எல்லையில் போர் பதற்றம் - தொடர் பதிவு

**ayyasamy ram** · **ayyasamy ram** Wed 27 Feb 2019 - 16:38

நிர்மலாவுடன் முப்படை தளபதிகள் சந்திப்பு
-
புதுடில்லி :
மத்திய பாதுகாப்புத்துறை அமைச்சர் நிர்மலா சீதாராமனை,
ராணுவ தளபதி பிபின் ராவத்,
விமானப்படை தளபதி பிரேந்தர் சிங் தனோயா,
கடற்படை தளபதி சுனில் லம்பா

ஆகியோர் டில்லியில் சந்தித்து, ராணுவ படைகளின்
செயல்பாடுகள் குறித்து முக்கிய ஆலோசனை நடத்த
உள்ளனர்.
-
தினமலர்

**ayyasamy ram** · **ayyasamy ram** Wed 27 Feb 2019 - 16:42

எல்லைக்குள் நுழைந்த பாக்., விமானம் சுட்டு வீழ்த்தப்பட்டது
--

ஜம்மு:
காஷ்மீரின் ரஜோரி பகுதியில் உள்ள இந்திய விமானப்படை
தளம் மீது எப்16 ரக பாக்., விமானம் தாக்குதல் நடத்தி உள்ளது.
இந்த விமானத்தை சுட்டு வீழ்த்தியது இந்திய ராணுவம்.

பாக்.,கில் உள்ள பயங்கரவாதிகள் முகாம்கள் மீது இந்திய
விமானப்படை விமானங்கள் அதிரடி தாக்குதல் நடத்தி
350 பயங்கரவாதிகள் கொல்லப்பட்டனர். இதற்கு பதில்
தாக்குதல் நடத்தும் எண்ணத்தில் இன்று (பிப்.27) பாக்.,
விமானம் ஒன்று காஷ்மீரில் ரஜோரி பகுதியில் தாக்குதல்
நடத்த நுழைந்தது.

இந்திய ராணுவம், பாக்., விமானத்தின் மீது பதில் தாக்குதல்
நடத்தினர். சுடப்பட்ட பாக்., விமானம், அந்நாட்டு எல்லைக்குள்
சென்று விழுந்தது. விமானி பாராசூட் மூலம் குதித்து
விட்டதாக தகவல்கள் தெரிவிக்கின்றன.

இந்திய விமானப்படை தளங்களில் உச்ச கட்ட உஷார் நிலை
அமல்படுத்தப்பட்டுள்ளது. ஜம்மு, ஸ்ரீநகர், லே, பதன்கோட்
விமான நிலையங்களில் பாதுகாப்பு தீவிரப்படுத்தப்பட்டுள்ளது.

பாதுகாப்பு காரணங்களுக்காக ஜம்மு, ஸ்ரீநகரில் வான்வெளி
மூடப்பட்டுள்ளது.

பாதுகாப்பு காரணமாக பல விமானங்களின் இயக்கம் நிறுத்தி
வைக்கப்பட்டுள்ளது.
-
----------------------
தினமலர்

**ayyasamy ram** · **ayyasamy ram** Wed 27 Feb 2019 - 16:44

பாக்.,க்கு அமெரிக்கா நெருக்கடி
-

எல்லை கட்டுப்பாட்டு பகுதியில் இந்திய விமானப்படை,
பயங்கரவாதிகள் முகாம்கள் மீது நடத்திய தாக்குதலை
அடுத்து பாக்.,ல் பயங்கரவாத அமைப்புக்கள் செயல்பட்டு
வருவது உறுதி செய்யப்பட்டுள்ளது.

இந்நிலையில் பாக்.,க்கு அமெரிக்கா எச்சரிக்கை தகவல்
ஒன்றை அனுப்பி உள்ளது. அதில், பயங்கரவாத அமைப்புக்கள்
மீது உடனடியாக நடவடிக்கை எடுக்க வேண்டும்.

பயங்கரவாதிகளை ஒடுக்க தேவையான நடவடிக்கைகளை
பாக்., மேற்கொள்ள வேண்டும். ராணுவ நடவடிக்கைகளை
தவிர்க்க பயங்கரவாத அமைப்புக்கள் மீது பாக்., நடவடிக்கை
எடுத்தே தீர வேண்டும்.

இவ்வாறு அதில் தெரிவிக்கப்பட்டுள்ளது. இது தொடர்பாக
பாக்., வெளியுறவுத்துறை அமைச்சர் குரேஷியை தொலை
பேசியில் அழைத்து அமெரிக்க வெளியுறவுத்துறை அமைச்சர்
மைக் பாம்பியோ பேசி உள்ளார்.

புல்வாமா தாக்குதலுக்கு பிறகு இந்தியா மற்றும் பாக்., இடையே
போர் உருவாகும் சூழல் ஏற்பட்டுள்ளதால் இரு நாடுகளுடனும்
அமெரிக்கா சமரச பேச்சுவார்த்தையில் ஈடுபட்டு வருகிறது.

இந்நிலையில் இந்திய விமானப்படை பயங்கரவாத முகாம்கள்
மீது நடத்திய தாக்குதலை அடுத்து, பாக்.,க்குஅமெரிக்கா
எச்சரிக்கை விடுத்துள்ளது. புல்வாமா தாக்குதலுக்கு பிறகு பாக்.,
மீதான உலக நாடுகளின் அழுத்தமும், நெருக்கடியும் அதிகரித்து
வருவது குறிப்பிடத்தக்கது.
-
------------------------
தினமலர்

**ayyasamy ram** · **ayyasamy ram** Wed 27 Feb 2019 - 16:46

எது வேண்டுமானாலும் நடக்கலாம்: ஜெட்லி சூசகம்
-
புதுடில்லி:

அமெரிக்க படைகள், பாகிஸ்தானுக்குள் புகுந்து
ஒசாமா பின் லேடனை கொன்றது போல் தற்போதைய
சூழலில் எது வேண்டுமானாலும் நடக்கலாம் என மத்திய
நிதியமைச்சர் அருண் ஜெட்லி தெரிவித்துள்ளார்.

இந்தியா - பாக்., இடையே எல்லையில் பதற்றம் அதிகரித்து
வரும் நிலையில் அவர் இவ்வாறு தெரிவித்துள்ளது
முக்கியத்துவம் வாய்ந்ததாக கருதப்படுகிறது.

போர் விமானங்களை எந்த நேரத்திலும் இயக்க தயாராக
இருக்கும்படி விமானப்படைக்கு அரசு உத்தரவிட்டுள்ளதாக
தகவல்கள் வெளியாகி உள்ளன.

இந்நிலையில் ஜெட்லியின் இந்த கருத்து போர் சூழலை
உறுதி செய்யும் விதமாக உள்ளது.
-
--------------------------
தினமலர்

**பழ.முத்துராமலிங்கம்** · 27/09/2015

Code:: புல்வாமா தாக்குதலுக்கு பிறகு இந்தியா மற்றும் பாக்., இடையே போர் உருவாகும் சூழல் ஏற்பட்டுள்ளதால் இரு நாடுகளுடனும் அமெரிக்கா சமரச பேச்சுவார்த்தையில் ஈடுபட்டு வருகிறது. இந்நிலையில் இந்திய விமானப்படை பயங்கரவாத முகாம்கள் மீது நடத்திய தாக்குதலை அடுத்து, பாக்.,க்குஅமெரிக்கா எச்சரிக்கை விடுத்துள்ளது. புல்வாமா தாக்குதலுக்கு பிறகு பாக்., மீதான உலக நாடுகளின் அழுத்தமும், நெருக்கடியும் அதிகரித்து வருவது குறிப்பிடத்தக்கது.