நெல்லையில் பதற்றம்: பிரதமருக்கு எதிரான வைகோ போராட்டத்தில் கல்வீச்சு; போலீஸார் தடியடி

**ayyasamy ram** · **ayyasamy ram** Fri Mar 01, 2019 1:23 pm

-

பிரதமர் மோடி இன்று கன்னியாகுமரி வருகைக்கு எதிர்ப்பு
தெரிவித்து மதிமுக பொதுச்செயலாளர் வைகோ
தலைமையிலான போராட்டத்தில் நடந்த கல்வீச்சினை
அடுத்து போலீஸார் தடியடி நடத்தினர்.

இன்று கன்னியாகுமரிக்கு வருகை தரும் பிரதமர் நரேந்திர மோடி,
அங்கு நடைபெறும் நிகழ்ச்சியில் ராமேசுவரம்-தனுஷ்கோடி
இடையே ரயில் தொடர்பை ஏற்படுத்தும் வகையில், ரூ.208 கோடியில்
புதிய திட்டத்துக்கு மோடி அடிக்கல் நாட்டுகிறார்.

இதைத்தொடர்ந்து, புதிய பாம்பன் பால கட்டுமான பணியை
அடிக்கல் நாட்டி தொடங்கிவைக்கிறார். இதையடுத்து,

மதுரை-சென்னை இடையே அதி நவீன தேஜஸ் ரயில் சேவையை
பிரதமர் மோடி காணொலி காட்சி மூலமாக தொடங்கி வைக்கிறார்.

இந்த ரயில் முதல் சேவையாக மதுரையில் இருந்து பிற்பகல்
2.30 மணிக்கு புறப்பட்டு, சென்னை எழும்பூரை இரவு 9.15 மணிக்கு
வந்தடையும்.

பிரதமர் மோடி கன்னியாகுமரியில் இன்று நடைபெறும் நிகழ்ச்சியில்
கலந்து கொள்வதற்காக தமிழகத்திற்கு வருகிறார். இதனை
முன்னிட்டு பாதுகாப்பு பலப்படுத்தப்பட்டு உள்ளது.

இந்நிலையில், தமிழகம் வரும் பிரதமருக்கு எதிராக மதிமுக பொது
செயலாளர் வைகோ தலைமையில் திருநெல்வேலி காவல் கிணறு
பகுதியில் போராட்டம் நடந்து வருகிறது.

அக்கட்சி தொண்டர்கள் கருப்பு கொடி காட்டி வருகின்றனர்.
கருப்புக்கொடி போராட்டத்தில் கற்களை வீசிய நபர்களை
மதிமுகவினர் விரட்டிச் சென்றதால் பரபரப்பு நிலவியது.

போராட்டத்தில் தள்ளுமுள்ளு ஏற்பட்டது. கல்வீச்சு சம்பவங்களும்
நடந்தன. இதனால் பாதுகாப்பு பணியில் ஈடுபட்டிருந்த போலீஸார்
தடியடி நடத்தி கல்வீச்சில் ஈடுபட்டவர்களை விரட்டியடித்தனர்.
கூடுதல் போலீஸாரும் அங்கு குவிக்கப்பட்டுள்ளனர்.
-
----------------------------------
தினமணி

நெல்லையில் பதற்றம்: பிரதமருக்கு எதிரான வைகோ போராட்டத்தில் கல்வீச்சு; போலீஸார் தடியடி

நெல்லையில் பதற்றம்: பிரதமருக்கு எதிரான வைகோ போராட்டத்தில் கல்வீச்சு; போலீஸார் தடியடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக