சிவனும் அரியும் ஒன்றான சிவன்ராத்திரி!

**ayyasamy ram** · **ayyasamy ram** Sat Mar 02, 2019 7:15 pm

-
சிவராத்திரி வழிபாடு ஊருக்கு ஊர் நாட்டுக்கு
நாடு வழிபாட்டு முறைகளால் மாறுபடுகிறது.

சிவராத்திரியை முன்னிட்டு குமரி மாவட்டத்தில்
கல்குளம், விளவங்கோடு தாலுகாக்களுக்கு உட்பட்ட
12 சிவாலயங்களையும், 112 கி. மீ. தூரம் ஓடியும்
நடந்தும் சென்று தரிசிக்கின்றனர்.

இதனை, "சிவாலய ஓட்டம்' என அழைக்கின்றனர்.

இந்த சிவாலய ஓட்டம்

திருமலை மகாதேவர் கோயில்,
திக்குறிச்சி மகாதேவர் கோயில்,
திற்பரப்பு மகாதேவர் கோயில்,
திருநந்திக்கரை நந்தீஸ்வரர்கோயில்,
பொன்மனை தீம்பிலாங்குடிமகாதேவர் கோயில்,
திருபன்னி பாகம்சிவன்கோயில்,
கல் குளம் நீலகண்ட சுவாமி கோயில்,
மேலாங்கோடு சிவன்கோயில்,
திருவிடைக்கோடு மகாதேவர் கோயில்,
திருவிதாங்கோடு சிவன் கோயில்,
திருபன்றிகோடு மகாதேவர் கோயில்,
திருநட்டாலம் சங்கரநாராயணர் கோயில்

ஆகிய 12 திருக்
கோயில்களையும் தரிசனம் செய்வதாகும்.
---

**ayyasamy ram** · **ayyasamy ram** Sat Mar 02, 2019 7:17 pm

மகாபாரதக் காலத்திலிருந்து இவ்வகை வழிபாடு
நடந்தாலும் சுமார் 300 ஆண்டுகளுக்கு சான்றுகள்
இருப்பதாக அறியப்படுகிறது.

பழம்பெருமை வாய்ந்த இந்த நிகழ்வு வரலாறு
அடிப்படையானது. சிவ பக்தரான வியாக்ரபாத
மகரிஷியே மனிதவடிவும், புலி வடிவம் கொண்ட
புருஷாமிருகம் ஆனார்.

புருஷா மிருகம் விஷ்ணுநாமத்தை கேட்க விரும்பாத
சிவமே சிந்தையுள் கொண்டது.

தர்மரின் ராஜசூய யாகத்திற்கு புருஷாமிருகத்தின்
பால் தேவைப்பட்டது. தர்மர் பீமரிடம்12 ருத்ராட்ச
கொட்டைகளைத் தந்து "நீ திருமால் பெருமையை
பேசினால் புருஷாமிருகம் உன்னைத் துரத்தும்.

அவ்வாறு துரத்தும் போது ருத்ராட்சக் கொட்டைகளை
வீசி எறிந்தால் அது லிங்கமாக ஸ்தாபிதமாகும்.
அங்கே சிவபூஜை செய்த பிறகே, மீண்டும் உன்னைத்
துரத்தும்.

அந்த இறுதி கொட்டை எங்கே விழுகிறதோ அங்கே
அரியும் அரனும் காட்சி தருவர்' என்றார்.
-
------------------------------