ஏ ஆர் ரஹ்மான் இசை உலகம் முழுவதையும் கவர்ந்துவிட்டது!’ – பிரதமர் புகழாரம்

ஏ ஆர் ரஹ்மானுக்கு சிறந்த இந்தியர் விருது!
ஆஸ்கர்
விருது பெற்று தனது மண்ணுக்கும் தேசத்துக்கும் பெருமை சேர்த்த தமிழன் ஏஆர்
ரஹ்மானுக்கு சிறந்த இந்தியர் விருதினை வழங்கி கவுரவித்தார் பிரதமர்
மன்மோகன் சிங்.

டெல்லியில் திங்கள்கிழமை நடைபெற்ற விழாவில் 2009-ம் ஆண்டின் ‘சிஎன்என்-ஐபிஎன் சிறந்த இந்தியர்’ விருதை
ஏ.ஆர் ரஹ்மானுக்கு வழங்கிய பிரதமர், பின்னர் அவரைக் கட்டியணைத்து தனது அன்பையும் பாராட்டையும் தெரிவித்தார்.
விருதினைப் பெற்றுக் கொண்ட ரஹ்மான் பேசுகையில், “இந்த விருது இசைக்கு
கிடைத்த வெற்றி. இந்த விருதும் எனக்கு தரப்பட்ட கவுரவமும் ஏராளமானோரை
ஈர்த்து அவர்களுக்கும் ஊக்கம் தரும் என்று நம்புகிறேன்” என்றார்.
பிரதமர் மன்மோகன் சிங் பேசுகையில், “ரஹ்மானின் இசை அனைவரையும் கவரக்
கூடியதாக உள்ளது. வெள்ளை மாளிகையில் அவரது இசையைக் கேட்டபோது எனக்கு
மகிழ்ச்சியும், உற்சாகமும் வந்தது. ஏதோ சாதனை செய்தது போன்ற உணர்வு
ஏற்பட்டது.
அனைத்து உலகினரையும் கவரக் கூடியது ரஹ்மானின் இசை” என்றார்.
இந்த விருது தவிர இசைத் துறையில் சிஎன்என் ஐபிஎன் இந்தியர் விருதையும் ரஹ்மான் வென்றார்.
கமலுக்கு சிறப்பு விருது..
கலைஞானி கமல்ஹாசனுக்கு திரையுலகில் பொன்விழா கண்டதற்காக சிறப்பு விருது கொடுக்கப்பட்டது.
இளம் சாதனையாளர் விருது சாய்னா நெஹ்வாலுக்கும், சிறந்த இந்தியத்
தொழிலதிபர் விருது கிரண் கார்னிக், அச்சுதன் ஆகியோருக்கும், சிறந்த நடுவர்
விருது தீபக் பரேக்குக்கும் கிடைத்தது. விளையாட்டுத் துறையில், டெஸ்ட்
போட்டிகளில் நம்பர் ஒன் இடத்தைப் பிடித்துள்ள இந்திய கிரிக்கெட் அணிக்கு
சிறப்பு விருது அளிக்கப்பட்டது. இதை கங்குலி, கும்ப்ளே, ராகுல் டிராவிட்,
லட்சுமண், முரளி கார்த்திக் ஆகியோர் இணைந்து பெற்றுக் கொண்டனர்.
கலைஞானி கமல்ஹாசனுக்கு திரையுலகில் பொன்விழா கண்டதற்காக சிறப்பு விருது கொடுக்கப்பட்டது.
வாழ்நாள் சாதனையாளர் விருது ரவிசங்கருக்கு கொடுக்கப்பட்டது.
சிறந்த அரசியல்வாதிக்கான விருது காங்கிரஸ் கட்சியின் பொதுச் செயலாளர் ராகுல் காந்திக்கு வழங்கப்பட்டது குறிப்பிடத்தக்கது.