபூதியுடன் வந்திருந்தாலும் உன்னுடன் பேசி இருப்பேன் என்றாராம்.
நாமம் இட்ட ராஜாஜியும் பெரியாரும் சிறந்த நண்பர்கள். ராஜாஜி மறைவுக்கு சக்கர நாற்காலியில் உட்கார்ந்து வந்து அந்திம கிரியயையில் பங்கு கொண்டவர். அதனால்தான் இன்றும் பெரியார் என மதிக்கப்படுகிறார்.

இப்போதுள்ள திமுக தலைவர்கள் தொண்டன் முகத்தில் விபூதி குங்குமம் இருந்தால் அழிக்க சொல்லுவார்கள்.அவர்கள் சக்தி அவ்வளவே. PTR rajan .திமுக ஆட்சியில் சபாநாயகராக இருந்த போது 
அவருடைய முகத்தில் மதுரை மீனாக்க்ஷி அம்மன் கோவில் விபூதியும் குங்குமம் அவருடைய முகத்திற்கு தனியொரு பொலிவு தந்ததை பார்த்தவர் அறிவர். அவரை அணியாதே என கூற யாரும் முறைப்படவில்லையே?

ராணுவ வீரர்களை கொச்சைப்படுத்துவதை யாராக இருந்தாலும் சொந்த தாயே கூட அனுமதிக்கமாட்டார்கள்.

ரமணியன்

கருத்து சிக்கல் என கூறி விறுவிறுப்பை உண்டாக்க   ஊடகம் செய்கின்ற பித்தலாட்டம்.

கஸ்தூரி (நடிகை -அவசியமில்லாத ஒன்று) ஒரு கருத்தை கூறியுள்ளார்.
ஊர் பேர் தெரியாத வேறு ஒருவர் ஒரு மாற்று கருத்தை கூறியுள்ளார்.

இதை எல்லோரும் பார்க்கவேண்டுமென ஊடகம் கொடுத்துள்ள ஒரு சென்சேஷனல் தலைப்பு.

ஊடகங்களும் இப்போதெல்லாம் தொழில் செய்கிறார்கள்.

ரமணியன்