கோர்ட் அவமதிப்பு வழக்கு: அனில் அம்பானி குற்றவாளி

**ayyasamy ram** · **ayyasamy ram** Wed 20 Feb 2019 - 13:18

புதுடில்லி:
எரிக்சன் நிறுவனம் தொடர்ந்த கோர்ட் அவமதிப்பு வழக்கில்
அனில் அம்பானி குற்றவாளி என சுப்ரீம் கோர்ட் தீர்ப்பு வழங்கி
உள்ளது.

ரிலையன்ஸ் கம்யூனிகேஷன் நிறுவனத்தின் மீது எரிக்சன்
நிறுவனம் தொடர்ந்த வழக்கில் ரூ.550 கோடி கடன் பாக்கியை
தர வேண்டும் என சுப்ரீம் கோர்ட் சமீபத்தில் உத்தரவிட்டிருந்தது.

இதனால் ரிலையன்ஸ் கம்யூனிகேஷன் நிறுவனம் திவாலாகி
விட்டதாகவும், தங்கள் நிறுவன சொத்துக்களை விற்க, கடனை
திருப்பிச் செலுத்த முடிவு செய்திருப்பதாக ரிலையன்ஸ்
கம்யூனிகேஷன் தலைவர் அனில் அம்பானி அறிவித்திருந்தார்.
ஆனால் எவ்வளவு முயன்றும் சொத்துக்களை விற்க முடியவில்லை.

இதனால் எரிக்சன் நிறுவனத்திற்கு சிறிய அளவிலான தொகையை
மட்டும் ரிலையன்ஸ் கம்யூனிகேஷன் நிறுவனம் திருப்பிச் செலுத்தியது.
கோர்ட் உத்தரவை நிறைவேற்ற தவறியதால் ரிலையன்ஸ் நிறுவனத்தின்
மீது எரிக்சன் நிறுவனம், சுப்ரீம் கோர்ட்டில் கோர்ட் அவமதிப்பு வழக்கு
தொடர்ந்தது.

இந்த வழக்கில் சுப்ரீம் கோர்ட் இன்று தீர்ப்பளித்தது.

இதில், அனில் அம்பானி மற்றும் 2 இயக்குனர்கள் குற்றவாளிகள்
என தீர்ப்பளித்தது. மேலும் ரூ.453 கோடி பாக்கியை 4 வாரங்களில்
எரிக்சன் நிறுவனத்திற்கு அளிக்க வேண்டும். பணத்தை திருப்பித்தர
தவறினால் 3 மாதங்கள் சிறை தண்டனை அனுபவிக்க வேண்டி
இருக்கும். குற்றவாளிகள் 3 பேரும் தலா ரூ.1 கோடி அபராதம் செலுத்த
வேண்டும். அதனை ஒரு மாத காலத்திற்குள் செலுத்தாவிட்டால்
ஒரு மாத சிறை தண்டனை விதிக்கப்படும் என தெரிவிக்கப்பட்டுள்ளது.
-
-------------------------
தினமலர்

**T.N.Balasubramanian** · **T.N.Balasubramanian** Wed 20 Feb 2019 - 21:07

இவருடைய தந்தை முன்யோசனையுடன் பெயர் சூட்டி உள்ளார் போலும்.
இவருடைய அண்ணன் வியாபாரம் எல்லாம் செம லாபத்தில் ஓடுகிறது.
இந்தியாவின் பெரிய பணக்காரர். பெயர் மு கேஷ்

தம்பியின் வியாபாரம் எல்லாம் நஷ்டத்தில் போகிறது
எல்லாம் நில்,(NIL ) ANIL வியாபாரம் All NIL

ரமணியன்

கோர்ட் அவமதிப்பு வழக்கு: அனில் அம்பானி குற்றவாளி

கோர்ட் அவமதிப்பு வழக்கு: அனில் அம்பானி குற்றவாளி

Re: கோர்ட் அவமதிப்பு வழக்கு: அனில் அம்பானி குற்றவாளி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக