சினி துளிகள்! - தொடர்பதிவு

**ayyasamy ram** · **ayyasamy ram** Mon Feb 25, 2019 4:33 pm

-
விஜயசேதுபதியுடன், சூப்பர் டீலக்ஸ் படத்தில் நடித்துள்ள,
சமந்தா, மீண்டும், துக்ளக் படத்திலும், அவருடன்
இணைந்து நடிக்கிறார்.

காமெடி வேடங்கள் மட்டுமின்றி, குணசித்ர வேடங்களில்
நடிப்பதிலும், அதிக ஆர்வமாக இருக்கிறார்,

**ayyasamy ram** · **ayyasamy ram** Mon Feb 25, 2019 4:34 pm

-
தனுஷ் இயக்கிய, பவர்பாண்டி படத்தில், ராஜ்கிரணுக்கு
ஜோடியாக நடித்தார், நடிகை ரேவதி. அதன்பின்,
பிரபுதேவா நடித்த, குலேபகாவலி படத்தில், கார் திருடும்
பெண்ணாக ஒரு காமெடி வேடத்தில் நடித்திருந்தார்.

அதையடுத்து, இப்போது, குலேபகாவலி இயக்குனர்,
கல்யாண் இயக்கும் புது படத்தில், ஜோதிகாவுடன் இணைந்து,
மீண்டும் ஒரு காமெடி வேடத்தில் நடிக்கிறார்.

இந்த படத்தில், சந்திரபாபு, சார்லி சாப்ளின் போன்று,
அங்க சேஷ்டைகள் செய்து, சிரிக்க வைக்கும் ‘ஸ்லாப்ஸ்டிக்’
வகை காமெடி செய்யப் போவதாக சொல்லும் ரேவதி
, ‘இந்த காமெடி, தமிழ் சினிமா ரசிகர்களுக்கு, புதிய
அனுபவத்தை கொடுக்கும்…’ என்கிறார்.
===
— சினிமா பொன்னையா

**ayyasamy ram** · **ayyasamy ram** Mon Feb 25, 2019 4:35 pm

சினி துளிகள்! - தொடர்பதிவு 201901241154574392_Manju-Warrier-excited-about-pairup-with-Dhanush-in-Asuran_SECVPF

-
மலையாள சினிமாவில், 23 ஆண்டுகளாக நடித்து
வருபவர், மஞ்சு வாரியர். மலையாள நடிகர், திலீப்பை
திருமணம் செய்து, சிறிது காலம் நடிப்பதற்கு
இடைவெளி விட்டிருந்தார்.

அவரை, மஞ்சு விவாகரத்து செய்த பின், மீண்டும்
சினிமாவில், ‘பிசி’யாக நடித்து வருகிறார். அதோடு,
முதல் முறையாக, தமிழில், வெற்றிமாறன் இயக்கத்தில்,
தனுஷ் நடிக்கும், அசுரன் படத்தில் அறிமுகமாகிறார்.

மலையாளத்தில், கதையின் நாயகியாக நடித்து வரும்
சீனியர் நடிகை என்பதால், மஞ்சு வாரியருக்கு, அசுரன்
படத்தில் அழுத்தமான கதாபாத்திரம் கொடுக்கப்
பட்டிருக்கிறது.

அதனால், மஞ்சு வாரியர், தமிழ் சினிமாவில், கதையின்
நாயகியாகி விடுவார் என்று கூறுகின்றனர்.

ஆகும் காலம்
வந்தால், தேங்காய்க்கு இளநீர் போல் சேரும்.
---
—எலீசா

**ayyasamy ram** · **ayyasamy ram** Mon Feb 25, 2019 4:36 pm

சினி துளிகள்! - தொடர்பதிவு Sunnycover-1550739938

-
பாலிவுட்டில் சன்னிலியோனுக்கான மவுசு இறங்கி விட்டதால்,
தற்போது தென் மாநில சினிமாவில் தஞ்சமடைந்துள்ளார்.

அந்த வகையில், தமிழில், வீரமாதேவி படத்தை அடுத்து,
விஷாலுடன், அயோக்யா படத்தில், குத்தாட்டம் போட்டு
உள்ளார்.

இதையடுத்து, மலையாள சினிமாவில், மம்மூட்டியுடன்,
மதுர ராஜா என்ற படத்திற்காகவும், அவருடன் ஒரு
பாடலுக்கு நடனமாடி உள்ளார்,

சன்னி லியோன். மேலும், ஷகீலா போன்ற நடிகையர்,
கேரள ரசிகர்களை, கவர்ச்சியால் கட்டிப் போட்டு வைத்திருந்த
கதையை கேள்விப்பட்டு, தன் உச்சக்கட்ட கவர்ச்சியால்,
மொத்த கேரளாவை, ‘கிளீன் போல்ட்’ ஆக்கி விடலாம் என்று,
தற்போது, மலையாள பட வேட்டையை துரிதப்படுத்தி உள்ளார்.

போதாக்குறைக்கு பொன்னியும் வந்தாள்!

—எலீசா

**ayyasamy ram** · **ayyasamy ram** Mon Feb 25, 2019 4:36 pm

-
முன்னாள் பிரதமர், மன்மோகன் சிங்கின் வாழ்க்கை
வரலாறை மையப்படுத்தி, தி ஆக்சிடென்டல்
பிரைம் மினிஸ்டர் என்ற திரைப்படம், இந்தியில்
வெளியானது.

அதையடுத்து, தற்போதைய பிரதமர், நரேந்திர மோடியின்
வாழ்க்கை வரலாறு படம், பி.எம்., நரேந்திர மோடி என்ற
பெயரில் தயாராகி வரும் நிலையில், காங்கிரஸ் கட்சி
தலைவர், ராகுலின் வாழ்க்கை வரலாறை மையப்படுத்தி,
மை நேம் இஸ் ராகா என்ற பெயரில் ஒரு படமும், தற்போது
தயாராகி வருகிறது
---
சினிமா பொன்னையா

Sponsored content · Sponsored content

சினி துளிகள்! - தொடர்பதிவு

சினி துளிகள்! - தொடர்பதிவு

Re: சினி துளிகள்! - தொடர்பதிவு

Re: சினி துளிகள்! - தொடர்பதிவு

Re: சினி துளிகள்! - தொடர்பதிவு

Re: சினி துளிகள்! - தொடர்பதிவு

Re: சினி துளிகள்! - தொடர்பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக